العين ثم الشارقة ثم الكويت ثم الوحدة والآن أم صـــــــــــــــلال!!!!!!!

بعد أن كنا ندك الفرق الخليجية عن بكرة أبيها بالثلاثة والأربعة والخمسة والستة صرنا مسخرة ومهزلة في آسيا بعد أن كنا أسيادها لـ12 سنة صرنا صفر وعلى الشمال؟؟؟؟؟؟؟؟؟؟؟؟

لكل مشجع هلالي عاصر الأبطال والأساطير التي (أنجبها الهلال) وحققت بطولات آسيا كلها وبمختلف مسمياتها , أوجه رسالتي له وبقية المشجعين الجدد ليعذروني فأنا لاأحتمل مناقشة سوى من هم في سني أو أكبر مني ..

-منذ متى والهلال يخرج من الأدوار التمهيدية ومن دور الـ16 ؟؟؟؟

-منذ متى والهلال يعجز ان يلد ولو نصف نجم مع العلم أن من أنجبهم الهلال مؤخراً يقبعون في الدكة؟؟؟

- منذ متى ونحن نهتف للاعب حتى لو لم يفد الفريق في أي مباراة حاسمة وأكرر (حاااااااااسمة) ونسخر من لاعب مجتهد ولكن روحه تكفي ألف لاعب؟؟؟

- منذ متى كان لذاك اللاعب جمهور ومعجبات وللآخر جمهور ومعجبات يطبلون لهم ويرفعونهم درجات ليسوا كفؤاً لها لا ورب الكعبة لايستحقون ماوجدوا من شلل المراهقين والمراهقات؟؟؟؟؟

- منذ متى نهتف لمستهترين مثل التايب وياسر ونتجاهل نجم هو الأول بلامنازع مثل أسامة هوساوي؟؟؟؟؟؟؟؟؟؟

- منذ متى ونحن تلقى الإهانات من فرق صغيرة في استاد الملك فهد الذي حققنا فيه المعجزات؟؟؟؟

- منذ متى وهذا العملاق الأزرق يرتجي من أنصاف لاعبين أن يحققوا ماحققه سامي ويوسف والبقية الخالدة الماجدة في عقولنا وقلوبنا؟؟؟؟؟

- منذ متى والكل يحلل وينتقد ويتناسى أن الخلل والعيب في أشباح تلبس شعار الزعيم؟؟؟

- منذ متى وأنا أغادر الملعب ورأسي ليس مرفوعاً مزهواً بزعيم نصف الكرة الأرضية؟؟


سأجيب عن تساؤلاتي كما أرى :

- منذ أن حضرت الطيور المهاجرة الباحثة عن المال والشهرة .

- منذ أن طبل المراهقين للاعبين همهم الأخير مصلحة النادي وفرحة الجمهور.

- منذ أن أحضرنا محترفين (مهرجين) يلعبون باستعراض حتى في ركلات الترجيح؟؟؟

- منذ أن بدأ عرق المثالية ينبض في جنبات الإدارة ومن فيها؟؟؟؟

- منذ أن هجر الجمهور المدرجات وأصبحنا نكتفي بملء الواجهة فقط!!!!!!

- منذ أن بدأ جيل المشجعين الجدد برفع شأن من خذلونا مرارا وتكرارا ( تصاميم وصور وملصقات وأحبك واموت فيك) ويفداك مليون كرت أحمر ويفداك مليون بلنتي والدفاع عن سوء أخلاق بعضهم والتباكي على أنهم ظُلموا ؟؟؟؟؟؟

- منذ أن رأيت ردود أطفال على بعض قدامى المشجعين في بعض المواضيع واتهامهم بأنهم (مندسين)؟؟؟؟؟؟؟؟؟؟؟؟

- منذ ومنذ ومنذ ومنذ ومنذ ومنذ ومنذ ......................
إلى أن أصبح الهلال الشامخ هلال آسيا وزعيمها ونادي القرن فيها , دمية صغيرة يلعب بها من لاروح ولا ضمير أزرق في داخلهم ...

وللأسف لم تكتب لك ياهـــــــــــــــــــلال فقد أصبحت مع نجوم الصحافة

أطـــــــــــــــــــــــــــــــــــــــــــــــــــلال ..


وحسبنا الله على من تسبب بهذه المهزلة من داخل النادي ومن خارجه ..




....

قسم تقييم المشاركات والا قسم تقليم المشاركات؟؟؟؟؟؟؟؟؟؟؟؟

وينكم من الفقراوي اللي دخل يسب ويشمت ويلعن والا ماشفتوه !!!!!!

أبي أفهم وش معنى تقييم وكيف نشرتوا موضوعه وكانت الساعة تقريباً 3 الفجر ؟؟؟؟؟

أتفق معك في طرحك

ومحمد الدعيع يتحمل جزء من المسؤولية برفضه التغيير

الكابتنية يجب أن تسحب منه

إقتباس الرسالة الأصلية كتبت بواسطة 9هلالي مالك ومالي9 قسم تقييم المشاركات والا قسم تقليم المشاركات؟؟؟؟؟؟؟؟؟؟؟؟ وينكم من الفقراوي اللي دخل يسب ويشمت ويلعن والا ماشفتوه !!!!!! أبي أفهم وش معنى تقييم وكيف نشرتوا موضوعه وكانت الساعة تقريباً 3 الفجر ؟؟؟؟؟

انت نموذج لاحد جماهير العاطفه


الاا والله ان كلامه صحيح لاعبين همهم الاول والاخير المال والشهرهه زيهم زي البنات


الا اساااااااامه هوساوي


ذبحهم الدلع والخقخقه

الجواب:

منذ ان استلم سلطان ونواف رئاسة الشباب.

سؤال........ الشلهوب اضاع ايضا؟؟؟؟؟؟؟؟ لماذا طارق يلام فقط؟؟؟؟؟؟؟؟؟؟؟؟
وهل نستوعب ان مشكلتنا هجوميه بحته..... وبالغاء وجود طارق لنا هجمتين فقط
ياسر يجلي ويضحك ؟؟؟

يا ناس وشفيكم على الفريق ترا اللي مر على الهلال من أزمات يكفيه ما قدمه وأنا أثبتلك

بالله عليك لو كان كوزمن موجود كان لعب بمهاجمين بدلاً من تغيير تنشيطي واللعب بمهاجم واحد طول المبارات مع العلم أن أم صلال

مسكر ملعبه وشتبي من ياسر وهو مراقب من ثلاثة لاعبين تبيه يطير علشان يجيب هدف الخلل في الظروف اللي يمر فيها الهلال

ولازم نسلم للأمر الواقع ونقول فوز أم صلال حظ واتركونا من تشريح الفريق في كل خسارة . عيب عليكم والله عيب

الفريق واللاعبين مو ناقصهم اللي تسون فيهم

المشجع المخلص لناديه ولاعبيه معاه في الشده قبل الرخاء

سويتم زحمة على بلنتي طارق ولا أحد تكلم عن فرض سول والنامي على التشكيلة الهلالية ولا عن إضاعة الشلهوب فرصة العمر اللي تفلسف فيها لدرجة أنه فكر في الكبري قبل الهدف هذا غير ضربة الترجيح اللي أضاعها وكأنه يمررها للحارس

يعني معليش شوية واقعيه يا جمهور الفوز

دلع اداري عمري ماشفته
ذا نادي كوره ماهو منتجع سياحي
المثاليه دمرتنا
ارحلوووووووووووو

مشكووور


الله يعين



تيحيتي لك

إقتباس الرسالة الأصلية كتبت بواسطة كاسرهم انت نموذج لاحد جماهير العاطفه الاا والله ان كلامه صحيح لاعبين همهم الاول والاخير المال والشهرهه زيهم زي البنات الا اساااااااامه هوساوي ذبحهم الدلع والخقخقه

مافهمت وش تقصد بالإقتباس هــــذا أنا كنت أتكلم عن قسم التقييم في ردي هـــذا وأتمنى تقرأ موضوعي مرة ثانية

,,,,,,,,,,,,,,,,,,, لاتعليق آآآآآآآآآآآآآآآآآآ ه ه ه يالقهر ام صلال ( السيده ) طلعتنى ’

إقتباس الرسالة الأصلية كتبت بواسطة كوزمن الرياض يا ناس وشفيكم على الفريق ترا اللي مر على الهلال من أزمات يكفيه ما قدمه وأنا أثبتلك بالله عليك لو كان كوزمن موجود كان لعب بمهاجمين بدلاً من تغيير تنشيطي واللعب بمهاجم واحد طول المبارات مع العلم أن أم صلال مسكر ملعبه وشتبي من ياسر وهو مراقب من ثلاثة لاعبين تبيه يطير علشان يجيب هدف الخلل في الظروف اللي يمر فيها الهلال ولازم نسلم للأمر الواقع ونقول فوز أم صلال حظ واتركونا من تشريح الفريق في كل خسارة . عيب عليكم والله عيب الفريق واللاعبين مو ناقصهم اللي تسون فيهم المشجع المخلص لناديه ولاعبيه معاه في الشده قبل الرخاء

مخلصين لفريقنا من قبل ينولد ياسر الدلوعة والمهرج التايب وبقية فريق المهزلة ماحنا مثل نادي الفقر وجماهيره نقعد نطبل لفلان وعلان لين صاروا من أضعف الفرق من كل النواحي والعيب اللي تقول عنه هو التحيز اللي قاعد يصير تجاه بعض اللاعبين اللي ذكرتهم من تكون يالتايب الخايب حتى تلعب بأعصابنا أنت وياسر اللي أخذ فوق حجمه وهللتوا له لين صار مايهمه شي لأنه عارف إن وراه جماهير لاعب مو جماهير نادي بأكمله وإذا قعد يتسدح ويتمرقع في الملعب فراح يعذرونه بحجج واهية مالها طعم ولالون والظروف اللي يمر فيها بزعمكم هو السبب فيها ومحد تبلى عليه ولا أحد جبره يسوي اللي سواه وبعدين يتباكى ويتباكون بقية جماهير ياسر معه؟؟؟؟؟؟

لاعاطفة ولا يحزنون ..... الهلال ضاااااااااااااااااااااايع بأشباه اللاعبين اللي للأسف دوليين وكنا نظنهم تشبعوا بثقافة احترام الخصم أيا كان لكن طلعوا متشبعين من البطولات (المحلية) وماهم كفو بطولات آسيوية لأن أبطال الزعيم وأبناءه الحقيقيين رحلوا وصرنا تحت رحمة باحثي الشهرة والمال والفلاشات وصياح مراهقي المدرجات على الكباري التي لاتجلب بطولات ولا تأتي إلا بالمذلة ..