|
لا للتجديد للتائب .. والفريق بحاجه لغربله .. حكمو العقل .. بسم الله الرحمن الرحيم .. السلام عليكم ورحمة الله وبركاته .. عشاق نادي الهلال الكرام .. هارد لك على الخساره جميعاً .. وفقدان حلم الفوز بالبطوله الاسيويه .. نعم اصبح حلماً بعد ما كان واقعاً ايام جيل الهلال الرائع .. ايام التسعينات وبداية القرن الجديد .. عموماً ما ابي اطول عليكم وادخل بالموضوع مباشره :) .. حقيقه لابد ان يعيها الجمهور الهلالي .. ان طارق التائب انتهى ..؟! مثله مثل اي شي بالدنيا له عمر زمني معين وينتهي .. هذا طارق التائب انتهى فنياً .. والدليل مباراة الحسم البارحه .. ما راح اقول طارق التائب مهوب لاعب حسم .. بالعكس اطربنا وامتعنا في المواسم السابقه .. اما هذا الموسم لم يفعل شيء يذكر ..؟! كل اللي سواه طارق هذا الموسم هو في نهاية الموسم وفي مباريات معدوده بعد ابدع بقدر ما يستطيع .. اتوقع ان هذا الابداع لم يأتي عبثاً بالعكس توقعي الشخصي ان طارق ابدع لكي يحرج الاداره الهلاليه امام جماهيرها ( العاطفيه واللي تدور على اللاعب اللي يرقص له كم لاعب قدامه عشان تصايح عليه وتنطرب ..؟! و بعض الجمهورمع احترامي الشديد له اقل ما يقال عنه انه يفتقد للفكر الكروي << وهذا الكلام ينطبق على المطالبين ببقاء التائب .. ) وبالفعل نجح طارق التائب في هذا الشي وابدع في بعض مباريات نهاية الموسم وجعل الجماهير تطالب ببقاءه وتترجى الاداره في ذالك .. وبالعكس بعضهم قال يتغيرون جميع الاجانب المحترفين الا التائب ثابت .. رغم ايقافه 75 يوم الموسم الجاي .. الا ان البعض يطالب فيه وعادي عنده تفرط الاداره بمقعد محترف عشان تتنضر حضرة طارق التائب يخلص من عقوبته ..؟! وهذا الشي احرج الاداره وخلاها فعليا تخاطب التائب للتجديد معه حال انتهائه من العقوبه .. طارق التايب لاعب كبير في العمر وفوق كذا كثرة اصاباته وايقافاته .. وامس المباراة كانت تحتاج للاعبين اللي يلعبون من لمسه وحده لان فريق ام صلال مقفل ..؟! ومع ذالك الكل يتفنن باللعب ..؟! واولهم التايب .. الجمهور الهلالي مشكلته يرفع لاعب سماء خلاص يكون منزه وما ننتقده ..؟! الكل تحت النقد ومافيه شخص بالدنيا فوقه .. الا عند بعض الجماهير الهلاليه ياسر والتايب وغيرهم من اللاعبين المحببين للجماهير تطلع لهم الاعذار وغيرها من الكلام الفاضي اذا انخفض مستواهم سواء زيادة وزن وغيرها ..؟! وفي الاخير اللاعب لا يبدع في اي مباراة لان وراه جمهور يدافع عنه ..؟! اما اللاعبين المغضوب عليهم من قبل الجماهير كنامي او المفرج .. فهذولي لو يجيبون اهداف تجيب كؤوس منتقدينهم منتقدينهم في اي خطأ او انخفاض في مستواهم ..؟! ** عموما الفريق يحتاج لغربله .. ويحتاج لتصعيد شباب النادي ويحتاج الفريق الى ان الادارة تتعامل مع اللاعبين بمبدأ سوي .. وان مافيه لاعب نجم يلعب مباراة كامله لو مستواه ضعيف .. ولازم يفهم المدرب الجديد جيرتس هذا الشي ان جميع اللاعبين تحت تصرفه وبامكانه اجلاس من يشاء على دكة البدلاء .. بغض النضر عن اسمه ومن هو .. ** بالنسبه لطارق التائب وحادثته امس مع الصويلح .. صحيح ان الصويلح اخطأ .. لاكن ردة فعل طارق كانت ازود من اللازم وهذي من الاشياء اللي تؤخذ على طارق .. غير استهتاره بالبلنتي .. ختاماً .. ارجو التوفيق للهلال في قادم الايام .. وعلى الامير الشاعر ان يعمل بمبدأ الثواب والعقاب .. سلام .. |
سبحان الله للعلم بعض الجماهير قبل 20 ساعة فقط كانت تقول الا طارق و الان ما نبي طارق انا من وجهة نظري ما الوم طارق امس و اللي حاضرين الملعب يعرفون ليش امس اذا جات الكورة لطارق تبي تشوف ياسر يفتح له لانه هو المهاجم الوحيد لكن ..........ما له حيل يتحرك صحيح ان طارق كان سئ لكن لو كان مكانه ميسي ما بيسوي شئ لان الفريق كله كان باااااااارد و يلعبون على الواقف |
وانت صااادق في كل كلمه قلتهااا طارق انتهى لو انه لاعب امس على اساس انها المباراه الاخيره الي بيلعبها كاان بدع لاكن مستوااه كان مررره عادي هاذا هو طارق في مباريات الحسم مااايطلع |
انتم وش فيكم كذا امس طارق طارق طارق طارق والحين لاللتجديد مع طارق .. والله هذا اللي باقي مايجددون للتايب عشانك :) اللهم لاتؤاخذنا بمافعل السفهاء منآ |
الاخ الموقر .. العضو الماسي :) .. هاردلك اولاً .. ثانياً امس سمعنا الجمهور تهتف باسم طارق التائب وكانه الهلال هو طارق وطارق هو الهلال للاسف جماهير الهلال رفعت التائب اكثر مما رفعت الجماهير الهلاليه يوسف الثنيان ايام عز الثنيان والهلال ..؟! عموما نرجع لموضوعك .. شخصياً ما كنت اكتب اي رد او اي موضوع بالمنتدى لانه الصراحه الاعضاء كثار واكثر الردود تجيب للواحد الغثيان ..؟! وانا هلالي ضرماء من يوم اعلنو ايقاف التايب قبل فتره واللي اوقف فيها التايب كنت اتمنى الهلاليين ما يجددون معه ابد .. وبعدين التايب دخل فكر جديد على اللاعبين الهلاليين وهو التفنن الزايد عن حده والانانيه باللعب ..؟! صحيح يمتلك مهاره لاكن ما يوضفها لخدمة الفريق .. شوف امهر لاعب حالي بالعالم ميسي وكرستيانو المان .. وهذولي اللاعبين مشاء الله عليهم مهاره وفوق كذا مهارتهم خادمه الفريق وهذا الاهم .. وش استفيد بلاعب يستلم لي عشر كور ويمرر النص منها صحيحه فقط والاغلبيه باص عيون وتنقطع ..؟! وبلنتي امس يكفي عشان نقول للتائب يكفي استهتار حتى بالبلنتي ..؟! لو نسوي احصائيه لكم استلم التايب وسلم صدقني راح تكون هذي مو من مصلحة التايب ..؟! سلام على عشاق الباص عيون .. شكله بيصير مع الوقت خط البلده مو باص عيون ..؟! |
غريب جمهور الهلال يوم جدد مع طارق والحين لاتجددون للطارق ترى طارق انسان مو الة تتحكمون فيها امس ام صلال مقفلين ماعندهم هجوم ماقدر طارق يسوي شي تذكرو مباراة بختاكور هذيك المباراة قلتو جدو مع طارق والحين |
لابد من التصفية صراحة كانت واضحة الروح الإنهزامية بدون مجاملة الاعيبة الأجانب في الهلال لايعملون فااارق بإستثناء رادوي لابد من تسريح البقية بالنسبة للمحليين لا بد من تسريح النامي الخثران الغامدي المبارك الصويلح الشلهوب سواء إعارة أوفوق البيعة والله من أول 10 دقائق قال لي زميلي النتيجة 1 بصعوبة أو ركلات ترجيح وذلك لروح الإنهزامية عند الاعيبة صرااااحة البطولة بدلاً عنها بطولة بس ماتسوى تزعلون من صرف عليكم وتعب من أجلنا وأجلكم بإختصار ما تستأهلون ما عندنا هجووووووووم |
