|
فكرة السينما انا اعتقد انها فكره يجب ان توقف في اسرع وقـت ، لأن السينما لها اضرار كثير حتى على شبابـنا فما بالك بالاطفال اللي راح يتربون على هالافلام ؟ يطلع لي واحد مطفي النور ويقولي طيب هالافلام ماهو يشوفونها ببيوتهم بقوله ايه بس يوم تجاهر فيها هذي بحد ذاتها " مصيبه " شكرا لك ، وان شاء الله يوقفونها |
والله عيب الي قاعد يحصل كل الهضجه عشان السيما ..!! أنا مأقول افتحو الباب على مصراعيه لاكن نبي شي نلتهي فيه ملينا من الدوران وتمتير هالشوارع وأن غيرنا رحنا الثمامه ومايمديه ينتصف الليل إلا جولمنا هسكارى ولا جمس الهيئه يخربون ام جونا وأن ماجونا الأول ولا الثاني جونا ناس راعين مشاكل ولا بياعين.. افتحولنا السوق خلونا نتمشى فيه ولو تبون حطو مع كل قروب يدخل موب كاميرا وبس لا رجل هيئه ماعندنا مانع افتحولنا سنما نقعد على فلم ثلاث ساعات ساعتين بعدها نتعشى ولفتين وكل واحد يروح لبيته .. ولو شفت برنامج شباب سعودي والله راح تلاقي اليوم نفس امس ونفس بكره ونفس بعده وبعده اتمنى يكون فيه تغيير مثلا مره سوق ومره سيمنا ومره شاليهات ومره برو... موب كل يوم نفس كل الأيام .. وأتمنى بدال مايجتمعون على موضوع زي كذا يجتمعون على مواضيع اهم مثل كيف يقضون على الفكر البنلادني او الاموال الي تختفي من الجمعيات الخيريه لجهات مايعلمها إلا الله او الفساد الاداري وتوعيه الجمتمع لأمور الصلاه او السرقه او غيرها .. فيه نقطه ذكروني فيها بعض الاعضاء الي يقولون الي يبي يناظر افلام يناظرها في بيتهم اعتقد ان مافيه مقارنه بين ان تناظر فيلم رعب مثلا لحالك وساكت طوال الفلم وان وماتقدر تصارخ لحالك لانك يتخاف يطلعلك شين ولا اش .. ولا مثلا فلم كوميدي او اكشن لازم تسولف مع احد اخوياك مثلا يمكن بيصير كذا او شف وش صار او تنبه اخوياك على شي او االعكس .. وماتقدر تدخل اخوياك لبيتكم لسبب وجيه اما لصغر ملحقكم او عدم رضا احد الوالدين او كلاهما او صعبه مثلا ترفع صوتك في بيت خويك وفيه اهله .. |
قبل كل شئ أنا رأيي من رأيي ابو مقبل إن الموضوع أخذ اكبر من حجمه ثانيا: أنا ودي أعرف وين الضرر الموجود بالسينما ماهو متوفر بغيره يعني إذا على النساء فحتى بالقناة الأولى يجي حريم يعني اختصرها وكسر تلفزيون بيتكم أصرف إذا بغيت تمنع هالضرر...!! وإذا على الإختلاط سكروا الأسواق ترا فيها اختلاط العن من الي يبي يصير بالسينما بعدين الإختلاط ماهي ذيك المشكلة يعني يقدرون يقسمون الأسبوع بين الجنسين أو حتى يقسمون أوقات العرض واللي يقول مجاهرة بالمعاصي فلنفترض أنها مجاهرة يعني لو تشوف الفلم مع خويك تراها مجاهرة يعني إذا بغيت تشوف فلم قفل عليك الباب واقصر الصوت وشف بلحالك وإذا طلعت قل والله كنت أشوف برنامج "الحياة كلمة":smilie47: بنهاية الأمر الموضوع ماهو ذاك الموضوع الي يستحق يتجمعون علشانه العلماء رأيي شخصي إقتباس:
إقتباس:
:d:d تحياتي....:rose: H_S Y T_2008 |
يبون يفتحون سينما ويعرضون لنا سماجة المالكي !!! |
إقتباس:
كفيت ووفيت الله يحفظك وردك ريح بالي الله يحقق لك ماتتمنى ... |
http://up.damasgate.com/files/9zutra60vuvw2t67dggx.gif سينما مو من مستوياتنا باللهي وش نبي بالافلام السعوديه :ranting:؟ ياخي نبي أحدث الافلام الاجنبيه وبس. > برئ :s2: .. إقتباس:
اذا فيه اختلاط ياليت يلغونه نعم. قسم بالله افضل .قال افلام سعوديه قال .. :ranting: لو انا ماسك اشراف المشروع أبدأ اول شي اسويه 1/ احط قسمين نساء / ورجال او يوم لنسآء ويو لرجال اما مع بعض ايه هين احنا مش فاضيين لخزعبلات البنات يمر عليك مشهد رعب :s5s: تلقى صرآآخ البنت واصل للبيت الي ورى :to: .. بعدين عيب :wub: 2/ احدث الافلاام الاجنبيه وبس. مصريه او سعوديه او او إلخ مانبيها والله فااشله :ranting: .. 3 / اي واحد يتكلم يطلع برا بلاش قرقر كثير نبي نتابع بروقان وهدوءء يآآسلآلآم *** على العموم ياليت يلغونه وريحونا .. وعلى فكره ترا فيه شي اطلق من السينما الا وهو غرفه النوووم :s2::s2: وضبط لك ذاك التلفزيوون ويفضل يكون بلازما HD :s2: > ترا مدري وش السالفة :s3s: ويالله مكثر لك قنوات الافلام showtim or mbc ويمدحون التحميل :s2: وبس. |
بسراحه عندنا ثقافه حنا يالعرب غريبه يا ابيض يا اسود ايش يمنع لو دخلت دور السينما ؟ مادري اشوف البعض يشوفها بعبع كل السالفه فلم ويعرض (( الفيلم مسير عيه "مقص الرقيب" :) )) واذا على الاختلاط " باعتقادي هنا المشكله" محلوله يكون فيه قسمين رجال نساء او يوم رجال يوم نساء شفتو كيف المسأله سهله !! -------------- على فكره بحكم اني شاب بالرياض وعلى ابواب التخرج :) تصدقون احيانا اروح مع اخوي " بثاني ثانوي" اشوووف تفحيط مو حباً فيه بس تغيير روتين ... مليت من ثقافه الاستراحات ولاحد يقولي تزوج توّي ما انبسطت بشبابي <<< متعقد من السؤال اللي كل ما فضفضت عقدني بالسؤال الله يعقد رجلينه :D الله يجيب الاسبوع واسافر للشرقيه اغيير جو :P |
لو سمحتوا اهدوء شووي لاتقولون اختلاط ومااختلاط لان فيه اختلاط بالسوق وبالشوارع وبكل مكان اووكي لاتقولون افلام اجنبيه وافلام ماادري شنو لان اغلبكم يشوفونها وش يمنع لو دخلت السينما عندنا وافلام ولكن تنشال منها القطات الشينه ليه مكبرين المساله وهي صغير ولكن يبقى لها تعطيل بسيط الى متى كل هذا التعقيد وابي كل وااحد يقوول مايبيها تدخل يحط اسبابه بالكامل ؟؟ |
عجيب أمر هؤلاء القوم ياعزيزي إذا أنك تشوف السينما فيها من الفـساد ياخوي أمنعها عليك وعلى أهلـك . لكن باقي الناس تبي تشوف افلام . وبعدين إذا انت حريض للدرجـه ياخي روح أمنع المحلات اللى تبيع أخر الأفلام وغير مقطعه وللأطفال وغيرهم .. وقفت على صالة عرض .قسم بالله شي يقـهر. في عالم عشان تشوف سيـنما تروح لأقرب الدول الخليـجة . ويلا خذ لك من الذنوب اللى يحبها قلبك . لكن لو كان هنا سينما بيصير ع الأقل في " كنترول " ومو شرط يكون اختلاط قسم للنساء وقسم للرجال . وفي النهاية كل واحد يعرف مصلحته يعني بالعربي خليك بنفسك وبس وماعليك من باقي البشر. ما ذابحـنا الا هالفئـة اللى تبط الـكبد . |
ياشيخ الحركات ذي ماتصلح بديترك:d الفلم لو بيشلون منه اللي اوب زين كان مابقى منه الا ربعه :d دور لك فلم مابه خرابيط :d انتم شعب محافظ بشكل ماتصلح لكم الحركات ذي:d |
صباح الخير :rose: أعتذر لك أخوي السمسار ع الرد الثاني بس فيه كلام حبيت أعلّق عليه :yes: h_s y t_2008 :rose: صبّحك الله ومسّاك بالرضا والعافية :rose: إقتباس:
وصحيح كلامك اني اذا شفت الفلم مع أحد يعتبر مجاهر بالمعصية لكن مو معناتها اني أُقيم أماكن عشان معصية وأدعوا لتجمعَ الناس وتصير المجاهره على مرأى ومسمعَ الكثير من الناس ! وبالحالتين ، دام شي يمسّ ديني من الأولى إني أبتعد عنه ، :yes: وعلى كلٍ، الأفلام اختلف العلماء في حكمها ، الحريص على دينه راح يبتعد عن كل ماهو شبهه !:rose: ،، F.C.H إقتباس:
طيب الله قال " ولتكن منكم أمة يدعون إلى الخير ويأمرون بالمعروف وينهون عن المنكر " ليش ماقال كل واحد بحاله ماله دخل بالناس :/ وبعدين مب ضروري تمشي كل الآراء مع رأيك :yes: لولا اختلاف الآراء لفسدت البضاعة ، والحوار بموضوع معيّن يردع عن الباطل، ويعين على إثبات الحق، :rose::yes: سألت زينب بنت جحش رضي الله عنها رسول الله صلى الله عليه وسلم فقالت: "أنهلك وفينا الصالحون" قال: "نعم، إذا كثر الخبث" (أخرجه مسلم). كلنا في مركب واحد يابني يعني من حقنا نتكلم عن شي بيضرنا احنا بعد :to: إقتباس:
\\ // شكرا خيو السمسار :rose: |
ياجماعه الله ليش رزقنا العقل لـــ [نفكر] انا ابي سبب مقنع يقولون اختلاط ((يوم رجال يوم نساء يوم عوائل))>> مثل حكير لاند >>>لاتنكت او جهه مخصصة للرجال وجهه مخصصه للنساء او افلام اباحيه او لقطات محرمه الحل تكون هناك لجنه تختص بالتقطيع اللقطات المخله بالاداب واللي يقول تندرج من افلام سعوديه الى اجنبيه خلهم يحطونهم مره وحده وش المانع تكون اللجنه المختصه موجوده للترجمه + القص يعني انا ابي سبب مقنع |
الي يقول انها موجودة من اول كلامه صحيح لكن كانت النساء في بيوتهن والي كان يروح من الرجال قلة لاتذكر . ايييه على ماقال القصيمي والا ماله داعي اقول وش قال !!اليوم الحريم في جهة والرجال في جهة بكرة يبي يصير يوم ويوم بعدين العوائل مع بعض خليطي مثل ماهو صاير في بعض المطاعم ولاننسى انهم في البداية كانوا يبون السينما للأطفال !! اللهم اقبضنا اليك غير خزايا ولامفتونين.. |
قهر اجل بيفوتنا قطار التقدم و الحضارة..! اذا ماحطّوا سينما..! |
اليُوم يفتحون سينمآ بدون أختلآط بعدهـَ عوآئل بعد إيزي الي يبي يدخل :s2::ba1: ~ وبعدهـَ رآح يفتح شي أكبر :laugh: ! يعني شي يجر شي فآآ نتجنبهم كلهم من الأول أحسن :s5s: والي يبي يشوف فلم الله لآيهينه مآفيه بيت مآفيه فديوو ،، تلفزيون ،، إنترنت ،! يحملهَم ويطآلع الفلم .. يآخذ أثم هو بلحآله ولآ تخرب أمَه معه :d // شآإكرهـَ لك :rose: ~ |
| الوقت المعتمد في المنتدى بتوقيت جرينتش +3.
الوقت الان » 11:48 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd