إقتباس فشـل 7400 مـعلم فـي 15 مــديـنة في اجتياز اختبار القياس الذي نظمه المركز الوطني لأول مرة لاختيار المعلمين الجدد وفقا لمعايير وزارة التربية والتعليم بغرض إصلاح التعليم في المملكة. أوضح مدير المركز الدكتور فيصل بن عبد الله المشاري أنه تقدم للاختبار نحو 14 ألف معلم، واجتازه ستة آلاف فقط بنسبة 47 في المائة. وذكر أن الاختبار ركز على قياس المهارات التربوية واللغوية والعددية، وما يتعلق بتخصص المعلم والمرحلة التي سيدرس طلابها، موضحا أن الوزارة سوف تتوسع في تطبيق هذا الاختبار في السنوات المقبلة ليشمل المعلمات والمعلمين ممن هم على رأس العمل في المدارس الحكومية والأهلية. في حين يعلن المركز الوطني اليوم نتائج الاختبار عبر موقعه الإلكتروني.

الجزء الأول من الخبرمايتعلق بالخريجين المساكين اللي حشروهم باسئلة لو يختبر فيها دكتور بالجامعه مانجح يعني ماكفتهم ال 200 ريال اللي ماخذينها كذا من غير سبب

بصراحه مع اني مستفيد من هاللي رسبو كثير الا انني والله تألمت لمن رسب وهو معدله بالكلية او الجامعة فوق اربعه ونص من خمسه .. يعني اللي يتعب خمس سنوات ويجتهد تروح وطي بمجرد اختبار تأتي اسئلته من المريخ

تخيلو تخصصك رياضيات ويجيبولك كتاب ماحد درى عنه ويقولون من الفه ولا اي بعصر الفه طيب وش رايكم تسألون ووين الفه ومن كان جنبه يوم الفه وليش ألفه وهل كان متكي ولا حاط رجل على رجل ولا سادح ولا منبطح يوم كتبه ومقدمة الكتاب كتبها بالصبح ولا بالليل

مازلت ارى ان هذه الاختبارات هي ليست للقياس وانما تحجير للأوادم وعوائق اكثر من اي شي آخر .. اختبرت السنه الماضية والله من صعوبة الأسئلة اني قاعد ألعب بالاختيارات وماخذها شختك بختك وزين وانا نجحت وافتكيت من اختبار هالسنه ولا كان رسبت مع هذولي

نجي للجزء الثاني :

الحين معلم على رأس العمل وكل يوم حاشرينه بمشرف تربوي ومدير مستقعدله على الرايح والجاي لا واذا تبي تطلع لازم تقول للمدير وين تبغا تروح ومتى بترجع ولو تأخرت نص دقيقة سوولك محضر

وش له من داعي هالإختبار .. طيب لو رسب معلم وكان بتخصصه كويس واذا ماتدرون ان الأسئلة اللي مايعرفها مو شرط بإستثناء بعض الأساسيات مع ان الأساسيات ماتأكل عيش وش يسوون بهالمعلم

الله يعين بس

الطلاب مادري يفكرون بالقياس قبل الجامعة او باللي بعدها إذا بيكون مدرس

والقهر يلزمونك بالاختبار وفوق هذه تدفع فلوس

والهدف الأكبر من كل هذا حشي الدراهم من المواطنين وبس

إقتباس المتحدث الرسمي لوزارة الخدمة المدنية: تأجيل زيارة معالي وزير الخدمة للشورى بناء على موافقة المقام السامي لظروفه الصحية تاريخ النشر:07/06/2009 أوضح المتحدث الرسمي باسم وزارة الخدمة المدنية الأستاذ/ عبد العزيز بن عبد الرحمن الخنين أن معالي وزير الخدمة المدنية الأستاذ محمد بن علي الفايز ، قد تعرض لظرف صحي خلال نهاية الأسبوع الماضي إضطر معه للسفر إلى خارج المملكة لإجراء فحوص طبية ، وبناء على موافقة خادم الحرمين الشريفين الملك عبد الله بن عبد العزيز - حفظه الله -، تم تأجيل لقاء معاليه بأعضاء مجلس الشورى إلى موعد يتفق عليه معاليه مع معالي رئيس مجلس الشورى بعد عودة معاليه بإذن الله، وتم إبلاغ معالي رئيس مجلس الشورى بذلك بموجب خطاب وجه لمعاليه من قبل معالي الوزير قبل سفره . وأكد المتحدث باسم وزارة الخدمة المدنية حرص معالي وزير الخدمة المدنية الأستاذ/ محمد بن علي الفايز على الالتقاء بأعضاء مجلس الشورى والإجابة على استفساراتهم في كافة المجالات التي تقع ضمن اختصاص الوزارة، وفي هذا الصدد سبق أن كتب معاليه إلى معالي رئيس مجلس الشورى خطاباً ضمنه تفاصيل الوظائف الشاغرة التي تحظى باهتمام المجلس الموقر وآليات شغلها.

شوف مسألة القياس عموما طلاب والا معلمين
هدفها تنحيشهم ض1

نفس سالفه المعلمين .. الطلاب تحصل الواحد يتخرج بنسبه حلوهـ وعاليهـ
وربي مايكتب له التوفيق بالقياس وياكل تبن بعدها ماتفيدهـ لا نسبهـ ولا بطيخ
وزياده على كذا من شهادة الثانويهـ 30 % ومن القياس 70 % بياخذون ..

الله يعين بس ..
وش نقول غير الله كريم ان شاء الله ..

إقتباس الرسالة الأصلية كتبت بواسطة marsal تسمح نخليها صفحه عامه عن الوظائف واضيف هذا الخبر بعد موافقتك الجزء الاول من الخبر :: ان الوزير مرض الله يشفيه وقرر ان يتعاج خارج المملكه يعني هو يعرف ان مستشفياتنا (مو قد المقام) طيب ليه ما يساهم في اصلاحه...!!! يعني صحته وصحة ابناءه مهمه وصحة ملايين الشعب غير مهمه ((الله لنا)) الجزء الثاني من الخبر:: ان معاليه لم ياتيه اي عارض صحي لكن لان المناقشه مع مجلس الشورى بخصوص 118 الف وظيفه شاغره بطلع (ريحته) قرر ان يوجله الى اجل غير مسمى ويتعلل بمرضه الذي اتاه فجاه مع قرب الجلسه...

خخخخخخخخخخخخخخخخخخخخخخخخخخخخـ

الله يشفيه وزيرنا الغلبان..
نسمع بالديمقراطيه قسم..
يقالهم بيستجوبون وزراء..

انحاش بسبب الوظائف الشاغره والوظائف اللي ماسكينها اجانب..
هذا غير الوظايف اللي مسجله باسماء اشخاص ورواتبهم ما ادري وين تروح..

يعطيك العافيه مرسال..






سلااااااااااااااااااااااااااااااااااااام

اهلاً وسهلاً فيك ابو عبدالله

نورت المجلس بطلتك الصباحيه الجميله ..
وكان ودي بخبر مفرح للمدرسين , بس هذا حظهم ,وربي يوفقهم ..

وكل مافي الامر انه تعقيد , وماصدقوا خبر يجدون طريقه توقف
كل المعلمين المتخرجين , ونفذوها .. والله يعين كل مدري متخرج ..

ابو عبدالله ,تقبل احترامي وتقديري ..
دمت بخير

الحمدلله انا اجتزت الاختبار وعلى الحفه

صراحه كثيرين اعرفهم رسبو

عموما انا مالي نيه في التدريس لان صدق من سماه (مقبرة الطموح)

يعني 30 سنه وانت مدرس ....السنه الاولى مدرس....وبعد خمس سنوات مدرس...وبعد 15 سنه باقي مدرس..ووبعد 30 سنه مدرس

وزيادة على كذا المدرس في اطار محدود

انا تخصصي انقليزي ابي اكمل ماجستير ابي اتوظف وظيفه تحقق طموحي ابيها تطلعني فوق
لو اني متوظف في وظيفه ثانيه وجلست فيها مثل التدريس 30 سنه كان صرت مدير في المنشأه
شكرا لكم

إقتباس اختبار القدرات يقيس القدرة على الفهم، والتطبيق، والاستدلال، والتحليل في مجالي اللغة والرياضيات، وهو بطبيعته يعتمد على القدرات العقلية التي تنمو وتتطور بالاجتهاد الخاص، والعمل العقلي المستمر عبر السنين سواء في المدرسة أم في الحياة العامة. فهو إذن لا يعتمد اعتماداً مباشراً على المعلومة المجرّدة .

هذا اختباار القدرات !!

طيب بعرف وش فايدته بس ،حق اللي ياكلون فلوس بس؟
اشوف اختبار القدرات لا ينمي قدرات ولاشي ولا يفيد اللي يختبر ، واعتبره اختبار اقل من تحليل الشخصيات حق اسئلة وش تحب التفاح ولا الموز ، يعني يعطونه درجته وهو مدرس وش بيستفيد بيزود راتبه؟ ولا بيرقونه وكيل مدرسه يدقق ع بيوت الناس يقول ليه ولدكم غايب !!

اذا بيرفعون مستوى التعليم اشوف الدورات التأهيلية أفضل والمعلمين مو ناقصهم علم بمجالهم لكن اشوف التأهيل للتدريس افضل.
،،

اما خبر مرسـال عليه الكلام ، الرجال بيروح يعالج وانتم اكلتووه؟ ياحرام عليكم بس يمكن فيه زكمه وانتم ماتدرون عنه جالسين تتشمتون هناا < والله ناس تموت من الامراض ولا احدر درى عنها وها يسافر عشان يتهرب من التحقيق.

ابي اعرف ليه يتهرب وهو يدرى ان مجلسنا لا يهش ولا ينش لو منـّه اروح اقول لي كلمتين تزيد جماهيرتي واستغل فرصة هالدعوه بما ان ماعندهم سالفه.

كل الاعضاء ردة فعلهم وحده
والسبب
ان تعب خمس سنوات او اربع يحدده اختبار فاشل
احلف لكم يمين بالله ماله داعي
وش يستفدون منه

حسبي الله ونعم الوكيل

أنا من ضمن اللي اختبروا.. تخصصي لغة عربية

70% من الأسئلة كانت رياضيات .. والباقي مابين التخصص والتربية ..!! و يا قلب لا تحزن

متوظفين متوظفين الله لا يعوقنا بـ شر
قال قياس قال



قحماني لا هنت ,