07/06/2009, 07:51 PM
|
| مشاكس اجتماعي بالمجلس العام | | تاريخ التسجيل: 30/10/2005 المكان: الكرة الأرضية
مشاركات: 1,846
| |
عندما يعامل الناس كالمخفات
مرااااااااااااااحب
في صجة صايرة تتعلق بانه لازم نفتح سينما لزوم تقدم وعصرنة وتحضير المجتمع السعودي
مع اني مدري كيف فيها تقدم مع انه كانت موجودة عندنا قبل 40 سنة ايام الشعر ابو كشة ....
مدري يمكن من صالات السينما يطلع لنا اديسون سعودي يخترع لنا صاروخ ضوئي ولا مفاعل نووي متنقل لزوم الكشتات
محور حديثي مو عن السينما ندخلها ولا لا..
انما عن الاستهبال في التبرير وايجاد الاعذار اللي باين ان صاحبها يقول هالشعب السعودي مخفات كلمتين توديهم يمين وكلمتين تجيبهم يسار
يا عمي طيييير
الدعوة وما فيها ان السينما عبارة عن قرينقش..فلوس..موني...بيزات
في اميركا هذي سوق فيها مليارات..
هذي وزة تبيض ذهب ..
والتجار ما خلوا شي ما مصونا فيه لاخر قطرة
من عقار لاسهم لاتصالات لمواد غذائية لسيارات..
الا بكم صار كيس الرز؟
فالحين التاجر اللي بيسوي فيها فهلوي لازم يستحدث كيكة جديدة ياكل منها..خصوصا انه اذا ضمن الاسبقية اكيد راح يكون له فيها نصيب الاسد
ولا بالله هاللي يبي ينشر السينما من جد همه تقدم وتطور المجتمع السعودي؟؟
ايه باين..
اشوف دايم يكرم العلماء والمتفوقين من طينة ابو الهش واشكاله..وحريص ع الكوادر البشرية البارعة من امثال الكابتن هنيدي اللي شطرت النواة واستخلصت جزيئات ألفا..
سينما ولا بدون موضوع قابل للنقاش لما تتكلم فيه بصراحة وتذكر فيه اهدافك الحقيقية من ورا تبنيك لوجهة نظرك...
اما سياسة توجيه القطيع والبروباجندا وتسيير الصحافة من ورا الكواليس فهي امور اقل ما يقال فيها انها دنيئة
خاتمة:
يقول الحمار الفلاحي في وصيته ليعقوب المفصخ عندما حانت لحظة الفراق الحزينة:
غنى الاغنياء سببه غباء الفقراء..
وفتكم بخييييييييييييير
|
الوضع الشجري
