قسم بالله شي غير طبيعي وش هالحر ؟؟ اذا انت مسوّي قوي اطلع للحوش الساعة 2 الظهر.. وقّف ثلاث دقايق بس وهذا وجهي اذا ما خربت اخلاقك لأن الاخلاق مثل مايقول سعيد صالح ( تنصهر بالحراره وتتبربر بالبروره ) الحين بالدوام ماعاد اطلع في الـ( BREAK ) حق الغداء أتّصل على أي مطعم واخلّيه يوصّل لي الطلب واذا وصل يوقف تحت عند البوابه وانواع الهواش انا وايّاه هو يقول انزل او ارسل احد ياخذ الطلب.. وانا اقول له معصي.. انت تعال فوق كله من شيلة الهم للنزول في الشمس ياخي والله بعذري.... والله الجو حااااار مررره عاد المشكلة ماهيب هنا.. في الدوام تجي وتلقى كل المكيفات تشتغل من بدري المشكلة في البيت اذا رجعت بعد الدوام تدخل غرفتك وتلقاها نااااااااار... تطبخ طبخ وتشغل المكيف وتطلع وتصك الباب وراك.. تحتريها تبرد شوي... أقل شي ربع ساعة تروح هالوقت تقعد في الصالة عند التلفزيون.. وماتدري الا وانت نايم على الكنب تعال للطامه الكبرى اذا بغيت تتروّش... الماء ( يغلي )... والله كأننا دجاج توّه مذبوح ومحطوط في مكينة التنتيف انواع سلخ الجلد... والله الماء ينزل من الخزان حاااااار من جد واللي دابل كبدي وفاقع مرارتي... هالنصاب حق النشرة الجوية مدري اصدقه او اصدق المؤشر اللي عندي في السيارة ماتجي الساعة عشر ونص الصبح الا والمؤشر طاق الـ 48 والساعة وحده الظهر يطق الـ 50 ويفصل ( خلاص مايجيب شي فوق الـ 50 ) يعني يمكن توصل الدرجة 60 او 65... والمؤشر معلّق على 50 لكن هالخراط حق النشرة.. هذاك اللي من سنة جدي وهو يقول ( مع احلى الاماني ) يشلخها واااكبرها عند ربي... اكبر من كرشة البلوي يطق ذيك الابتسامة ويقول :
في الرياض العظمى 42 أي 42 ياعمي... اطلع من راسي الله يرحم والديك والله لو اننا بهايم ومانفهم اذا ماهي 60 والله مانيب وجه رجال ياشيخ اركب السيارة بعد الظهر كأنك داخل فقّاسه بشريه حط شريط كاسيت فوق الطبلون واتركه ساعة وحده بس ارجع وشف وش صار فيه... كنّك تشوفه بمرايا الابعاد الثلاثة اذا الشريط المصنوع من البلاستيك المقوى يتعفط بهالشكل من حرارة الجو... وشلون اجل الانسان ؟؟ اقول ياحبّي للشتاء بس يالبّييييه يالبرد... وهـ بس يا تحت الصفر.. طق الفروة وشاهي زنجبيل وتمتع بحياتك ماهوب هالصيف الغثيث... صرنا مشويات متنقله الله يكفينا شر حرارة جنهم
رومانسيات صخراويات حبّيتك في الصيف.. حبّيتك في الشّتي والصيف ضيعت اللبن وانتي احلى من اللبن... خصوصا لبن محطة العتش اللي على طريق القصيم وعلى طاريها... فيها مطعم يصلح بروستد خقق وش رايك اعزمك فيها لنا يوم.. ناخذ بروستد ونزبن ورى المسجد ومهوب لازم تغسلين عقب الاكل... مسحي ايديك بالكلينكس وطول الطريق وحنا راجعين شمّي زفرة الدجاج في ايدك وتذكري الغداء الرومنسي وهـ بص
الله يعينا والله
تخيل تخيل انت بس تخيل..
الجامعه نطلع من مبنى لمبنى بعز الشمس بدون مظلات بدون شي
تخيل تخيل انت بس تخيل
انهم شالوا المظلات الموجوده وخلونا كذا
يعني لو عندي اختبار الساعه 1 اعرف ان المعلومات تبخرت من جمجمتي المستويه خخخ..
بس تدرون لو صيفنا مو كذا كان انواع الاوبئه والبكتيريا والامراض
الحمد الله على كل حال
يازين الايس كريم ولا عصير بارد ولا ماي بارد بعز هالقوايل
الا على طاري الايس كريم
عندنا بيتنا باسكن روبنز شكله هالصيف بيربح اضعاف مضاعفه
انا اذا جيت اركب سيارتي في الظهر وقسم اناقز في المرتبة <<لا احد يفهم غلط والله من الحر الشديد ما اقدرت اجلس زين في السيت .. وبعد الدركسون ما اقدر امسكها إلا بمنديل << والله ماني خكري بس حارة مرة والقير بعد حاااااار جداً , امسكه بمنديل بعد الله يعينا بس على الحر .. واذا جاء البرد تقولون يازين الحر وردد ياليل ما اطولك الصخرة شكريا
انا اذا جيت اركب سيارتي في الظهر وقسم اناقز في المرتبة <<لا احد يفهم غلط والله من الحر الشديد ما اقدرت اجلس زين في السيت .. وبعد الدركسون ما اقدر امسكها إلا بمنديل << والله ماني خكري بس حارة مرة والقير بعد حاااااار جداً , امسكه بمنديل بعد
وش رايك تلبّس المراتب والدركسون والقير مناديل
ياخي انتم بالشرقية الوضع عندكم تمام مع الدوريات.. ظلّل وكتّم الموتر وريّح راسك
كنت حاط اقتباس وأنحاس الرد .. , علشان كذآآ رديت بدون أي أقتباس , , الله يحييك .. قل قسسم .. , بالعكس أجواء ربيعيه , تصدق أني أقول من النوم وأنا مبسسسوط , أسمع زقزقت العصافير , وأسمع صوت الشلال اللي ورآآ بيتنا, وأطل من البلكونه وأشوف مناظر خلابه تفتح النفس, والهواء يداعب شعري الناعم , ولافيه أزعاج ,{ < أنت وين ساكن .. ؟ } , وبعدين أي حرتتكلم عنه ..! وهو فيه يوم زانت النفسسيه فيه علشان تقفل .. { } أما بخصوص سعيد صالح , فـ عادل أمام يقول ماهي متعووووده ديمآآآآآن.. { < أنطقها حسب ماينطقها عادل أمام .. } ,وبخصوص الغرفه تصير حآآره الحممد لله أني أتصل على أهلي ييشغلون المكيف قبل لا أوصل, صح أن أمي تكرشني بعض الأيام بس أجلس أتغزل فيهآآ لما توافق تخلي إنجلا { < شغالتنا , } تشغل المكيف, وأذا تقفلت في وجهي أنجطل في الصاله أو أي مكان فيه مكيف يشتغل .. , وأنصحك أستخدم ماء السخانه تصير بارده نوعاً ما..{ }, وبعدين وش اللي حادك تتروش الظهر من بتقابل يعني.. } , هو أنت لك نفس تقابل أحد علشان تتروش .. , وأحلى الاماني تهون غائم الى غائم جزئي .. , نعنبو بليسه الشمس تصلخ الاوادم وهو يقول ذآآ الجمله , الا هو للحين يجي , هو أصلاً فيه نشرة أخبار جويه من تالي .. ! , للمعلوميه لاتحط ورقه مهمه في السياره لانه بتقلب أسود .. , , وأنت تقول يازين الشتاء .. ما أتفق معك البته , يازين الصيف..{ }, الشتاء ياخوي ماتقوىآ تتحرك ولاتقدر تسسوي شي , وتقعد طول يومك تلبس يخلص اليوم وأنت تلبس ولايمديك تمشي من قوة الملابس اللي عليك .. على قولة واحد في منتدى قريت له موضوع يقول أذا جيت تفصخ ملابسك في الشتاء يبي لك تتصل على محل نقل أثاث.. }, الا يازييين الصيييف خلك قدام هالمكيف ولا عليك الا سروال { <وفي روايه أخرى صروال } وفنيله , وتبطح وتسسدح عنده , كل شي ولا الشتاء .. صح أننا ماعندنا لاصيف ولاشتاء مثل العالم , بس الصيف أبرك .. ومن العنون حق الرومنسايات مايمديني أعلق عليهاا.. , الا على طاري الرومنسسيه , أسئل المتزوجين أحسسن وقت للرومنسيه بيقولون لك الظهر في عز الحر, تطلع المشاعر الجميله والحب والكلام الحلو , ,, أدري طولة في الرد , بس والله نفسسسي أسولف وأنت جيت في وقتك , يعطيك العافيه على الموضوع .. الـصـخـرة .. { , } .. <
وأنت تقول يازين الشتاء .. ما أتفق معك البته , يازين الصيف..{ }, الشتاء ياخوي ماتقوىآ تتحرك ولاتقدر تسسوي شي , وتقعد طول يومك تلبس يخلص اليوم وأنت تلبس ولايمديك تمشي من قوة الملابس اللي عليك .. على قولة واحد في منتدى قريت له موضوع يقول أذا جيت تفصخ ملابسك في الشتاء يبي لك تتصل على محل نقل أثاث.. },
خخخخخخخخخخخخخخخ الله يرجك انت واياه
انا من ناحيتي في الشتاء... ماغير ثوبي الابيض فقط لاغير
لا فروه ولا جاكيت ولا هم يحزنون... ياخي البرد متعه غير طبيعيه
, بالعكس أجواء ربيعيه ,
الوضع المتطور
