سوالف الشباب مع الهيئه......شباب فقط..لان فيه مصطلحات ما يعرفها الا هم.
 

السالفه الاولى:
واحد مواعد وحده بهرفي.....الولد راح يجيب الطلب ...والا شوي الا الهيئه كابس عليه... وتعرفون الاعذار: هاذي اختي واللي يقربلها يا ويله..ومن هالحجي...امسكتهم.
وقاعدون يسون معهم تحقيق( عاد تحقيقهم حرق اعصاب ... واحد داش و واحد طالع) المهم الولد قال خلاص يبا انا مسوي كل شي انا واعدته واهي ما تدري عن شي ( يعني يبي يورط نفسه وانه ولد والفضيحه اخف). المهم الهيئه اتصلت على ابو البنت و قالتله تعال شوف بنتك تدوج بالاسواق وفي ناس تعرضوله ( يعني بالعربي استروا عليها). جا الدور على الولد ( يبون يلعنون والديه) .... الولد مل من كثر ما يدخلون عليه... بالاخير قال : انا ابي الراس الكبير مالكم .. وينه؟
اخذوه و ودوه للشيخ؟
قعد يتأسف ويقول انا غلطان..... سوالف الشباب المعروفه....الشيخ للحين ما اقتنع... اخير شي قاله انا كنت بحلقه وحافظ 16 جزء من القرآن ...هني الشيخ استغرب.. شلون واحد يمشي الطريق هاذا ويحفظ قرآن... المهم ما صدقه.... الولد بدا يسمعله سوره النجم. والله والشيخ استغرب ... جان يقول الشيخ كمل من قوله ..... ويعطيه سوره ثانيه ... والله ويسمع .... فالاخير قاله يا ولدي انت حافظ القرآن .... طيب ليش ما تطبق اللي فيه. وطلع براءه.
السالفه الثانيه:
شاب توه بثالث ثنوي......دايم يروح لعمامه(جيران بعض)( عمامه : عمه و مرأة عمه وجده وجدته ويهال صغار ...عمه شكل اسود وقبيح شوي .... والمرأه جميله ...فيها جمال)
بدات السالفه بأن الولد لمس مرأة عمه ( بدون تحديد اماكن) ( يقسم لي الولد انها مو مقصوده) ....مرت ايام وشهور .... وجاء لعمه انتداب لمدة شهر ونص...وبالوقت هاذا كان الولد يروح يزور جده وجدته.... وفي يوم من الايام راح الجد والجده لبيت ولدهم الثاني ...فما ظل ببيت عمه الا مراة عمه..... فاتصلت على بيت الولد وقالت وينه (عشان يجيبلها اغراض من البقاله )
المهم جاء الولد للبيت .... وجلسته بالصاله.. وقعدت تناظره وتقوله انت شقصدك بالحركه اللي سويتها ....الولد المسكين قعد يتذكر يتذكر...ناسي على الدين.....المهم ذكرته...وبدأ ما لا تحمد عقباه...ولكنه لم يصل الا الزنا والعياذ بالله. ولكنه وصل الى مرحله خطيره حتى بعد مجيء الزوج من انتدابه. قصه النسان اعرفه

الهدف من هالسوالف ..... تقوى الله وتذكره قبل بدء اي عمل.

والله رجال الهيئه مايقصرون
والله يعطيهم العافية

يعطيك العافيه 5 جروح
والله يستر على الجميع

هلا اخوي 5 جروح ...

عتبي على بعض المفردات التي استخدمتها في السالفه الأولى ..

وبالنسبه للسالفه الثانيه فهي بعيده كل البعد عن اخلاقيات شبابنا ومحارمهم ..

تحياتي

لاحول ولاقوة الا بالله

هلالي حايل ....عزيز وغالي.
بس انا ما اقصد اي شي بهالمفردات. يعني ...شلون اقولك ...صارت بمجتمعنا شي عادي مع الاسف ( اذا كان قصدك يلعنون....) اما اذا كلمه غيرها فارجوك تنبهني. وشاكرلك.

الله يستر علينا

الله يعطيك العافيه اخوي 5جروح

والله يقوى رجال الهيئه على كل مايفعلونه في صلاح المجتمع المسلم


والله يستر علينا

وتقبل تحياتي اخوك

ســـــ SMN2002 ـليمان

.........

الله يحفظ لنا رجال الحسبه

ونصيحه للناس عامه والشباب خاصه الابتعاد عن الهمز واللمز بهولاء العصبه التي نحمد الله انهم موجودين بيننا

اماالقصص التي ذكر الاخ فهي كلام في كلام

اخوي خالد .... ما تعتقد ان الموضوع مافيه سب للهيئه ولا لمز وغمز. هاذا اولا
ثانيا: احس انها عيب شوي تكذب الرجال وانت منت متأكد من كلامك ( وتقول كلام في كلام).
معنا كذا ان كل قصه او مشاركه يقولها واحد بهالمنتدى. انت توزنها على هواك من غير ما تتأكد وتقول علنا انها كلام في كلام. ثانيا انا ما أفرض عليك انك تتصدقها ,انت حر تسوي ما بدالك بس مو علنا , اما بالنسبه لي فانا مستعد تواعدني بمكان واجيبلك اصحاب هالقصتين ويحلفون على المصحف انها صدق. وشرايك.
رجال الدين معروفين... بس الدخيلين وهم كثر...للاسف يستترون تحت غطاء الدين.: امثله:
والله العظيم ( حلفت باسم الله واذا منت محترمني او تكذبني ...فانا حلفت بالخالق) امام مسجد حارتنا فوق بيتهم دش وأشياء غريبه نشوفها على عياله الصغار (اشياء الداشر ما يعلمها لعياله).
أعتقد انك بس قرأت العنوان فقط: فتخيل لك اننا نسب برجال ديننا.
ارجو ان توضح نقطتك. شكرا

أستر على ماواجهة

الصراحه الهيئه مايقصرون بس فيه الصراحه ناس محسوبين على الهيئه موسوسين مايبون احد يتسوق مثل انا مره من المرات كنت في سوق طيبه وكنت بااشتري لي عطر وقاعد ادخل محلات العطورات اختارلي عطر يوم طلعت وادور محل ثاني الا ويقفني واحد من الهيئه قالي وش عندك قلت والله بااشتري عطر قال لي وبالحرف الواحد تبي تشتري عطر رح للبطحاء واشتر من هناك وش رايكم في هذا الظاهر السوق سوق ابوه مااقول الا حسبي الله عليه وانا طلعت وقصرت الشر بس والله حزت في قلبي كلمته على كيفه اروح للسوق اللي يبيه وش رايكم في هذا اللي محسوب على رجال الهيئه الله يحفظهم وفيه ناس من الهيئه كثير الله لايبلانا في الهيئه عشان الراتب بس بس لو تدري عن حركاتهم استغفر الله لايبلانا بس واعوذ بالله من النفاق وااسف على الاطاله

سلام عليكم
اخوي جروح مااعتقد ان انسان حافظ كتاب الله يفعل مافعل هذا الشخص
واعتقد انة قصة من نسج الخيال
اما القصة الثانية فالله المستعان الله الستعان الله المستعان
وشكرا اخوي علي هالمواضيع التي طرحتة واعتقد هي لاخذ العظة والعبرة