حسبي الله ونعم الوكيل عليهم اشباه الاعبين لابد من التصفيه |
مشكلة الهلال من فتره طويله .. والاسماء هي الاسماء ..؟! اللهم اضافه فقط في الدفاع المرشدي وهوساوي .. والا الدفاع سابقاً كان ثابت ايام المفرج .. الحين علنا بخط الوسط ..؟! شباب الهلال فيه لاعبين على مستوى عالي كالدوسري ونواف العابد والفريدي وغيرهم الكثير .. ومع ذالك نجد الشلهوب رغم انخفاض مستواه والخثران رغم كبر سنه وثبات طريقة لعبه وانا شخصياً حفظت الطريقه اللي يلعب فيها ..؟! اما الهجوم حدث ولا حرج لا يوجد هجوم يوازي ياسر .. ومع ذالك المحترفين اغلبهم بخط الوسط ..؟! اما ياسر انخفض مستواه وبقي في مكانه لم يغير وللاسف فريق بحجم الهلال لا يجد مهاجم سيد خانة القحطاني .. اشوى المحياني جاء الحين والله يوفقه مع انه اصيب بالمعسكر ..؟! فريق كالهلال لازم الاساسيين والاحتياط مستوياتهم متقاربه .. وبس .. سلام .. |
لو فاز الهلال اكيد بتقولون طارق مبدع والفريق ممتاز وووووو لكن لما خسر ؟؟؟؟؟؟؟؟ لازم انتقبل الفوز والخسارة هاي كرة قدم |
طيب لو فاز الهلال بركلات الترجيح وش راح تقول ؟؟؟ |
انت فاقد عقلك أجل طارق ماعنده احد اقووول اثنيين بيض مقلي كثر الشطه قال التائب انتي قال |
إقتباس:
الجمهور الهلالي العاطفي .. اللي بعضهم ما لحق على عز الهلال وجيل التسعينات الذهبي .. عشان كذا ينبسط لين شاف التايب ينطل لي بلاعب نصراوي والا لاعب وحداوي ..؟! حبيب قلبي شف كم التايب في لمواسم اللي قضاها معنا استلم من كوره وسلم الكوره صح ..؟! اذا جت النسبه انه سلم 40% من مجمل الكرات المتحركه اللي استلمها لك اللي تبي .. سلام .. |
بلو هارت .. عفواً بيصير مشقه عليك انك تجمع احصائيه استلام وتسليم التايب للمواسم اللي قضاها معنا :) .. ابخفف الموضوع عليك شف لي آخر عشر مباريات لعبها التائب كم استلم وكم سلم صح .. والنسبه هي هي ما تغيرت .. ولك معرفي هديه تسوي فيه اللي تبي اذا طلع مسلم 40 % من الكرات اللي استلمها .. سلام .. |
التايب واجه ظروف هالموسم ما خلته يظهر الا بالنهاية ولما ظهر في الكم مباراة مثل ما تقولها حسمها نظرتكم للتايب انه لاعب مهارات فقط !! طالع مباراة بختاكوع وشوف من الي قاد الهلال للفوز واهانة بختاكور فيها !! ومباراة الاهلي الاماراتي راجع المبارات قبل بعدين قول انتهى :) تدري من اللاعب الي انتهى ؟ بكل صراحه ياسر القحطاني هو الي انتهى شف كم هدف له هالموسم مقارنة بالهاجمين الاخرين ؟ الشمراني - هزازي - السعران < حتى اللاعب الي ظهر في اخر الموسم جايب اهداف مع فريقه اكثر من ياسر بهالموسم خل نقدك في مكانه مباراة امس تقول طارق وينه ؟ عيد المباراة وشوف وش سوا طارق وفتح عيونك عدل تحياتي للعقلاء |
| الوقت المعتمد في المنتدى بتوقيت جرينتش +3.
الوقت الان » 05:09 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd