موضوع فرفشة ونرجع الذكريات قد نكون زملاء مراحل الدراسة - نادي الهلال السعودي - شبكة الزعيم

الكاس ازرق · #1 15/06/2009, 11:54 PM

السلام عليكم ............

قد نكون زملاء اين درست المرحلة المتوسطه والثانوية بنبن

بالنسبه لي انا
الابتدائيه (حي سلطانه )
المتوسط والثانوي(معهد امام الدعوه العلمي)
الجامعه (جامعه الامام محمد بن سعود )
طبعآ في الرياض
اتمنى من الاعضاء كتابه مراحل الدراسه له واذا امكن سنه التخرج في كل مرحله
والسلام عليكم ........

القيصر رهيب · #2 16/06/2009, 12:59 AM

شيء جميل جدا

يارب أحصل أحد يعرفني خاصة في المرحلة الابتدائية و الاول متوسط

الابتدائيه :

مدرسة الطلائع

أول متوسط :

الفصل الاول في الرابية الفصل الثاني مجمع الامير سلطان بن عبدالعزيز

ثاني متوسط إلى أولى ثانوي :

مجمع الامير سلطان بن عبدالعزيز << ولا أبي أقابل أحد منهم الحين

ثاني و ثالث ثانوي :

مدارس المناهج

السامــ9ـي كسامــ9ـي · #3 16/06/2009, 02:36 AM

موضوع رااااااااااااائع

كل مدارسي بالعريجاء للأسف

الأبتدائية (( ابن حزم )) بالعريجاء

المتوسطة (( ذي النورين )) بالعريجاء

الثانوي (( بلاط الشهداء )) بالعريجاء قمة الزحفااااااااااااااااااااااااااان

الجامعة (( أفضل جامعة بالمملكة جامعة الملك سعود )) أكيد بالدرعية
قسم الرياضياااااااااااااااااااااااااااااااات قسم العذاب
الآن مدرس في ..................... المتوسطة خايف أحصل طلابي واتوهق هههههههههههههه

سلطان وسطام · #4 16/06/2009, 02:46 AM

اما انا بالنسبة لي <<<<<<<<انا في الأبتدائية في الرياض الصف الخامس

F.C.H · #5 16/06/2009, 02:56 AM

الموضوع منتاز

الابتدائي ناسي لان كل سنه بمدرسة بس اللي أذكره خامس وسادس بمدارس الابناء بالحرس الملكي

والمتوسطة أحلى ايام بـ متوسطة العليا

الثانوي رجعنا لمدارس الأبناء بالحرس الملكي .. وايامها كانت حلوه

تحياتي لك عزيزي

Meme · #6 16/06/2009, 03:25 AM

مع ان الموضوع حق اولاد
بس عنادا فيكم بجاوب هع
انا من اولى ابتدائي الى ثالث ثانوي ادرس بمدرسه واحده ولكن بمباني متعدده
اسم المدرسه الثالثه لتحفيظ القران الكريم
واسم الجامعه جامعة الرياض سابقا وحاليا جامعة الاميره نوره بنت عبدالعزيز
وش يدريكم يمكن تطلع لي وحده هنا صقيقتي هع
ويمكن يطلع لي واحد صقيقي هع >> تحس نفسها بكندا >> ذكرت كندا لان ودي اروح لها هع

اختكم ميمي

محب الجنه الخرج · #7 16/06/2009, 05:06 AM

انا والله كل دراستي في الخرج

الابتدائية عند اللي مثلي الحضر روقان وهي ابتدائية معاذ بن جبل

والمتوسطة اختلف الجو علي وطحت بمدرسة كلها من الاخوان البدو وهي متوسطة ابن الهيثم

والثانوية بالملك عبدالله

واخيرا بالكلية التقنية بالخرج طبعا

البرق الطائش · #8 16/06/2009, 05:25 AM

بالنسبه لي انا
الابتدائيه (العز بن عبدالسلام )
^^^^^ الله على هذيك الأيام.

المتوسط ( عكاشة بن محصن & عبدالله بن أم مكتوم )
^^^^ أنا ماخربني إلا المدرسة الثانية الله لا يعيدها من أيام هي والثانوي

الثانوي( العباس بن عبدالمطلب )
^^^^ الحمدلله إني خلصت منها على خير لأنها كانت أسوأ أيام حياتي

الكلية ( كلية بر الوالدين الكلية التقنية برمجة حاسب )
طبعآ في جوار رسول الله - صلى الله عليه وسلم بالمدينة المنورة

بونانوتي · #9 16/06/2009, 06:14 AM

أقوٍل
انا أبي الفكهـ من اللي درست معهم بالإبتدائيه ..
وأنت جآي تدور عليهم هع هع

الفن 20 · #10 16/06/2009, 10:51 AM

انا درست من اولى ابتدائي الى 3 متوسط في مدرسة وحده(((الأرقم الأهليه)))
وبصراحة عشت فيها اجمل ايام حياتي
والمدرسة في حي الحمراء بشرق الرياض

وانا الان ادرس الثانويه في مدرسة الرواد الاهليه في مخرج 9

والله يوفق الجميع

امي ولدتني هلالي · #11 16/06/2009, 11:04 AM

^
^
^
مدارس الرواد اجل

والله انها مدرسة ما شاء الله
احلى المدارس في نظري
الله يوفقك
.
.
.

