زلايب الـ netlog - نادي الهلال السعودي - شبكة الزعيم

şηάķέ вℓùέ · #1 02/06/2009, 07:26 PM

في البداية احب امسي على نفسي ومسي عليكم

...

بينما انا اتجول في أروقة النيت لوج صادفت لي بروفايل خايس شوي

وفيه صور خايسة برضو شوي

احد الصور كانت

لشاب في مقتبل العمر متصور من بعيييد على راس جبل اخضر وكاتب تعليق قايل فيه صورتي في سويسرا !!!!!!!

قلت يمكن انه مسافر صدق لسويسرا بس برضو لسى عقلي مارضى يقتنع سحبت الصورة وبعد تمحيص وتدقيق في

الفوتوشوب عشان اطلع الخبايا اللي فيها لقيت ياجماعة الخير كرتون كلينيكس منطول تحت رجله اليسار مانتبه له من

الزرع اللي موجود الظاهر مكتوب كلينيكس بالعررررررررررررررررررررربي اكرر بالعررررررررررررربي قلت يمكن ماخذ معه

كم علبة مناديل كلينيكس لسويسرا ( فيني الخير مابي اكذب الرجال ) بس اثناء السحر اللي اسويه على الفوتوشوب

برضو اكتشفت شي ثاني تتوقعون وش لقيت هالمرة ؟؟؟

( لقيت كيس صغير ماينشاف بالعين المجردة حتى انا ماشفته الا بواسطة التلسكوب مكتوب عليه ( صيدلية النهدي )

قلت لا عاد زودها ذا كذاب

وفوق هذا كله ماخذ معه مناديل كلينيكس وكيس لصيدلية النهدي مايبيلها اكثر

من انه متصور على راس جبل في ابها ولا الباحة وكاتب انها سويسرا .

المراد من الموضوع ليش الكذب ليش الفشخرة الكذابة يعني ليش تغلف ذاتك وانت من داخل عملاق من ورق خلك

طبيعي اطلع بأريحيتك بمضمونك بشخصيتك ماعلينا من هذا كله ..

الاخوة اللي رازين صورهم في كل مكان نداء لبرنامج 99 وخصوصا لصلاح الغيدان ياخي اطرح موضوع عن النيت لوج

وعن العالم الللي فيه والله مساكين تلقى المسكين متصور صورة وحدة بشكل واحد بلبس واحد من بس زوايا

متعددة يعني تراني ولد فوتوغرافي متمكن وفي الاخير متصور من حواجبه وتحت عشان ماتبان الصنادح ومسكر

شفايفه عشان ماتبان الضروس الصفراء ومار على الحلاق قبل يتصور وكل شوي مشغل الرجال الشنب مايل

السكسوكة من اليمين عريضة أأنفي طالع منه شعرة شيلها ..

هاذي احد النماذج برضو عن اللي يدخل للنيت لوج على طول يروح استكشف ويناظر الصور على اليمين اللي تحت

الاضواء وهاتك يا اضافات لايعرفهم ولايعرفونه ولاحتى فيه صور زينة عشان يضيفهم بس اللهم زيادة عدد اصدقاء على

قل سنع ومن الفضاوة ماقتل ..

.
.
.

الاخوات الفاضلات اللي كاتبة اسمها سوسو وميمي ولولو ومن ورى الشاشة تلقى اسمها منيرة والثانية حصة والثالثة عمشة

بس مالومهم متضايقين من اسماءهم بس ماعليه لاتتهورين مرة وتحطين لولو وميمي حطي على الاقل اميرة الظلام

.. نعيمة شخلع ..برنسيسة الشهاب يعني شي قريب من اساميكم

.
.
.

هذا واقول قولي واستغفر الله لي ولكم

أحلـى هلاليه · #2 02/06/2009, 07:35 PM

يا انك اناني قوول ويمسيكم

بصراحه ماادري الناس وش محصله منه..
مضيعة وقت ..

إقتباس


	هذا واقول قولي واستغفر الله لي ولكم

استغفر الله
استغفر الله
استغفر الله

muneera · #3 02/06/2009, 08:01 PM

إقتباس


	اسمها منيرة

شكلي بغير اسمي لـ غزيل والا رفعه

ما علينا .. تقريبا يوميا ادخل النت لوق بصراحه ايام اضحك على الي تحكي عنهم والي يستعرضون
بس في اشياء استفدت منها من المجموعات اكثرها تصوير و فوتوشوب ..
بصراحه الموقع حلو بس الي يكرهك فيه الي يستخدمونه لتميلح

الي تحكي عنهم عادي ياخي سلك لهم

~DARK KNiGHT~ · #4 02/06/2009, 08:07 PM

والله صدقت بعض الناس يحاول يسوي نفسه كشخه وهو من جنبها

وبعض الأحيان تسأل الواحد وين سافرت يقولك باريس وهو ماراح الا جده ولا الشرقيه

الله يعينهم بس على أنـفسهم

هلالي معالي · #5 02/06/2009, 10:08 PM

إقتباس

الرسالة الأصلية كتبت بواسطة عبودي بس موذي


	والله صدقت بعض الناس يحاول يسوي نفسه كشخه وهو من جنبها وبعض الأحيان تسأل الواحد وين سافرت يقولك باريس وهو ماراح الا جده ولا الشرقيه الله يعينهم بس على أنـفسهم

