#1  
قديم 15/06/2009, 07:34 PM
زعيــم فعــال
تاريخ التسجيل: 02/10/2007
المكان: الشرقيهـ فدييتها
مشاركات: 497
Red face إذا ماتربيتوا حنــ نربيكمــ {{ للي طاقه كبودهم من الدراسه}}

انا العلماء الي اكتشفو المواد الي ندرسها

مجتمعين في برنامج

المهم جا إتصال من صاحب السمو الطالب الكريم

تابعو معنا وش قال صاحب السمو الطالب الكريم

طبعاً العلماء الموجودين هم علماء

الرياضيات

الفيزياء

الكيمياء

النحو


تابعو معنا ماذا حصل



مقدم البرنامج : معنا إتصال من صاحب السمو الطالب الكريم .. السلام عليكم ياصاحب السمو

الطالب : وعليكم السلام ياخي الحين انتم جالسين تبربرون هنيا

ولا تدرون وش القصة

عطني عطني علماء الفيزياء الي جمبك بالله

عالم فيزياء : هلا والله طال عمرك

الطالب : انت تعال تعال الحين الي معي نيوتن ولا انا غلطان ؟

عالم فيزياء ( نيوتن ) : اييه نعم ياطويل العمر معك نيوتن ملك الجاذبية

الطالب : جاذبيه تجذبك لجهنم قل آمين .. الحين انت يامال الغنيمة رجال جالس تحت شجرة طاحت عليك تفاحه ياخي ورى ماتاكلها وتحمد ربك وتسكت وتريح العالم ياخي .. جالس تقولي التفاحة ماطاحت فوق ليش ... انت مجنون مجنون انت .. وبعدين طاحت عليك التفاحه خلاص ياخي طلع قانون واحد وريحنا مسوي قلق لنا ياخي ومطلع كتاب كامل ياكلب الحين لعنبو بليسك انت ماعندك عيال ماتفكر بالأجيال القادمة الأجيال القادمة تعقدت منك ياخي ..!

نيوتن : .......... ( يعني ساكت هع )

الطالب : عطني عطني عالم الرياضيات الي جمبك عطنياهـ .

عالم الرياضيات : مساك الله بالخير ياطويل العمر

الطالب : الحين انتم فهموني انتم خبلان ولا وش الحين الطلاسم الي حاطينها لنا ( جا - جتا - ظا - ظتا ) قلة الحيا هذي وش هاهـ وش فايدتها هذي .. مسويلي مثلثات ومدري ويش الله يزيلكم انتم ومثلثاتكم ياخي خافو ربكم ياخي والله عيب ياخي عيب
ياخي انتم تكبرون السالفة وهي قصيرهـ الرياضيات خلاص جمع طرح قسمة ضرب وخلاص وش قله الحياء هذي .. عطني عالمكم الكبير فيثاغورس عطنياهـ .

فيثاغورس : هلا والله ياطويل العمر

الطالب : هلا فيك الحين انت فتحت علينا بابن ماضنيت انه بينصك يوم انك تحط قانونك حق المثلث قائم الزاويه لييه قامت عليك القيامه بلا هاهـ ليه ؟ جاوبني ليه ؟

فيثاغورس: هذا العلم طال عمرك العلم ..!

الطالب : قل قسم .. هذا علم ..! والله احسبه بوفيه تبيع كبدهـ ..ادري انه علم
انا اقول وراك مسوي فيها ذيب وجالسلي تكتشف لييه هااهـ لييه

فيثاغورس :عشان طال عمرك نشغل مخنا

الطالب : شغلو عليك منشار ينشرك بلا .. ياخي وش دخلك في الناس يشغلون مخهم يطفونه يفصلونه انت وش عليك انت شغل مخك وبس ولا عليك من الناس ياخي والله العظيم جالسلي تبربر هنيه ولا تدري وش السالفة عطني عالم الكيمياء الي جمبك عطنياهـ .

عالم الكيمياء : هلا والله طال عمرك

الطالب : لاهلا ولا مسهلا ابسألك سؤال لو سمحت .. انت حمار ؟

عالم الكيمياء : لا وش دعوى طال عمرك

الطالب : الا حمار الحين انت وش هالقافة الي فيك مخليتك تشوف الذرة وش مكوناتها ومدري ويش .. احد شاكيلك ولا شي ياخي خل كل شي مكانه ياخي .. عطني عالمكم رذرفورد عطنياهـ

رذرفورد : هلا والله

الطالب : ياخي انت مريض ياخي ياخي خل الناس في حالها ياخي جالس تفتش الذرهـ وش مكوناتها وش عليك من الذرة ياخي انت بس تكتشف وحنا الي ناكلها ياخي حرام عليك ياخي .

رذرفورد : بس ياطويل العمر ...

الطالب : لاطويل عمر ولا قصير عمر لايكثر وعطني عالم النحو الي عندك سيبويه عطنيه

سيبويه : أهلاً وسهلاً بك ياصاحب السمو

الطالب : ويحك ياكلب ألحين انت يوم تسوي فيها ذئباً وضرغاماً وتجي تقولي وش الي ينصب المضارع وش الي يجزمه ومدري ويش لماذا هاهـ أخبرني لماذا هل سندخل الجنه ان عرفنا اين المضارع واين الماضي اجبني يافتى ؟

سيبويه : لا طبعاً ياصاحب السمو

الطالب : اجل مرهـ ثانيه تلايط ولا تسوي فيها ذيب .

مقدم البرنامج : بس ياطويل العمر انت يعني

الطالب : اقول انتم اظاهر ماتربيتو تبينا نربيكم بنربيكم جالسينلي هنا تبربرون ..

عالم ( عندهـ واسطه ) : لاياطويل العمر حنا متربين

الطالب : لاماتربيتو لو انكم متربين كان ماسويتو الي تسوونه .. الحين انتم جالسين فاضين وكل واحد يشر للثاني هاهـ ابوفلان نكتشف شي جديد يالله قدام .. وحنا الي ناكلها ياكلاب .

مقدم البرنامج : ياطويل العمر انت فاهم الموضوع غلط حنا راح نوضحلك ..

الطالب : طوط طوووط طوووط <<< سكر بوجيهم



::

ايها الأسود هل تخيلتم معي هذا الشيء..؟

^^^^



أتمنــــــــــــى عجبكم الموزوووع

اخر تعديل كان بواسطة » هلاليهـ حدي ومحد قدي في يوم » 15/06/2009 عند الساعة » 08:26 PM
اضافة رد مع اقتباس
  #2  
قديم 15/06/2009, 08:02 PM
زعيــم فعــال
تاريخ التسجيل: 07/09/2008
المكان: الخبر
مشاركات: 411
ههههههههههههههههههههههههههههههههههههههه
هههههههههههههههههههههههههههههههههههههه
هههههههههههههههههههههههههههههههههههههه

جاذبية تجذبك لجهنم ...الله يرج ابليسك يا خوي و الله تقطع بطني على هالكلمة


بيض الله وجهك قسما بالله وسعت صدري الله يوسع صدرك بطاعته يا رب
اضافة رد مع اقتباس
  #3  
قديم 15/06/2009, 08:11 PM
زعيــم فعــال
تاريخ التسجيل: 02/10/2007
المكان: الشرقيهـ فدييتها
مشاركات: 497
مشكووووووووووووو اخوي ع المرور

ولازم نجيب أشياء توسع الصدر ((كله نكد))؟؟>>خخخخخخخخخخخ

يسلمو مره ثانيه
اضافة رد مع اقتباس
  #4  
قديم 15/06/2009, 08:22 PM
عضو سابق لجنة التغطيات
تاريخ التسجيل: 04/10/2007
المكان: في قلـــب من أحــب
مشاركات: 3,624
أتمنى زيارة هالرابط

شروط المشاركة بالمجلس العام

http://vb.alhilal.com/showthread.php...0#post10532370
اضافة رد مع اقتباس
  #5  
قديم 15/06/2009, 08:55 PM
الصورة الرمزية الخاصة بـ صريح المعاني
زعيــم مميــز
تاريخ التسجيل: 17/12/2005
المكان: فــي قـــلـــب حـــبـــوبـــتـــي
مشاركات: 3,082
هههههههههههههههههههههههههههههههههههههههههه
هههههههههههههههههههههههههههههههههههههههههه
هههههههههههههههههههههههههههههههههههههههههه
والله قويه تسلم يالغالي
تقبل مروري
اضافة رد مع اقتباس
  #6  
قديم 15/06/2009, 09:31 PM
روماوي مميز
تاريخ التسجيل: 23/06/2006
المكان: Il Romanista
مشاركات: 6,048
إقتباس
سيبويه : أهلاً وسهلاً بك ياصاحب السمو

الطالب : ويحك ياكلب ألحين انت يوم تسوي فيها ذئباً وضرغاماً وتجي تقولي وش الي ينصب المضارع وش الي يجزمه ومدري ويش لماذا هاهـ أخبرني لماذا هل سندخل الجنه ان عرفنا اين المضارع واين الماضي اجبني يافتى ؟

سيبويه : لا طبعاً ياصاحب السمو

الطالب : اجل مرهـ ثانيه تلايط ولا تسوي فيها ذيب .

عاد حدك إلا سيبويه
تدخل الجنة ان شاء الله اذا عرفت و انت محسن النية
بس الموضوع مب منقول ,,
اضافة رد مع اقتباس
  #7  
قديم 24/06/2009, 01:33 PM
زعيــم فعــال
تاريخ التسجيل: 02/10/2007
المكان: الشرقيهـ فدييتها
مشاركات: 497
شكرآ على مروركم اللي صار ونسنيــ>>هع
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:43 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2018, Jelsoft Enterprises Ltd

Google Plus   Facebook  twitter  youtube