|
الفزعه .. وخلوني أنام (( موضوع يستحق الإهتمام )) السلام عليكم ورحمة الله وبركاته أخباركم يالغوالي عساكم طيبين يازعمااااء أبيكم بخدمه يالبى قلوووبكم فديت خشوومكم لا تردوني ترى لي يومين ونص مشفر عليها ولا عرفت لها لين طقت تسبدي طقاً مبرحاً :to: أبي أعرف بس وشلون أضيف صور لاعبين أو مقاطع صوت (( تعليق وأهازيج مثلاً )) وكيف أضيف ملفات أنديه ..! :ranting: لا تبطون علي بالشرح .. ترى النفسيه خرى والأخلاق بزي والأوضاع مزريه ومشاكل .. وطراقات مع أي أحد يكلمني :alzaeem: أنتظركم بفاااارغ الصبر وأحر التعازي وبالغ الآسى والحرمان على حالتي :rose: واسف على الإطاله بس عشان تحسون بي وتشوفون المعاناة إللي أحااطت بي من كله جهه :to: أنتظركم تعالوا بسرعه لا تبطون << واقف لكم بالشارع :s2: |
والله حالتك لايرثى لها:(:( اخوي ممكن تفسر اكثر |
أنا وهالسوني من جفره لدحديره .. وينكم يازعمااااااااااء وين إنبراشاتكم .. أبي رد واحد ينهي كل هالتعقيدات والمغامرات والأفلام الهنديه إللي عاشها مع السوني وعالعموم .. هي خربانه من أول والحين أنعمت .. أنا مدري وش حست بالسستم وطلعني آووت وطفى الجهاز .. وكل ماشغله الصوره تكون مثل ماهي لا صوت ولا صوره (( ولا حياة لمن تنادي )) ولا أدري وش السوات ..!! << تخصصي تكسير رووس .. مالي بالأمور الفنيه والبرمجيه أبد ياليت كل واحد بإسمه يتفضل ويعطي حلوله لأن الوضع بداء يصعب وكل ماله يسوء أكثر بسنتر بهالصفحه للمغرب لا تخيبون رجاي .. يكفي خيبها الزعيم |
حزنتني احد يساااااااااعده |
الـحين وش تبـي بـالضـبط انـت ^_^ يـعني قصـدك ان الـسوني حقـك مايشـتغل ولا فـيه شـريط مايشـتغل ولا وش الـسالفه مره تقـول اهازيج ( كوره ) ومره مافيه صوت وصوره والله لحسـتني يـبو |
حبيبي الحل لاجييت تشغله علق على زر التشغيل الا 10 ثواني و ترجع الصووره و ثانس مره لاتحووس << هع هع |
السوني خرباااااان ولا اشرطة...؟ ولا يطلع لك لمبة صفرا؟ وضح اكثر عشان نفيدك بالي عنـدك.. |
?? من جدكم ؟ واضح مقصدي .. أبي طريقة إضافة الملفات والصور والأصوات لجهاز السوني بس بطريقه سهله .. لأني لقيت شروحات توقف شعر الراس .. مصعبينها مره وبالنسبه لمشكلة الصوره خلاص أنحلت وماكان موضوعي الأساسي أصلاً ^ــ^ عالعموم شاكر لكم مروركم .. الله لا يهينكم فـ مان الله |
يابوي بكل سهوله حط اللي تبيه بفلاش ميموري وحط الفلاش بالسوني ثم رح لحق الصور وبتشوف الصور اللي فيها ورح للفيديو وبتلقى الفيديو اللي فيها ورح للميوزك وبتلقى الاغاني او الاصوات اللي فيها هذا اللي انا فهمت قصدك فيه الا اذا قصدك ثاني وضحلي وان شاءالله اساعدك |
يالبى قلبك ياعبودي يابعدي والله أيه هذا اللي أبيه .. بس كيف طريقتها ؟ أنت مسهلها بردك .. أبي شرح واضح لأني سمعت أني أسوي مجلد أول شي بفلاش المموري وأخلي أسمه أوبديت وأحط مجلد ثاني داخل مجلد الأوبديت وأخلي إسمه ميوزك مثلا إذا كان صوت ؟ وكله كان غلط بغلط وتشتيت بـ تشتيت وبعدين أبي أضيف تعليق راؤوف خليف ماعرفت .. وأبي أضيف الدوري الأسيوي وما أضفت ياليت واحد متمرس وفاهم يحط النقط فوق الحروف أو يعطيني رابط موقع مختص أو أي شي أكون شاكر له وياليت أحد ثاني بعد إذا يفيدني بروابط لمواقع فيها الدوري الأسيوي أو السعودي أو يقدر يجيبه لي هنا بكون شاكر له وأدري أني ثقلت عليكم بس لا يغركم تراه كثرت هرج .. لاعدمتكم بإنتظاااركم |
|
فديت هالطله وهالخشه وهالرد اللي يونس البال ويسعد الخاطر يابعدي والله يادمك هلالي .. ياهييييك الفزعات يا بلااااش بصراحه أفدتني وفكيت أزمتي المعقده والحوس على غير سنع ألف عافيه لك وألف شكر وجعل ربي يزوجك باللي تطق للقمر بأصبعها وتقوله طس وأنا أجلس مكانك كفيت ووفيت .. لاعدمتكم ومشكورين يازعماااااااااء إلى لقاء آخر يجمعني بكم أحبتي الزعماء .. لقاء بهجه .. لقاء موده .. لقاء محبه وصفاء |
| الوقت المعتمد في المنتدى بتوقيت جرينتش +3.
الوقت الان » 07:52 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd