منتدى المجلس العام لمناقشة المواضيع العامه التي لا تتعلق بالرياضة
24/05/2009, 08:47 PM
زعيــم نشيــط
تاريخ التسجيل: 05/05/2007
المكان: الطياره
مشاركات: 756
الداهية ترووك.. الوايت والحاره الكئيبه.. سواق 10 نجوم .
السلام عليكم ورحمه الله وبركاته هلا وغلا بجميع الاعضاء فردا فردا كــــــــيف حالكم ؟؟ عساكم مبسوطين خـلونا نبدأ بالوضوع على طول
*
*
*
طبعاا أنـا ياأخوان عندي أخــو مبهذلنا في حياتنا في كل مكان نروحله لازم يبهذلنا مايعطي نفسه فرصه للراحه 24 ساعه لعب في لعب طبعا ماشاء الله علـيهـ طفل مغامر وذكي بنفس الوقت عمره ماتعدى سنتين ونص مرره كنـّـا مسافرين لدبي وسكنـّـا بفدنق والدور الأرضـي فيـه مسبح وعـاد هوو لازم يوميـــاا يطب في المسبح ولايخاف عكس الاطفال الثانين تلقاهم مرعوبين وخايفين اما هذا لا طبعا لازم اكون انا معاه لانـه صعبه يسبح لحاله وعلى هالحاله من أول مايصبح الين مايمسي وهو بس في المسبح ومرره رحنا سـوق مجمع بجده وهناك في سلم كهربائي عاد هو من عشاق هالــسلم لازم يطلع وينزل اقل شيء خمس مرات ومايبي احد يكون معاه مره كان بينزل من الدرج وانا وواحد من اقاربي معي وقريبي كان ماسك اخوي ويبي ينزل معاه وانا وراهم ويوم نزل جاء اخوي دفه ورجع وقريبي نزل ويوم انا كنت بنزل سوا نفس الحركه بس رجعتله ومات من الصياح >>يستاهل _______ وفــوق كل هذاا يـلعب كـوره واذا شاف مباراه واحد جاب قول يقووم ينقز ويقوول : قووووووووووووول هو مايشجع أحـد بس أهم شيء أحد يجيب قـول ولازم كل مامرينا للبــقاله يشتري كوره يعشق الكوره وداايماا كل مارحنا مطعم ..سوق..أي مكان لازم يبهذلنا جاابلنــــا الصمرقع طـــبعاا الواد هذا داهـــيــه مش ممــــــــكن ..!! (اذا كان عندكم موقف مع اخوانكم او اقاربكم الاطفال اسدحوها فيذا) (اللي خـلاني اكتب عنه بالموضوع موقف صارلي معاه ماله داعي اذكره
*
*
*
*
*
الا ياعالم وش قصـــه هالمـــويـه مقطعــوعه واذا سألناهم قالواا أزمــه واذا طلبنا وايت مايجي ويمكن يتكرم ويجيكـ بعد يومين ثلاث عـاد هو ومزاجه طال عمره والله حنــّــا ياللي سـاكنين بشمال الرياض وبالتحديد الربيع والغدير والصحافه مظلومين سياسيا واقتصاديــا وعالميــّـا الحواري اللي هناك كئيبه وتجيب الملل كـأنكـ داخل حـاره مسكونه ولمبات الحي ماتولع الا كم ويوم بالأسبوع والباقي منطفيه ونهايه الأسبوع الاربعاء والخميس عندنا مخطط فاضي واراضي فضاء تلقى خلق الله باسطين واللي يشوى على بالهم بر والله انه اقربلهم من انه يضرب مشـوار للثمامه.
*
*
*
*
*
الحين ماشاء الله على هالسواويق تلقاهم في ديرتهم عمرهم ماساقوا ولا شافوا سياره مايسوقون الا ام عجله وحده اللي تنقل الرمل ويجيك هنا يســوق أفــخم وأرقى أنـــواع السيارات مثل: اسكـاليد - دينالي - اكسبدشن وغيرها من السيارات الفخمه والله أنــي انقهر اذا شفتهم على هالسيارات مره كنت داخل مطعم وأشــوف دينالي ماشاء الله تبارك الله فخمه وينزل منها طال عمره السواق ويفتح الباب بكل ثــقه وأعـــتزاز بالــنفس ويدخل ويجلس عالكـــرسي ويحط رجل على رجل . وبعض الأحــيان تلقى السواق اذا استلم سياره جديده وفخمه يركب اخوياه البنغاليه وياخذهم لفه ويعزمهم على أحـلى بخـاري ب 10 ريال وواحد من اخوياي يسولفلي يقول: كان عندنا سواق مصري وسبب مشكله مع أبوي وجاء ابوي قال للسواق عطني مفتاح السياره جاء السواق قال : لا السياره هي حقتي ومش حأعطـيك المفتاح ويقول: السواق قعد شوي ويصيح ويقول انا مسكين ولا عندي فلوس وامي تعبانه وابوي مريض ومن هالكــلام .. عاد هم سامحووه واشتغل معهم ازين من اول * *
*
*
*
أنا ياشباب قدر الله علي ودرست في مدرسه فيها مدرس مسوي نفســه ظريف وخبل المدرس يدرس نــحو المهم قاعدين نسولف معه وجاء واحد قاله: ياأسـتاذ انت تـاكل من بيــت الشوايـه رد عليه الأسـتاذ: وأنــت وش شايفني مهبول ولا ديناصور عشان آكـل بيت الشوايه واذا اكلت بيت الشوايه الشوايه يقعدون بدون بــيــت هههههه .... شفتوا بس قمه الظرافه وثقاله الدم ومره كان يسولف عن المسلسلات الكرتونيه وكان يتكلم عن الكابتن ماجـد يقول: والله انهم مهابيل الكابتن ماجد اذا جو يبون يشوتون دبل يقعدون ساعتين متعلقين بالهواء ويفكرون يوم كانوا صغار >>>قايلكم انه ظريف ويقول: بعدين وش هالكوره اللي تقشع الزرع ... وجاء واحد سأله: افاا هذا كبرك وتتابع هالمسلسلات رد عليه المدرس: وش أسوي عيالي مبهذليني كل ماقعدت يفتحون على هالقنوات .
وبـــس عــاد اسمحلونا اذا طولنا عليكم واخذنا من وقتكم أخـوكم عبدالله
24/05/2009, 08:53 PM
مشرف سابق في منتدى المجلس العام
تاريخ التسجيل: 18/12/2004
مشاركات: 9,681
مدرسك النحو اسمه عساف ؟
..
الله يحفظ لك اخوانك ويمطرنا واياكم مطراً سحّاً غدقاً ^_^
24/05/2009, 09:01 PM
مشرف سابق في منتدى الجمهور الهلالي
تاريخ التسجيل: 21/02/2008
المكان: مدريــدي / ارسنــالي
مشاركات: 13,119
وين راحت الكامري
حضرتك مطنشها ومنت معطيها اي اعتبار... ليش ماتذكرها مع طاري السيارات الفخمة
اسمع يالموذي..
ماراح اعلق حتى تقول لنا وشو الموقف اللي صار لك مع اخوك وما ودك تقوله
24/05/2009, 09:03 PM
زعيــم مميــز
تاريخ التسجيل: 24/03/2006
المكان: أين ماتواجدوا العذال ض1
مشاركات: 3,561
مشاء الله عليك اخوهـ له مستقبل ان شاء الله بشئ فيه نشاط والله يحفظه لكم وان جيت للماي لاتخاف موب بس انتوا اما بخصوص الموقف مع المدرس انا اليوم صار لي موقف مع الوكيل كانت برادة الماي على وشك النهايه .. في واحد جنبي يقوله حطوا عصير بدل الماي .. يقول تبي الربيع ولا ريتا انا قلت له لاذا ولا ذا فيمتو ابرك ,, والوكيل يقول خلاص وانتوا شوفوا ان كان حالي ولا ماصخ وقولوا لنا < مسوي ينكت بس مش مناسب وشكريا على هيك قصه
24/05/2009, 09:14 PM
مشرف سابق في منتدى الجمهور الهلالي
تاريخ التسجيل: 21/02/2008
المكان: مدريــدي / ارسنــالي
مشاركات: 13,119
24/05/2009, 09:20 PM
زعيــم مميــز
تاريخ التسجيل: 04/02/2008
المكان: حولك حوليك
مشاركات: 2,284
إقتباس
(اللي خـلاني اكتب عنه بالموضوع موقف صارلي معاه ماله داعي اذكره
طيب قل لي الموقف في الخااص .. < لقافه .. وعليكم السسسسسلام والرحممممه .. < من قوة اللقافه توه يرد السسلام .. الصغار كذآآ قبل لا توديه مشوار وتاخذه معك موؤدب ولا أحسسسن منه ,, وأذا أبعدت عن البيت وضمن أنك مافيه أمل ترجع بهذلك .. , , أما سسسالفة الموويه الله يعينكم يا أهل الرياض .. , , وعلى سالفة السواقين والسسيارات اللي تجي معهم ,, عندنا يمني في المزرعه مع ددسن موديل 77 ,, وكااشخ فيه .. بس كان تحفه هالانسسان كل فتره ينحااش ويتصل على أبوي يسسلم .. ,, والله أنه ينحااش لأخويه مدري وين يخزن قاات يومين ويرجع ,, ولا يقول له ابوي شي لانه أنسسان يششتغل ما شاء الله عليه ويقوم بكل شي ,, عاد أبوي مل من كثثر ماينحاش أخر شي قال له أزرع لك قات في المزرعه ولا تنحااش وتتعب عمرك .. ,, بس أجودي راح اشتغل عند ناس ثانيه بس يجي كل فتره يسلم على أبوي , , خلاص مششوار أكتب عن أيام الدراسسسه ,, تعبت .. الله يخلي لك أخوانك وأهلك ويعطيك العافيه على الموضوع ...
24/05/2009, 09:35 PM
زعيــم نشيــط
تاريخ التسجيل: 05/05/2007
المكان: الطياره
مشاركات: 756
إقتباس
الرسالة الأصلية كتبت بواسطة هتلــ الزعيم ــر
طيب قل لي الموقف في الخااص .. < لقافه .. وعليكم السسسسسلام والرحممممه .. < من قوة اللقافه توه يرد السسلام .. الصغار كذآآ قبل لا توديه مشوار وتاخذه معك موؤدب ولا أحسسسن منه ,, وأذا أبعدت عن البيت وضمن أنك مافيه أمل ترجع بهذلك .. , , أما سسسالفة الموويه الله يعينكم يا أهل الرياض .. , , وعلى سالفة السواقين والسسيارات اللي تجي معهم ,, عندنا يمني في المزرعه مع ددسن موديل 77 ,, وكااشخ فيه .. بس كان تحفه هالانسسان كل فتره ينحااش ويتصل على أبوي يسسلم .. ,, والله أنه ينحااش لأخويه مدري وين يخزن قاات يومين ويرجع ,, ولا يقول له ابوي شي لانه أنسسان يششتغل ما شاء الله عليه ويقوم بكل شي ,, عاد أبوي مل من كثثر ماينحاش أخر شي قال له أزرع لك قات في المزرعه ولا تنحااش وتتعب عمرك .. ,, بس أجودي راح اشتغل عند ناس ثانيه بس يجي كل فتره يسلم على أبوي , , خلاص مششوار أكتب عن أيام الدراسسسه ,, تعبت .. الله يخلي لك أخوانك وأهلك ويعطيك العافيه على الموضوع ...
هلا هتلر
الموقف ذكرته
صدقت والله الصغار احسن ناس قبل مايطلعون بس خلهم
يدخلون البيت وتشوف الفن والطرب
منور الصفحه بردكــ
25/05/2009, 04:01 PM
زعيــم متألــق
تاريخ التسجيل: 09/06/2008
المكان: وفي احلى من الشرقيه ,؟!!
مشاركات: 1,175
والا على طاري البزران >> شفيه الكبيـــر
يسدحلـــكـــمــ سالفه
اخو واحد خويي كانو يحبوووون كودو وعاد اخونا بالله حفظ الرقم وكل مايدق عليهم يقولهم مطعم مثلث ؟؟!!
25/05/2009, 04:09 PM
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,893
هلا وغلا اخوي عبد الله
موضوع جميل ومككتل
بالنسبة للاطفال سبحان الله عندي ولد اخو اسمه فارس ذكي ومكار في نفس الوقت
اذا جلست معه انواع الضحك
بس المشكلة ما اذكر شي منها اللحين
الله يحفظ جميع الاطفال ويخليهم لاهلهم
بعدين دينالي هذي وش تطلع
اقصد شكلها كيف مثل الكامري
شكرا عبد الله
25/05/2009, 05:35 PM
مشرف سابق في منتدى الجمهور الهلالي
تاريخ التسجيل: 21/02/2008
المكان: مدريــدي / ارسنــالي
مشاركات: 13,119
25/05/2009, 05:44 PM
زعيــم مميــز
تاريخ التسجيل: 03/07/2006
المكان: الرس
مشاركات: 2,094
والله ياعبودي يالغالي
أنت شكلك تعاني من تشتت ذهني
والظاهر انك شتتنا معك
أو انك تجمع مواقفك من اسبوع
وجيت كتبتهن مره وحده
بس لايهمونك ترا موضوعك يهبل
وأزين مافيه ألوانه
ميغسي خيو
قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك
كود الـ HTML مسموح
الوقت المعتمد في المنتدى بتوقيت جرينتش +3.
الوقت الان » 03:44 PM .
جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.