حاول ومابتخسر شئ ! - نادي الهلال السعودي - شبكة الزعيم

وليد القحطاني · #1 15/06/2009, 12:11 PM

السلام عليكم ورحمة الله وبركاته

ياهلا فيكم يالغاليين ! والله يحيي كل باسمه

مع اقتراب الاختبارات

حبيت اطرح هالموضوع واتمنى انكم تطبقونه ولو مرة وحدة في حياتكم
طرت لي فكرة الموضوع بعد ماصار لي هالموقف :-

قبل ايام قليلة دخلت وعبثت في اعدادت كرت الشاشة لجهازي

المهم جيت سكرت الجهاز وفتحته مرة ثانية وصرت اسمع صوت بداية تشغيل الويندوز
بس ما اشوف شئ .. الشاشة سوداء

المهم وديته للمحل اللي جنبنا وهو المحل المتوفر .. ولا ابراج الدوسري ماتقصر

المهم دخلت على الفلبيني وقلت له كذا وكذا ..
قال : فورمات !!

قلت ياصديق مافي فورمات بس شاشة خربان ..
وبيني وبينكم لو سوى فورمات راح ينحذف تعريف كرت الشاشة وراح يثبته ويظبط الوضع ..
بس فيه طريقة اسهل لكن ماعرف هو

..
المهم كان الوقت متأخر وما امدى اروح لأبراج الدوسري

..
المهم فكرت فكرت وفكرت وحليت المشكلة ورجع الجهاو مثل ماكان

يعني مصلح كمبيوتر مايعرف يدخل على السيف ميد ويحذف التعريف من هناك ويحمل
التعريف ويثبته مرة ثانية

وحاولت وماخسرت 50 عشان فورمات

<< يحب الفلوس

موضوع خفيف وأهم شئ وصلت الفكرة
فمان الله

البرنـــــــس كاكا · #2 15/06/2009, 12:24 PM

وليــد يالله إن تحييه

اشوف المجلس منوّر اثرك منزّل موضوع

ياخي أنا توهقت الحين حجزت ويوم جيت أرد مافهمت وش تبي من موضوعك

بس برد على حسب اللي إستوعبه مخي

يعني إنت من القصة اللي صارت لك إستنتجت مـايلي :
1- نحاول أن نعتمد على أنفسنــا
2- مافي مانع إنّا نحاول ونجرّب انفسنا يمكن نفيد

3-لازم نثق في أنفسنا

4-إنّا مانتلقف ونلعب في أجهزتنا لأن في ناس ابخص

5- أن ابراج الدوسري تسكّر بدري عشان كذا لازم نخلص أشغالانا بدري

****
وليد ولله لأني أحبك ((في الله طبعاً

)) حاولت أدّعس الموضوع شوي
بس أحس الوضع مـاش ياخي عصرّت مخي كل ابو انواع العصيرات ويالله طلع
معي ذا اللي تشوفه الزبدة حبيت اسلّم عليك وكيف الحــال..؟

بالفهم والإستيعاب

الهلالي دائماً · #3 15/06/2009, 12:34 PM

وليد !!!

وش تحس به !! لايكون مصخن

منتدى الكمبيوتر ثاني لفه على اليمين !!!

أبو ميار · #4 15/06/2009, 12:38 PM

^^^^

طيب أنقل الموضوع وصكّه إنذار خلّه يعرف إن الله حق

وليد القحطاني · #5 15/06/2009, 12:40 PM

^^
منتدى الكمبيوتر نايمين عشان كذا كتبته هنا

بس لو بتنقلونه ثبتوه . كأني سمعت يا ابو ميار عندك خاصية نقل المواضيع لاي قسم
وتتثبت على طول

صدى الامس · #6 15/06/2009, 12:47 PM

وليد انتبه بس لا يخرب كرت الصوت ..

abo_nasser · #7 15/06/2009, 12:55 PM

وشو كرت الصوت.........؟؟

حتى ظلالي هلالي · #8 15/06/2009, 01:00 PM

وليد ماعليك من العذال بس

كيدهم وان قدرت زيدهم

ياعالم الناس باختبارات عطوهم جوهم

يعني هذا جزاتهـ الولد جاي وحاط لكم الموضوع عشان تستفيدون

ولايجينا احد بسأل والمجلس يجيب يقول شاشتي خربت ومدري كيف

هذا ابو دلامهـ نزل لكم الحل .. يستبق الاحداث

<< على طاري ابو دلامهـ أحد يعرفهـ وش هو من لحيهـ

وليد حنا شعب تقدر تقول انه اتكالي ..
يتكل على غيرهـ بكل شيء

حتى الخبز والجبن وكاس الشاهي

بس سؤال يطرح نفسه

من الي مطلق على الشعب السوداني الشقيق

انهـ شعب عجاز ..!

هذا يجي يقابلني تكفون ..

شكلهـ يوم يقولها ماعرف الشعب السعودي صح

<< ياكثر ماشطحت

وليد .. موفق

وليد القحطاني · #9 15/06/2009, 01:20 PM

وش جابه هنا ؟!

يومين وبيروح للصفحة 13314415

لاهنت ماجد ق1

عروس الشمال · #10 15/06/2009, 01:39 PM

ههههههههههههههههه المشرفين زاحفين

RO7_ALHILAL · #11 15/06/2009, 07:00 PM

وليـد ياجعلي فدوووه

اوولاً ماعليك منهم ، ثاانياً انا استفدت كثيررر لو كان بالمجلس كان استفدت قبل مايطيح الرااس بالفااس

الله يهدى من نقل الموضوع

إقتباس


	يعني مصلح كمبيوتر مايعرف يدخل على السيف ميد ويحذف التعريف من هناك ويحمل التعريف ويثبته مرة ثانية

طيب ممكن تقوولي وشهو السيف ميد ، ومن وين اقدر اجييه؟
وشوقررن

وليد القحطاني · #12 15/06/2009, 07:46 PM

اول شئ اشكر على من على الموضوع
ولو كان في المجلس راح امسك رد رد بس للاسف نُقل هنا

اخوي روح الهلال
السيف ميد اول مايشتغل الجهاز اظغط f5 اكثر من مرة .. بعدين بتجيك خيارات
اختار اول خيار اللي هو السيف ميد

وشكراً

" MOHAMMED " · #13 16/06/2009, 06:41 AM

88

رايح تتكلم عن الـ Safe mode بالمجلس
العام الله يهداك وش معرفهم هذولا

الوكاد
اهلا بك بقسم الكمبيوتر والانترنت

..