ما ازيد على كلامك شي انا سجلت فيه فضاوه واحد عندي تقدر تقول انه نآعم شوي مترزز و حآط صوره في كل مكان

قآلي سجل و خلك فرند حقي قلت وشهو الفرند قالي يعني صديق

قلت الله يستر علينا و عليك يا شيخ و من ذاك اليوم ما دخلته و الله عآآآلم فآضيه و قآضيه فيه بنات من جده حاطين صورهن و هن لابسات شي ما ينقال و مسوياتن اشياء ما تنوصف لحول ولا قوة الا بالله

اخوي احب اهنيك على فكرتك و طرحك للموضوع بصراحه اعجبتني يا بطل

şηάķέ вℓùέ · #6 03/06/2009, 01:50 PM

مشكورين الكل على ردودكم ويهمني سماع وجهة نظركم حول هذا الموضوع

ملاحظه : انا ماني ضد النيت لوج ولا ماكنت دخلت فيه بس ضد استخدام بعض السعودين لهذا الموقع

(((سهم القناص))) · #7 03/06/2009, 01:58 PM

مشكور وما قصرت الله يعطيك العافية

DR.KHALID · #8 03/06/2009, 02:11 PM

هلا اخوي ..

اولا شكراً على السبة الي في عنوان الموضوع

..
من ناحية استخدام السعوديين لمواقع الصداقة والتعارف .. الظاهر فاهمين غلط ..

انا من رواد المواقع الي زي هذي .. لغرض التعارف والشيء الاخر فيه ناس يهتمون بالتصويرالفوتوغرافي لهم بروفايلات جدا رائعة من ناحية الصور هناك .. او من ناحية الرسم .. يعني فيها فائدة .. ولا اخفيك اني تعرفت على شباب فيهم الخير ورجال ..

لكن مؤخراً شفت ان الوضع بدا يدحدر شوي ... استعضت عن النت لوق بالفيس بوك وكان اهدى شوي والناس الي فيه شوي محترمين ..

ومن ناحية الصور اتوقع م فيه احسن من flickr .. جداً رائع لمن يبحثون عن الصور والتصوير الفوتوغرافي ..

تحياتي

أبو عزوووز الوايلي · #9 03/06/2009, 02:43 PM

ههههههههههههههههههههههههههههههههه

اجل بسويسرا خخخخخخخخخخخخخخ

حلو موضوعك وتدقيقك
ههههههههههه

والله ضحكتني اضحك الله سنك

ابو طـــــلال · #10 04/06/2009, 12:55 AM

عجزت أعرفلة ... عندك هذا وترافيان والبلوت .. عجزت أتعلمهن .. من يعلمني وله راتب !؟

إنحراف متأخر شوي

عاشق البلوز 1 · #11 04/06/2009, 02:29 AM

يعطيــك الـعـآفيـهـ يـآ صديقـي ع المــوضـوع

إقتباس


	الاخوة اللي رازين صورهم في كل مكان نداء لبرنامج 99 وخصوصا لصلاح الغيدان ياخي اطرح موضوع عن النيت لوج وعن العالم الللي فيه والله مساكين تلقى المسكين متصور صورة وحدة بشكل واحد بلبس واحد من بس زوايا متعددة يعني تراني ولد فوتوغرافي متمكن وفي الاخير متصور من حواجبه وتحت عشان ماتبان الصنادح ومسكر شفايفه عشان ماتبان الضروس الصفراء ومار على الحلاق قبل يتصور وكل شوي مشغل الرجال الشنب مايل السكسوكة من اليمين عريضة أأنفي طالع منه شعرة شيلها ..

إقتباس


	الاخوات الفاضلات اللي كاتبة اسمها سوسو وميمي ولولو ومن ورى الشاشة تلقى اسمها منيرة والثانية حصة والثالثة عمشة بس مالومهم متضايقين من اسماءهم بس ماعليه لاتتهورين مرة وتحطين لولو وميمي حطي على الاقل اميرة الظلام .. نعيمة شخلع ..برنسيسة الشهاب يعني شي قريب من اساميكم

يخــوي اشــوف اغلــب مــوضـوعــكـ ذب عليهــم

وش عليــكـ منهـم حتى لــو شكلـهـم تقول مقفـى عنــز
انسـآن يبـي يصــور نفسـهـ يعني تبيـهـ يتحطـم
ويمسك لـهـ زآويه في البيت يصيح فيها ويقـول شكلـي مـآ يسـآعد وكذآ !!

^^
قلت هالكلام اعـلآهـ
لمـآ شفتـهـ من ذب في اشكـآلهـم و آسـآميهــم