ام الخساير / ام الخساير / ام الخساير /.......قصيده ...سليمان الشدوي بسم الله الرحمن الرحيم ترددت كثيراُ قبل ان اطرح هذه القصيده ولكن ماحدث البارحه ليس بالسهل هبوط / ضعف / انانيه / تعالي / لامبالاه / وبالتالي تشويه لصورة الزعيم امس لوكان معنا / الشريده/ او ابو اثنين / او النزهان / او تفاريس او سامي / او سيرجيو سيتغير الوضع لان واحد فقط من الاسماء السابقه كان سيشعل الغيره في قلوب هؤلاء الاشباح الذين افتقد اغلبهم /للاحساس / وللحب / وللغيره على اسم النادي انا اتكلم عن القدرات والفروقات الشخصيه بين من يمثل الهلال بعيداً عن الاسماء وحتى القدرات الفنيًه التي تحتاج للعزم الكلام كثير حول مباراة البارحه / ولكن هذه القصيده موجهه لبعض اللاعبين / او قولوا اغلبهم / ولرئيس النادي الذي اراد ان يتعامل بحب / وحضاريه مع كل من حوله ولكن .......... .............................................................................................. انتهى الموسم / وجات الخاتمه بام الخساير ......................والخساره فالكم /ياناس يامال الخساره لاتقولون / الظروف / ولاتقولون الدواير ............ والله ان الشمس ماتحجب عن الارض بستاره امتلا الملعب في الموعد بخمسين الف زاير .................وانتم اللي كنكم / اشباح / تمشي في مغاره والله ان احساسنا نيران / تغلي بالضماير ..................كيف وجه الازرق المشرق /يبان بلانظاره الهلال اكبر من اللي في ضميره عرق باير ...................... الهلال اكبر بتاريخه / وطرياه وشعاره لاعبين /احساسكم / اصغر من صغار الصغاير ...................... ماعرفتوا قيمة النادي / ولامعنى وقاره ماتحسوا! ! مالكم دمـً في الوقفات فاير .................. ماتعلمتم / قوانين / الشجاعه / والجساره!!! واحدً مستهتر وهمه / ملايين وعماير ................ ماعليه ولايحس بخاطره / ضيق وحراره وواحدً يلعب لنفسه / تايه / وعاجز/ وحاير .........................دام ماقدّر( جماهير الوفا )يرقد بداره والله ان الجرح/ من سكين الاستهتار غاير ...................والله ان الصوت يخذلني / وتخنقني العباره يابو فيصل والرجال اللي تجي لك بالبشاير ...................... ماهي اللي / مالها في حزة الشدات غاره الضعيف اللي عزومه خايره / ماهو بثاير ..................... لاتحطه في يمينك /لو توهج في مساره والذي وقت الحسم /ماله من عزومه ذخاير ..................... مايُسمى بالبشير / ولاتجي منه البشاره افرز من رجالك / رجالً على عزم وبصاير ............... واترك الباقي / وكُلً ينطلق حسب اختياره نعرف ان الحزن حزنك / لو تعلق بالمناير ............. انطفى نور الرياض / وهلت دموع الحضاره لكن الشكوى على اللي / سخر الطاير لطاير ...................والعتب يا اميرنا من حب ممزوج بغياره حط ميزانك / وحاسب / من تسبب بالخساير ..................لاعبً / والا مدرب / او يكون من الاداره واجمع عزومك / ومثلك / ماتوقفه الخساير ............ وامش دربك / والصداره / مانبي غير الصداره |
صح لسانك ..سليمان .. واتمنى من جمهورنا ما يحمل الاداره اي مسؤليه .. ابوفيصل ماقصر ..وماهو مسؤل عن رفسه همجيه تضيع الدوري ولا عن لاعبين يسحبون رجولهم كنهم مغصوبين على اللعب .. وحتى المحترفين الي جابهم والله ان روحهم اعلى من كديشنا ..ماعدا اسامه والمرشدي |
صح لسانك عساها تكون خيره وان شاء الله القادم احلى التوفيق للزعيم تحت كل سماء وفوق كل ارض |
إقتباس:
العزيمه وانا اخوك والا الهلال يلعب 120 دقيقه ولاتشوف له خطوره |
صح لسانكـ شاعر الهلال ابدعت في الوصف والله هذا حالنا جميعا صح لسانكـ لاهنت |
صح لسانك ,,,, بردت القلب .... بيض الله وجهك . |
صــــــــــح لســــــــــــآنك الهـلآل لآ تع‘ـلييييق !!؟ |
صح لسانك ياخوي سليمان بس والله قهر اشباة لاعبين قاعدين يلعبون لانفسهم الا اميرنا يعطي كل لاعب 100000ريال عشان يفوز على ام صلال والله حرام الدوري جائزته 150000ريال ومافازو بعد |
صح لسانـــــك .. وقصيــدة معبرة .. وجزلة .. والله انها تحكي الوااقع الله يقويك .. يا بعد حيي .. تحيتي |
صح لساااانك آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآه |
صــــــــــــــــــــح لــــســـــانـــــــــك يا شاعرنا اااااااااااااااااااااااااااااااااااااااااااااااااااااااااااااااااااااااااه يا هلال |
صح لسانك والله حراااااااام اللي قاعد يصير لايمثلوون الهلال بصله بلا روح وبلا حماس وبلامجهووود آآآآآآآآآه بس ملايين تصرف لناس لاتقدرولاتستاهل .. |
إقتباس:
وعسى ربي يوفق الهلال |
إقتباس:
نعذر ونقدر لكن للامانه امس ماقدرت اتقبل الهزيمه لاني حسيت باشياء خارج القدرات الفنيه |
رووووووووووووووووعة ما شاء الله .. قصيدة حكت واقع المباراة .. وحكت واقع بعض اللاعبين الاستفزازي.! شكراً شاعرنا . |
الوقت المعتمد في المنتدى بتوقيت جرينتش +3.
الوقت الان » 11:10 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd