|
أمي تسلم عليكم وتقول / عندكم طماط ..!!! حين طرق باب بيتنا ... ليقول لى ولد الجيران امى تسلم عليكم وتقول عندكم .... طماط....!! ابتسمت من قلب .... وقلت له عندنا ... ولو ماعندنا زرعنا لكم بحوش بيتنا هلا بالجار الصغير .... منذ متى لم يطرق بابكم احد الجيران لطلب طماط او بصل او خبز ... !!! ربما احلى اعضاء يقال اننا بخير ونعمه ولم يعد الطلب من الجيران له ضروره ... ولكن لا اعتقد فقدنا الطلبات الصغيره بين الجيران فقدنا طعم الجيره ... كان الجار يطلب من جاره بصل وبعدها يرسل له قليل من الطبخه عيش وملح الان تعد الطلبات بين الجيران عيب وقله ذووق ... !! وقد تستغرب ان يطرق جارك بيتك بدون موعد واذن مسبق واتصال وقد يتهم الجار بالجنون حين يطلب طماط زمان لم تكن الحاله الاقتصاديه مثل الان اليوم فواتير وديون واقساط واسعار مواد غذائيه عاليه وعيب نطلب وندق باب الجيران... زمان حياه بسيطه وقلوب ابسط ,,, وصغار الجيران وجمله .... امى تسلم عليكم وتقول عندكم بصل جميله العباره بجمال البساطه وجمال المحبه وجمال روح الجيران الوحده كنا بيت واحد وطبخه وحده اخبرتنى جدتى ان الاسر قديما تشعر بمدى حاجه جارها وترسل له من غير طلب واذا راعى البيت قضى لبيته ماينسى جيرانه ... واذا بقى شي من العشاء... يرسل للجيران( غريفه) واليوم يزعل الجار من بقايا العشاء باعتبرها فضله.... ليست المساله بمجرد الطلب احلى اعضاء وليست عباره امى تسلم عليكم وتقول عندكم طماط هى المحك لا .... ولكن العلاقه نفسها فقدت طعمها فقدت دفئها فقدت الجيره لم تعد الحياه لها طعم بعد الاستغناء عن بصل وطمام وخبز الجيران وحين نعطى الصغير طلبه ... نتنتظر عودته بطبق من عشاءهم ... ليتها تعود تلك الايام ... رغم انى لم اعشها حقيقه ولكن احيانا اتمنى عوده ايام ماضيه بزمن جميل وجيران ترسل وتسال وتطلب بدون قيود حياه ممله ورسميات قاتله احضرت الطماط للولد الجيران .... ووصلت لنهايه كلامى قول لماما امي تسلم عليكم وتقول .. اذا بقيتو شي لايردكم الا لسانكم وخرج الصغير ولسانى حالى يقول:شكر لك عشت معك لحظات اصبحت مفقوده .... بزمن لم يعد الجار يعرف جاره () وامى تسلم عليكم وتقول ... عندكم رد على الموضوع |
هههههههههههههههههههههههههههههههههههه ايي والله من زماااااااااان ماشفنا وولا سمعنا امي تسلم عليكم وتقول... مشكووووور وماقصرت |
:( ........................................ |
اللـــــه يسلمـــكـ ويسلمك مامتك.. فعلا كل شي راحــــت حلاوتة موب مثل أول .. ][ألا ليــــت الزمن يرجع ورا وإلا الليـــالي تـــدور][ ][ويرجع وقـــتنا الأول وننعــم في بســـاطتنـــــا][ كــــل شي تغيــر حتى القلوب تغيــــرت.. وكأني أشــــم ريحة غبــــار.. الموووووووووهيم تســــلم خيـــو عالموضوع اللذيذ.. |
شكرااا على المرووور ررررررررررر |
ذكريات طفوله اتيت بها من بصل وطمام وملح وحتى الهيل صدقت في كل كلمه قلتها لكن للاسف الحين الجار ما يعرف جاره بدانا نتحول الي شعب غربي لا يبحث الا عن المصالح تشــــــــــاو |
حنا ولله الحمد الى الان فيه تعاون بيننا و بين الجيران خصوصا بـ البصل :d دايم اخذ و عطى ما اقول الا الله لا يغير علينا بس |
يسسسلمو ع الموضوع <--- :(:( ! |
يووووووووووووووووووووووووووووه على ايام امي تسلم عليكم وايام كورتنا عندكم والله ايام حلوه |
أيه والله أنك صادقه ماعاد أحد يدور ع أحد مثل أول .,. والله مقد شفت أحد من الجيران .,.كلهم ببيوتهم .,.وامي كل عصريه .,.ياعند جده وخالاتي .,. مدري وش صار بها الزمن .,,.الله يجيرنا منه .,. يعطشك العوآآآآفي .,.ع الموضوع .\\الحلو\\والحزين\\ |
هههههههههههههههههههههههههـ واللهـ زمآآآآآآن يسلمو أختي ولاتحرمينا من جديدك |
الا ياليت الزمن يرجع ورى ولا الليالي تدوور لاعدمنااااااااااااكـ |
سلم على أمك وقلها البقالة فيها طماطم ... نعم الناس أختلفت عن أول كثير كثير ...أول عندما يسكن جار جديد يترك لمدة أسبوع حتى يستقر يجتمع الجارات وكل وحدة معها دلتها وإبريقها وماتيسر من التسالي ويذهبن لزيارة الجارة الجديدة بدون موعد وبعد أيام يبدأن في دعوتها لبيوتهن كل يوم في بيت أو في الأسبوع مرتين حتى تدخل على بيوت كل الجيران ويعرفون عنها كل صغيرة وكبيرة ...وكذلك الرجل ... الآن الله المستعان ماذا حصل ؟؟؟تقول إحدى قريباتي قبل كم سنة سكنت في حي راقي وأنا أحب الناس والجيران وجلست كم يوم ما أحد طرق الباب وبعد شهر أرسلت ولدي للجيران وقلت قل لهم تقول أمي حنا جيران جدد وودنا نتعرف عليكم زورونا وأعطونا رقم هاتفكم !!! ورفضوا الجيران !!!!وبعد كم يوم أخذت معها حزمة نعناع وذهبت للجيران وطرقت الباب ولم يفتح لها وأخبرت لمن رد خلف الباب أنها جارتهم الجديدة أم فلان ومعي لكم نعناع من مزرعتنا ولكنهم ردوا مانريد نعناع ؟؟؟؟ تقول الجارة الجديدة كتبت رقم بيتنا ووضعته في كيس النعناع ورميت به من فوق السور على حوشهم لعل وعسى !!!! ولكن للأسف لا رد ولا صلة جيران ولا غيره .... ورغم ذلك مازال في الناس خير والجيران يتواصلون مع بعضهم في بعض الحواري والأحياء ... ويوجد بصل وطماطم .... |
اي والله صدقت وين الايام الحلوة ذيك ماقصرت على الموضوع الحلو |
يالله ذكرتني بحارتنا اللي قبل سنه ناقلين منها من جد كنا نسوي كذاااااا :cry: يعطيك العافيه على الموضوع |
| الوقت المعتمد في المنتدى بتوقيت جرينتش +3.
الوقت الان » 01:46 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd