|
الداهية ترووك.. الوايت والحاره الكئيبه.. سواق 10 نجوم . السلام عليكم ورحمه الله وبركاته هلا وغلا بجميع الاعضاء فردا فردا :d كــــــــيف حالكم ؟؟ عساكم مبسوطين خـلونا نبدأ بالوضوع على طول :d * * * طبعاا أنـا ياأخوان عندي أخــو مبهذلنا في حياتنا :razz: في كل مكان نروحله لازم يبهذلنا مايعطي نفسه فرصه للراحه 24 ساعه لعب في لعب طبعا ماشاء الله علـيهـ طفل مغامر وذكي بنفس الوقت عمره ماتعدى سنتين ونص مرره كنـّـا مسافرين لدبي وسكنـّـا بفدنق والدور الأرضـي فيـه مسبح وعـاد هوو لازم يوميـــاا يطب في المسبح :d ولايخاف عكس الاطفال الثانين تلقاهم مرعوبين وخايفين اما هذا لا طبعا لازم اكون انا معاه لانـه صعبه يسبح لحاله وعلى هالحاله من أول مايصبح الين مايمسي وهو بس في المسبح ومرره رحنا سـوق مجمع بجده وهناك في سلم كهربائي عاد هو من عشاق هالــسلم :d لازم يطلع وينزل اقل شيء خمس مرات ومايبي احد يكون معاه مره كان بينزل من الدرج وانا وواحد من اقاربي معي وقريبي كان ماسك اخوي ويبي ينزل معاه وانا وراهم ويوم نزل جاء اخوي دفه ورجع :d وقريبي نزل ويوم انا كنت بنزل سوا نفس الحركه بس رجعتله ومات من الصياح :s2:>>يستاهل _______ وفــوق كل هذاا يـلعب كـوره واذا شاف مباراه واحد جاب قول يقووم ينقز ويقوول : قووووووووووووول هو مايشجع أحـد بس أهم شيء أحد يجيب قـول :d ولازم كل مامرينا للبــقاله يشتري كوره يعشق الكوره وداايماا كل مارحنا مطعم ..سوق..أي مكان لازم يبهذلنا جاابلنــــا الصمرقع :s2: طـــبعاا الواد هذا داهـــيــه مش ممــــــــكن ..!! (اذا كان عندكم موقف مع اخوانكم او اقاربكم الاطفال اسدحوها فيذا):d (اللي خـلاني اكتب عنه بالموضوع موقف صارلي معاه ماله داعي اذكره :d * * * * * الا ياعالم وش قصـــه هالمـــويـه مقطعــوعه واذا سألناهم قالواا أزمــه واذا طلبنا وايت مايجي ويمكن يتكرم ويجيكـ بعد يومين ثلاث عـاد هو ومزاجه طال عمره :bx: والله حنــّــا ياللي سـاكنين بشمال الرياض وبالتحديد الربيع والغدير والصحافه مظلومين سياسيا واقتصاديــا وعالميــّـا :laugh: الحواري اللي هناك كئيبه وتجيب الملل كـأنكـ داخل حـاره مسكونه ولمبات الحي ماتولع الا كم ويوم بالأسبوع والباقي منطفيه ونهايه الأسبوع الاربعاء والخميس عندنا مخطط فاضي واراضي فضاء تلقى خلق الله باسطين واللي يشوى على بالهم بر :ap: والله انه اقربلهم من انه يضرب مشـوار للثمامه. * * * * * الحين ماشاء الله على هالسواويق تلقاهم في ديرتهم عمرهم ماساقوا ولا شافوا سياره مايسوقون الا ام عجله وحده اللي تنقل الرمل :d ويجيك هنا يســوق أفــخم وأرقى أنـــواع السيارات مثل: اسكـاليد - دينالي - اكسبدشن وغيرها من السيارات الفخمه والله أنــي انقهر اذا شفتهم على هالسيارات مره كنت داخل مطعم وأشــوف دينالي ماشاء الله تبارك الله فخمه وينزل منها طال عمره السواق:ap: ويفتح الباب بكل ثــقه وأعـــتزاز بالــنفس ويدخل ويجلس عالكـــرسي ويحط رجل على رجل . وبعض الأحــيان تلقى السواق اذا استلم سياره جديده وفخمه يركب اخوياه البنغاليه وياخذهم لفه ويعزمهم على أحـلى بخـاري ب 10 ريال:ap: وواحد من اخوياي يسولفلي يقول: كان عندنا سواق مصري وسبب مشكله مع أبوي وجاء ابوي قال للسواق عطني مفتاح السياره جاء السواق قال : لا السياره هي حقتي ومش حأعطـيك المفتاح ويقول: السواق قعد شوي ويصيح ويقول انا مسكين ولا عندي فلوس وامي تعبانه وابوي مريض ومن هالكــلام .. عاد هم سامحووه واشتغل معهم ازين من اول * * * * * أنا ياشباب قدر الله علي ودرست في مدرسه فيها مدرس مسوي نفســه ظريف وخبل :d المدرس يدرس نــحو المهم قاعدين نسولف معه وجاء واحد قاله: ياأسـتاذ انت تـاكل من بيــت الشوايـه رد عليه الأسـتاذ: وأنــت وش شايفني مهبول ولا ديناصور عشان آكـل بيت الشوايه واذا اكلت بيت الشوايه الشوايه يقعدون بدون بــيــت هههههه ....:bx: شفتوا بس قمه الظرافه وثقاله الدم ومره كان يسولف عن المسلسلات الكرتونيه وكان يتكلم عن الكابتن ماجـد يقول: والله انهم مهابيل الكابتن ماجد اذا جو يبون يشوتون دبل يقعدون ساعتين متعلقين بالهواء ويفكرون يوم كانوا صغار :d>>>قايلكم انه ظريف ويقول: بعدين وش هالكوره اللي تقشع الزرع ...:laugh: وجاء واحد سأله: افاا هذا كبرك وتتابع هالمسلسلات رد عليه المدرس: وش أسوي عيالي مبهذليني كل ماقعدت يفتحون على هالقنوات . وبـــس عــاد اسمحلونا اذا طولنا عليكم واخذنا من وقتكم أخـوكم عبدالله :rose::rose: |
مدرسك النحو اسمه عساف ؟:d .. الله يحفظ لك اخوانك ويمطرنا واياكم مطراً سحّاً غدقاً ^_^ |
إقتباس:
ويحفظلك اخوانك واهلكــ منور الموضوع بتواجدكـ :rose::rose: |
إقتباس:
حضرتك مطنشها ومنت معطيها اي اعتبار... ليش ماتذكرها مع طاري السيارات الفخمة :ranting: اسمع يالموذي.. ماراح اعلق حتى تقول لنا وشو الموقف اللي صار لك مع اخوك وما ودك تقوله :naughty::d |
مشاء الله عليك اخوهـ له مستقبل ان شاء الله بشئ فيه نشاط والله يحفظه لكم وان جيت للماي لاتخاف موب بس انتوا :to: اما بخصوص الموقف مع المدرس انا اليوم صار لي موقف مع الوكيل :ap: كانت برادة الماي على وشك النهايه .. في واحد جنبي يقوله حطوا عصير بدل الماي .. يقول تبي الربيع ولا ريتا :ap: انا قلت له لاذا ولا ذا فيمتو ابرك ,, والوكيل يقول خلاص وانتوا شوفوا ان كان حالي ولا ماصخ وقولوا لنا < مسوي ينكت بس مش مناسب:to: وشكريا على هيك قصه |
إقتباس:
والله كـــل شيء الا زعـــلك وأهم شيء انك تعلق عالموضوع وبخصوص السيارات ولايهمك افخمها ( الكامري و الاوريون واللكزس):d وموقفي مع أخــوي عشانكـ بقوله :razz: ( أخذ جــوالي ورمـــاه وانكــسر عـاد انا حمقت عـليه وجـاء أخذ العـصا وانا مدري وصقعني فــيه بس ان شاء الله بردها له):d منور الصفحه بتواجدك فهد :rose::rose::rose::rose: |
إقتباس:
وكيلكم ذاا معـليش قله تراك تافه :d منور الصفحه بتواجدكـ :rose: |
إقتباس:
مزدي بشّر عاد.. طلع براسك صعرور :s2: حرام بالله ماتردها لا اجيك فازع معه ههههههههههههههههههههه لاهنت عبودي على سعة الصدر :smilie47: |
إقتباس:
لا الحمدلله مـاطلع شيء :s2: مـنور الموضوع فــهد بتواجدكــ :rose::rose::rose: |
إقتباس:
وعليكم السسسسسلام والرحممممه .. < من قوة اللقافه توه يرد السسلام .. :wub: الصغار كذآآ قبل لا توديه مشوار وتاخذه معك موؤدب ولا أحسسسن منه ,, وأذا أبعدت عن البيت وضمن أنك مافيه أمل ترجع بهذلك .. :mad: , , أما سسسالفة الموويه الله يعينكم يا أهل الرياض ..:no: , , وعلى سالفة السواقين والسسيارات اللي تجي معهم ,, عندنا يمني في المزرعه مع ددسن موديل 77 :d ,, وكااشخ فيه .. بس كان تحفه هالانسسان كل فتره ينحااش ويتصل على أبوي يسسلم .. :d ,, والله أنه ينحااش لأخويه مدري وين يخزن قاات يومين ويرجع ,, ولا يقول له ابوي شي لانه أنسسان يششتغل ما شاء الله عليه ويقوم بكل شي ,, عاد أبوي مل من كثثر ماينحاش أخر شي قال له أزرع لك قات في المزرعه ولا تنحااش وتتعب عمرك .. :d ,, بس أجودي راح اشتغل عند ناس ثانيه بس يجي كل فتره يسلم على أبوي :d , , خلاص مششوار أكتب عن أيام الدراسسسه ,, تعبت :to: .. الله يخلي لك أخوانك وأهلك ويعطيك العافيه على الموضوع ... :rose: :smilie47: |
إقتباس:
الموقف ذكرته صدقت والله الصغار احسن ناس قبل مايطلعون بس خلهم يدخلون البيت وتشوف الفن والطرب :d منور الصفحه بردكــ:rose::rose: |
والا على طاري البزران >> شفيه الكبيـــر :d يسدحلـــكـــمــ سالفه اخو واحد خويي كانو يحبوووون كودو وعاد اخونا بالله حفظ الرقم وكل مايدق عليهم يقولهم مطعم مثلث ؟؟!! :d |
هلا وغلا اخوي عبد الله :clapping: موضوع جميل ومككتل :d بالنسبة للاطفال سبحان الله عندي ولد اخو اسمه فارس ذكي ومكار في نفس الوقت :s2: اذا جلست معه انواع الضحك :d بس المشكلة ما اذكر شي منها اللحين :to: الله يحفظ جميع الاطفال ويخليهم لاهلهم :yes: بعدين دينالي هذي وش تطلع :s2: اقصد شكلها كيف مثل الكامري :d شكرا عبد الله :smilie47: |
إقتباس:
ماتعرف الدينالي ؟؟ هذي الله يسلمك ( يوكون ) بس ( ولد شيوخ ) :d |
والله ياعبودي يالغالي أنت شكلك تعاني من تشتت ذهني :D والظاهر انك شتتنا معك :D أو انك تجمع مواقفك من اسبوع وجيت كتبتهن مره وحده :D بس لايهمونك ترا موضوعك يهبل :D وأزين مافيه ألوانه :D ميغسي خيو |
| الوقت المعتمد في المنتدى بتوقيت جرينتش +3.
الوقت الان » 01:18 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd