السلام عليكم
كيفكم .............انشاله بخير
بلبدايه قبل مااتعب نفسك وتقراء إذا كانت اجاباتك بكلمة (لا):
لاتقرا احسلك
1_هل تعرف البرامج والمسلسلات الاتيه:
m b c في اسبوع
عيشو معنا
صباح الخير ياعرب
اسوار
الساكنات في قلوبنا
37درجه
من الفضاوه قاعد اتابعها كلها ولاتصدقون مافيه فضاوه بس من المتابعين الغير جيدا
اولا انا عارف انه بلدنا فيه الحلو والشين_مو الشكل الطبايع_ والفقر بكل معنى الكلمه
بس وش نسوي هذا حال الدنيا فيها الحلو والمر ومو بس ببلدنا وفيه اخطاء كثيره من الشباب والشابات
وكبيييييييييييييييييره وضد الدين
بس على قولت واحد من الشيبان النار تبي والجنه تبي
الموضوع ومافيه ان البرامج المذكوره اعلاها فقعت كبدي وجابتلي المراره
بذات اسوار مخليتنا شياطين ومانسوى شي وكل حياتنا مشاكل ولا عائله سعيده بحياتها
صح انه كل المشاكل موجوده بس مو بلصوره المطروحه في المسلسل
وباقي البرامج كل يوم يجبون لك تقرير او 2 عن عائله سعوديه تعيش في الشارع
واحد ذابح امه
واحد مريض نفسي مدري وش مسوي
حتى اتفه الاخبار يلي تصير بكل بلدان العالم عندنا صارت غريبه وماعمرها صارت
اوووووووووووووووووووووووووووووووه
بعد نسيت اسخف برنامج ماتابعه بس اشوف اعلاناته كلام خواشن قصدي نواعم
تجيك المذيعه النتفه تقعد تعطيك هذيك النظرات كانها تقول حرام ومساكين السعوديين
هذا لما يجيبون تقرير عن حاله في السعوديه
والله يااخوان انه تشوهت صورتنا كلها بسبت المسلسلات بذات كلها اغتصاب و حركات مالها داعي
لاحد يقول سمعتنا ماتشوهت والله شوهوها
والله يااخوان اني اسمع كلام عندنا هنا من كل الجنسيات بذات العرب انه لما نجي نتكلم وندافع
عن بلدنا يقلون شوفو مسلسلاتكم وبرامجكم اول
الله المستعان
واعذرونا على الاطاله وللحديث بقيه

آخر مسلسل تابعته اسمه دنيا >>>>>>>>>>>>>>> مسلسل باكستاني ذا

المهم فيه كلمة دنيا ماني فاكر وش اسمه بالضبط ( كويتي لسعاد عبدالله وعيال المنصور ) قبل ثلاث او اربع سنوات المسلسلات الأخيره ماتابعها بس بشكل عام بعض المسلسلات تجسد اشياء واقعيه وتحدث فعلا وتعالج المشكلات او تضعها بالصورة لعل الناس هم من يحلون المشكلات ..

لكن في مسلسلات تعمل العكس فتجد انك تعلمت الغزل وتعلمت السرقة وتعلمت كيف تكون مدمن محترف وامور سلبيه كثيرة والسبة هالمسلسل هذا من غير البنات اللي يوم تشوفها تروح بستين داهيه

بالنسبة للتركيز على المجتمع السعودي ربما يكون اتجاه سائد الان ولكن ماكنت الاحظه هو تركيز على الكويت ولكن لماذا نفهمها تشويه ولانفهمها من زوايا ايجابية اخرى

بالنسبة لكلام نواعم وصباح الخير .. لا اتابعها لان الاول كلام نواعم وانا وش يخليني اقابلهم هههههههه والثاني صباح الخير وانا نائم على طول الصباح فماعندي صباح خخخخخخ

لكن زي ماقال اللي قبلي اكثر المتابعين من السعودية وش تبيهم يجيبون جرائم باكستان ولا الصومال

يا رجـال الحيـن جت على برامـج ومسلسلات الـ Mbc
تبي تشـوف الفضايح على اصولها تابـع برنامج احمر بالخط العريض على الـ Lbc اللبنانيـه
تستغرب من السعوديين والسعوديات المشاركين فيه كيف تجيهم هذي الجراءه وينشرون غسيلهم
المشكله كل هذا عشان حفنه ريالات ويا ليت البرنامج قدم حلول للمشاكل بس نشر غسيل خلق الله
يعني السعوديين هم الي فاضحين نفسهم بنفسهم
يعطيك العافيـه

إقتباس الرسالة الأصلية كتبت بواسطة ][ هلـآلي للـآبد ][ يا رجـال الحيـن جت على برامـج ومسلسلات الـ Mbc تبي تشـوف الفضايح على اصولها تابـع برنامج احمر بالخط العريض على الـ Lbc اللبنانيـه تستغرب من السعوديين والسعوديات المشاركين فيه كيف تجيهم هذي الجراءه وينشرون غسيلهم المشكله كل هذا عشان حفنه ريالات ويا ليت البرنامج قدم حلول للمشاكل بس نشر غسيل خلق الله يعني السعوديين هم الي فاضحين نفسهم بنفسهم يعطيك العافيـه

والله انك صادق احمر بالخط العريض بعد هذا مصيبه

أستغرب من أي واحد يتابع مسلسلات خليجية
والله كلها فاشلة


اختلف معاك يا اخوي اي مسلسل فيه الفنان عبدالحسين عبدالرضا ممتاز جدا مثل التنديل

وعبدالله السدحان والقصبي بعد جميع اعمالهم ناجحه والممثله حياة الفهد دائما مسلسلاته ناجحه ومميزه

اما نايف الراشد وحسين عسيري فالله يهديهم ويركدون عن هبالهم وقصصهم الخرافيه

اسواار
و
الساكنات في قلوبنا
مسلسل يفقع القلب
صوروا السعوديه بابشع صوره

انا مااتابع ولا مسلسل حرمت

خلونا على الكوره واحمر بالخط العريض وصدى الملاعب وش حلاتهم

كلامك صحيح انا متابع

واشووف الي قلته صحيح وبا الذات اسوواار 2

مشكورين على التفاعل
وانشاله الله يقدرنا ونقدر نسوي شي
يفيد ديننا ووطننا

هي مشاكل مو جودة بس المفروض يطرحوة الصورة الأيجابية والسلبية

هما يسو كدا عشان يشوهو سمعة السعودين خااصة



انا ابغا اعرف بس السعودين اش سولهم ؟؟؟!!!

والله يا إن اللي يصير في البيوت !
أردى بكثييييييييير من التمثيل
لكن كلها إبتلاء وإمتحان من الله



شُكراً أخوي ,