يا ساتر انا رحالة

من التمهيدي الى رابع ابتدائي

" مدارس العناية الاهليه "
من خامس ابتدائي الى اول متوسط الفصل الاول
" مدارس مدينة الملك عبدالعزيز للعلوم والتقنية "
اول متوسط الفصل الثاني الى ثاني متوسط
" مدارس العناية الاهلية " مرة اخرى
من ثالث متوسط الى ثالث ثانوي
" مدارس الرواد الاهلية "

الجامعة ::
جامعة الملك سعود للتعقيد
قصدي
جامعة الملك سعود العفنة
قصدي
جامعة الملك سعود للأمراض النفسية
لالالالالالالالالالا
خلاص
جامعة الملك سعود
كلية التوانسة والجزائريين

كلية الحاسب الالي قسم علوم حاسب

والآن موظف والحمد لله
بس ماراح اقول وين
الي معي بالدوام شاغلين نت في نت

ميلا هلالي ـني · #12 16/06/2009, 02:35 PM

والله انا من اولى ابتدائي الى سادس في مدرسه عبدالرحمن بن القاسم اما المتوسط الى الثانويه في المعهد العلمي بالسويدي ...

**نــواره** · #13 16/06/2009, 03:39 PM

إقتباس

الرسالة الأصلية كتبت بواسطة محب الجنه الخرج


	انا والله كل دراستي في الخرج الابتدائية عند اللي مثلي الحضر روقان وهي ابتدائية معاذ بن جبل والمتوسطة اختلف الجو علي وطحت بمدرسة كلها من الاخوان البدو وهي متوسطة ابن الهيثم والثانوية بالملك عبدالله واخيرا بالكلية التقنية بالخرج طبعا

>>شطحه>>

هههههههههههههههـ

ابتدآئية معاذ بن جبل يعني ابووي مدرسك ههههههـ

تشرفنـآ يـآ طآلب أبــتآي

صدق لآ قـآآلوآ الديـرهـ صغـيرهـ

ودي أقوول وين درست بس خآيفه يعرفني محب الجنه الخرج

خخخخخخـ

موضوع رهيب بس متأكده ماني لآقيه أحد يعرفني..

تسلم هـآآك==>

R D H · #14 16/06/2009, 03:50 PM

إقتباس


	شيء جميل جدا يارب أحصل أحد يعرفني خاصة في المرحلة الابتدائية و الاول متوسط الابتدائيه : مدرسة الطلائع

لا لا لا لا مش ممكن ابدا

والله مش ممكن خالص

مش معئووووول

ياناس ابصيييييح .. لأ لأ أرجوووك

أنت علي اللي كنت بمدرسة الطلائع ؟

يااااالله ماني مصدق نفسي

الدنيا هذه صغيره بشكل .. وجمعتنا مع بعض اخيرا

ماعرفتني ؟1

أنا ابراهيم يادرج اللي كنت قاعد قدام جنب الدافور السوري هذاك .. بسادس ابتدائي خاصة !

يااه والله ذكريات ياعلي وشلون فيصل ومجاهد وعبدالكريم المنوفي وزهير عساهم كلهم طيبين ؟

تكفى لو تعرف عنهم شي سلملي عليهم مره مره مره

هات الريالين اللي سلفتك ياهم مره بالفسحه وللحين مارجعتهم

خخخخخخخخخ تتوقعوا هالسيناريو يتكرر بهالموضوع ؟

نقول يارب

//

السلام عليكم ورحمة الله وبركاته

فكره حلوه . وعساني القى احد

الإبتدائي /

كله .. في مدارس المواهب الأهليه .. ( بحي سلطانه )

المتوسطه /

1 متوسط بمدارس المواهب الاهليه ..

2 متوسط بمدرسة سعد بن معاذ .. بحي البديعه

3 متوسط مدرسة بشر بن البراء .. بحي الريان .. وللحين به

الثانويه .. /

كلها بـ .. ثانوية الصديق بحي الريان تقريبا .. وما أحلاها من ثانويه

اللي يعرفني يقولي .. اسمي ابراهيم

.. وكنت حارس منتخب جميع المدارس اللي قلت اسماءهن !

بالتوفيق للجميع

ويعطيك العافيه يالكاس الازرق .. عوافي ياباشا

the king yasser · #15 16/06/2009, 04:19 PM

انا الابتدائي الى خامس في مجمع الملك سعود

..........

ومن خامس الى ثاني متوسط في مدارس الرواد الاهليه

..........

وثالث متوسط واولى ثانوي رجعت للمجمع

وان شاء الله ثاني وثالث ثانوي الى علوم الرياض

وصلى الله وبارك على سيدنا محمد