|
ܔإبتســم فــهنـآك غــداً جميلٌ بأنتظــاركــܔ أسعد الله مسائكم / صباحكم بكل خير .. اتمنى بان الجميع في اتم الصحة والعافية مساكم ازرق بروح رياضية مع خروجنا من البطولة الاسيوية .. بس بسألكم سؤال لو فرضنا ان طارق التايب جاب البنلتي على طريقة باص عيون :ba: كان كلكم قلبتو الدنيا ونزلتو تصاميم وسويتو رجه وزحمه مثل الدائري مزحوم بشكل يومي < وش تحسبه .. :d وبعدين لين متى وحنا راح نظل كذا اذا فاز الفريق رفعناه فوق السماء وصلنا لنجوم وشوي مادرينا الا وحنا والفريق بالمريخ ... وذا انهزم صار العكس .. يازعماء هالكلام اللي تسوونه مايصير ياخي ليش ماصفقتو للفريق :ranting: راح يجيني واحد يقول الفريق لعب بلا روح الفريق ماعنده عزيمه واصرار وانت هالحين داخل قلوبهم قاعد تشوف وش اللي بداخلهم ؟؟ وبعدين لاحد ينسى ان هذي اخر مباراه بالموسم واللاعيبه كانو مضغوطين مع المنتخب وسفارات وروحات وجايات .. إلخ :to: وخلوني اتكلم على اللاعبيه اول شي طارق .. لاحد ينسى ان طارق كان ثاير ويغلي غليان لين اخر دقيقه سيول وقسم بالله كان مبدع بس مع الاشواط الاضافية مدري وش صار له ممكن اللياقة لعبت بحسبته ويلي << مسكين هاللاعب انتو ماتشوفون جو الرياض وشلون صاير غليان اذا حنا عايشين ومواليد الرياض مو طايقين هالحر والجو والعفن اجل كيف هاللاعب راح يستحمل الجو ولاحد يجي يقولي رادوي شف وش مسوي كل لاعب له امكانياته وله ظروفه بعضهم يقدر يتأقلم وبعضهم لا ولاتنسو في فترات وصلتو ويلي لنجوم .. نامي < هالنامي اللي تسبون فيه امس انقذكم من هدف كان هالهدف راح يسبب لكم صدمه نفسيه وكان ودعتو الملعب من بدري بدري .. على الاقل ركلات الترجيح تهون شوي واخف من انك تنهزم بهدف .. الزوري لياقته كانت ضعيفه وممكن الارهاق لعب لعبته .. لاعب صغير بالسن والمستقبل قدامه مدري وشلون تقولون الزوري ماعنده سالفه .. ياخي قسم بالله في عالم اشك انها تفهم كوره .. ! على الاقل سد هالخانه اللي كانت مزعجتنا سنين وسنين من بعد الرشيد .. مخرج انا هنا فقط لأحيي ادارة النادي بقيادة شبيه الريح قدمتو عمل جبار وجهود تشكرون عليها رغم الظروف .. واحيي اللاعبين جميعهم كبيرهم مع صغيرهم من ابو دعيع لأصغر لاعب في الفريق .. :clapping: انتهى الموسم بخيره وشره فلنستفد من الاخطاء لتفاديها مستقبلا .. إلـى شبــــيـه الريــــــــح : ܔإبتســم فــهنـآك غــداً جميلٌ بأنتظــاركــܔ اعتذر على الاطالة والكلام العامي لاني حبيت اطلع اللي بـ قلبي :smilie47: كل الود |
أهنيك على كلام الجميل وعلى عقلك الي يوزن بلد :ba1: أنا أتفق معك في كل جزئيه قلتها لاكن مباراه أمس كان فيها أخطاء ومو أي أخطاء .. :cry: أولها اللعب بمهاجم واحد لو وأعوذ بالله من كلمه لو كان الصويلح بدال سيول وعلى دخول الشلهوب كان حسمناها من بدايه الشوط الثاني صحيح أن لعيبتنا ماقصرو ها الموسم أنا اشوف كذا بالنسبة لظروف اللي حصلت لنا والكل يعرفها مايحتاج اقولها من جديد :mad: لكن نامي والغنام الصراحه ما أدري وش يحسون فيه أخطاء دفاعيه أمس فادحه منهم لاكن لوبمدح لاعب الصراحه مايستحق المدح الا هوساوي :smilie47::ba: الدعيع :smilie47: خلاص مستواه في البلنتيات طايح ماعاد يننفع لها ولا يجيني أحد منبرش يقول انقضنا اكثر من مره على عيني وراسي لاكن أنا من وجه نظري اشوف ابو دعدع ما يصلح لبلنتيات مباراه اوكيه يبدع :smilie47: لاكن بلنتيات :no: واتمنى تتقبل وجهه نظري بكل صدر رحب :rose: |
إقتباس:
الحمدلله خلصنا من هدف مؤكد .. وخسارتنا من الضربات الترجيحيه اهون علينا من الخساره بهدف .. وش نسوي الله ماكتب لنا نفرح وان شاء الله الموسم المقبل يكون افضل .. والله يعطيك العافيه .. |
موضوعك ازين موضوع بكل صراااااااااااااااااااحة |
إقتباس:
اتفق معك ان الاخطاء كانت فادحة اساسا كنت اقول للي حولي حنا بين ارضنا وجمهورنا اذا ماهجمت بمهاجمين متى راح تهاجم ليش انتظر الين يدخل في مرماي هدف .. ربما الحسيني اخطىء ولكن هذه كرة القدم ودائما الخطىء ياتي جراء العمل ولا عمل بدون اخطاء بالنسبة لنامي انا حبيت امدحه واذكر الجهمور بأنه انقذنا من هدف مؤكد وذلك لكثرت التشاكي منه ( والسب والشتم )) (( والسموحة منكم )) بس يا اخوي هذي امكانياته وش يسوي .. اكيد ان وده يرضينا ويخلي الجمهور تحييه بس للاسف هالاعب امكانياته محدودة للاسف غير قادر على انه يطور منها فحنا نقوله جزاك الله خير وماقصرت وربي يوفقك في فريق ثاني :smilie47 وابو دعيع ماقصر قدم ومازال يقدم الكثير لكن انا دايم اقول لكل رجال زمانه .. وافضل ان الشخص يودع الكره وهو مرغوب خيرا له من توديع الكره وهو غير مرغوب به .. الدعيع مانختلف كلنا نعشقه لكن لازم يترك الفرصة لغيره .. انا اقول ان الضربات حظ ولكن يجب ان لا نهمل عاملان التركيز والحدس دائما ينقصان الدعيع (( بس تشوفه يروح يمين ومع النيه رديتها ولا قول )) .. أسعدني مرورك وتعليقك الاكثر من رائع .. وبالتأكيد اتقبل كل وجهات النظر بصدرٍ رحب :smilie47: كن بالقرب كل الود |
إقتباس:
حياك اختي الحمدلله على كل حال :smilie47: .. وان شاء الله الموسم القادم يكون افضل واجمل .. شاكر لك مرورك وتعقيبك الرائع كوني بالقرب كل الود |
لبى قلبك يالغلا :clapping: يسلم ايدينك على هالموضوع الرووعة هذا الكلام الصح يعني الهزيمة ماهي نهايتنا ولو كان يلعب معنا رونالدو وميسي كمان وربنا مهو كاتب لنا الفوز مارااااح نفوووز لازم تفهمون هالشئ وان خسارتنا امس قدر مكتوب وعسى ان تكرهوا شيئا وهو خيرا لكم لازم تتفائلون بالموسم الجاي وبالتوفيق للهلال مع جيرتس بالموسم القادم Mo0o0oDE :rose: لـ .. روحك ولكل هلالي وهلالية يتمتعون بعقليتك |
إقتباس:
حياك اخوي أسعدني مرورك وشرف لي بأن ينال موضوعي على اعجابك واعجاب من سبقك بالرد فقط اثلجت صدري به :smilie47: كن بالقرب كل الود |
الحمدالله قدر الله وماشاء فعل،،، حين تعشق الى حد الثماله ،،، وحين تتعلق لحد الأنصهار ،،، حين تذوب وتتلاشى في كيان من تحب ،،، حينها فقط ستعتصرك الآلم والأحزان ،،، وستطوقك قيود الأسى والقهر ،،، وهذا مألمّ بنا حين أصابتنا هزة عنيفه تسبب فيها من نعشقه وألتمس العذر لجميع من يعشق الزعيم فأمالنا كانت كبيره وتطلعاتنا وصلت عنان السماء ولكن بأذن الله غدآ سيكون أجمل ... أحبــــ :ba1::ba: ــــك يازعيــــــ :ba1::ba: ـــــم |
إقتباس:
ليت البعض منا يفهم بأن كرة القدم قد تسعدك وقد تحزنك وبأن من هفوه بسيطة قد تخسر بطولة .. لكن انا انتقد ردة الفعل خصوصا بعد انتهاء المباراة وخروجنا من بطولة فما يحدث أجزم بأنه خارج من بعضنا دون وعي او فكر من الغريب والعجيب ان تشبع لاعبا بالمدح وياتي بعدها بأيام ويغلط وتشبعه ذما وشتما .. فمثل ما أسعدنا الزعيم بفوزه وببطولاته بلاعبين لازال ذكراهم خالدٌ في ذاكرة الجماهير من الواجب ان نقف معه في حزنه ويأئسه ورؤية من له حول وقوة يظلمه .. هكذا يجب ان نكون ياجماهير الزعيم وأن شاء الله الموسم القادم أجمل وأروع بوجود شبيه الريح .. أسعدني مرورك وتعليقك كوني بالقرب :rose: كل الود |
إقتباس:
كلمات نابعه من القلب اشكرك عليها وأحب ان اقول بأن سبب كتابتي لهذه الجملة إبستم فهناك غدا جميل بأنتظارك بأني قبل ان اغلق شاشة التلفاز فقد شاهدت لقطة عابره لرئيسنا وروؤية مدى الحزن واليآئس في عيناه ومدى شعوره بأنه ظٌلم ولكن يجب أن يعلم باننا معه قلبٍ وقالباً :smilie47: في الحزن وفي الفرح قلوبنا معه:smilie47: أسعدني مرورك وتعليقك وكلماتك الرآئعة .. كوني بالقرب :rose: كل الود |
مشكوووووووور ....... الله يعطيك العافيه ...... ان شاء الله المواسم الجايه تكون افضل ونستفيد من اخطأنا..... (هذا قضاء وقدر من عند الله .... هذا مكتوب في علم الغيب من قبل ....ما ينخلق اي شي )...<< الي ما يؤمن بالقضاء والقدر .... اهو كافر ...:no: هزيمتنا ماهي نهاية الحياة .... ان شاء الله قدام الهلال ... بطولات لازم ياخذها ..s13s (قدر الله وما شاء فعل ),(عسى ان تحبوا شيء وهو شر لكم وعسى ان تكوهوا شيء وهو خير لكم ).. فـتفائلوا بالخير تجدوه .... s13s مشكووووور .... اخوي ... الله يجزاك الف خير ..... على طرحك المميز .... والمبدع ....... و الروووووووووووعه... ياليت كل الزعماء مثل .... تفكيرك .... وعقلانيتك ... بس الحمد لله ....الي عندنا احسن من كثير ناس غيرنا ...الي عندنا خير وبركه ...ان شاء الله يفيدون النادي والجمهور .... |
إقتباس:
والحمدلله على كل حال ومثل ماذكرتم البطولة لم تكن من نصيبنا فقدر الله وماشاء فعل .. اسعدني مرورك وتعليقك الرائع كوني بالقرب :rose: كل الود |
ابرفع الموضوع من بعد اذنكم ودي يوصل لكثير من الاعضاء .. |
| الوقت المعتمد في المنتدى بتوقيت جرينتش +3.
الوقت الان » 04:45 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd