يعطيك العافيه اخوي مهند على الجهد والتنزيل ورده
في البدايه احب اشكر المقدم صلاح الغيدان على البرنامج الرائع 99 ..
مثل هذه البرامج الي تتناقش عن والتفحيط ومشاكل الشباب وغيرها من خلال متابعتي لها تأخذ الموضوع من طرف واحد
والي هو كيفية اتخاذ الأجرائات لأيقاف التفحيط والمفحطين
مثل ماشفنا بحلقه برنامج 99 والمتابع لها وغيرها من البرامج يلاحظ ان البرامج ماتناقش مشاكل الشباب ووش يحتاج الشباب وش الي ناقصهم ووش الاسباب الي تخليه يفحط ووش الأسباب الي تخليه يتجمهر !؟
الي قريب من الشباب المتابعين للهجوله يشوف مواهب عاليه جداً من ناحيه التصوير والأخراج وغيرها من المواهب
المفحط نفسه عنده مهارة في القياده بشكل غير طبيعي ليه ماتستغل بإنشاء نوادي للسيارات وإتاحه سيارات خاصه واقامة بطولات مافيه إلا حلبه الريم والي سمعته ان موب اي واحد يدخلها !!
صدقني لو التفحيط بدول اخرى كان عرفت كيف تستغل طاقات الشباب ومهاراتهم اما بإنشاء نوادي للسيارات او غيرها
..
الشباب عندنا يشتكي من قلة الأماكن المخصصه للشباب وانا واحد منهم .. الأماكن المتوفره للشباب تنعد بالأصابع
ياحديقه فيها ملعب كورة .. او استراحات وتدفع فيها مبلغ وقدره.. او بر.. او مقاهي هذا الي انا اشوفه
لاحد يفهم من كلامي اني أأيد التفحيط لا والله ابداً وانا ضده وبشده بعد .. اتمنى من المسؤلين عدم النظر للموضوع من جهة وحده..
اتمنى اني ماأطلت عليكم وهذي وجهة نظري