ماوردني من شيخي زاحم قدس الله سره في صرقعه المزرعه - نادي الهلال السعودي - شبكة الزعيم

ابوعبدالله القوس · #1 11/06/2009, 04:28 PM

السلام عليكم ..

أهلن بالشباب والشابات ,, الأحياء منهم والاموات

الطحاطيح عيال الطواقي ,, والمصاقيل راعين الشباصات ..

طبعاً نبلش بالموضوع على طوووول .. < < ليه .؟ وأنت بديت ؟

حدثني شيخي زاحم ولد بو زاحم .. ( تراه مو خوينا اللي بالاداره عشان ما نبلش به هع )

في يومن من الأيام وأنا في المزرعة قبل 3 سنين .. كنت على الدكة وكانو العيال الطحاطيح يلعبون كورهـ ويقامزون ويطامرون وأنا مغير أفكر في هايدي يومنها تخم بيتر .. الموهم .. ويجي أبو جلنبو << واحد من عيال عمتي ..

مدبتس ويلهث من التعب .. وأقوله تعال تعال .؟ وش عندك .؟

ويقول ..
- يآآآآآآني شفتلكم شي .. فللللله ..

أبو صنات : .. وشو .؟ وش شفت ؟ < < راعي مشاكل ..

أبو جلنبو : .. جدتي حصيصة جايبة كراتين كلللها حلاويات وكل أبوها للبنات .. < < طبعاً دائما هم اللي فالينها ..
.. شوفوني يالسلنتح القاظين .. لامنها جت الساعة 3 الليل نقتحم المعسكر حقهم ونزرف اللي فيه .. < < ما كنهم في مزرعه ..

ردو الربع كل أبوهم .. قدآآآآآآآآآآآآم < < على الخيل يشقرا ..

ويوم جا الوقت المحدد وكل واحد خذ مكانه .. أبو جلنبو في السطح يراقب مراقبة كلية .. وأبو مسفر وأبو جلباخ يغطون الحدوود الشمالية من المزرعه وأنا وأبو صنات نقتحم المكان .. يوم نامو الحريم وجدتنا حصيصة .. دخلنا عليهم .. ونحوس وندور على هالكرتون ونلقاهـ تحت سرير جدتي حصيصه .. وهي اللي تحس بنا .. وتقوم وتلتفت يمين ويسار وترجع تنوم .. على نياتها المشكله أني قدامها بس الشوف شوف سطل .. ياحليلها جدتي .. خخخخ

ونحاول نطلع الكرتون يمين يسار فوق تحت ..

ويقول أبو صنات .. أبو زاحم .؟ وأرد أنا وقول يابعد صروال أبو زاحم اللي ما غيرهـ من سنتين ..؟ وش تبي .؟

قال .. خلنا بس ننقزبها ( جدتي ) ونلصقها في الجدار وناخذ اللي نبي ولا من شاف ولا من دري .. وأنا اللي أقوله ما يحتاج تشاور .. ( وللامانه زاحم هذا خبره في التلزيق بالجدران >>> اي اي )

ونمسك السرير مع المزوايا وطرآآآآآطرأأخ في الجدار نشوف جدتي لازقتن بالجدار تقولون دعاية كرتون تايد الكبير وهو متعفط ... >>> ايه الله من ذكريات نايف

وناخذ اللي نبي ونهج مع الباب .. ونروح للمكان المتفق عليه جنب جزر البندقية .. غرفة الحارس .. ونروح ونفلم بالتوكس والمارس وأشوفلي هاك العلبة الحمرا وأفكها وألحس فيها وألطها لط .. طبعاً طعمها شييين .. بس خلاص صرقناهـا لازم ناكلها .. ويوم خلصت منه .. ويدخل العامل .. ويقول من اللي اكل هذا .؟ وأرفع يدي .. وينسدح في الأرض وتتفكك حنوكه ضحك .. إلين معد يرد نمرهـ من الضحك .. وأقوله وش فيك ؟ قال هزا في زيت الماكينه ععععععععععععععععععع..

وأنا اللي أكع الأكل اللي صرقته كللله .. حتى الغدا حق أمس .. خخخخ

وبص .. هذي القصه .. عاد صدق أو لا تصدق .. بكيفكم .. خخخخ