لــيلــة مــع لاعــب الــهلال مــشــعــل المــوري - نادي الهلال السعودي - شبكة الزعيم

صديق ويلي · #1 22/05/2009, 08:47 PM

سلام عليكم ورحمة الله وبركاتهـ...!

مسيتم بالخير جميييعا زعمائنا الكرام..!

بالأمس كانت ليلة قمة في الروووعهـ..!

التقيت بالامس على كورنيش الدمام بلاعب الهلال مشعل الموري والمعار لنادي الحزم
وزميله لاعب نادي الحزم السابق حسن..!

طبعا بعد ماتعرفت عليه بالصدفه في موقع التعارف العالمي..NET LOG

كلمته على اساس انه بيجي للدمام قبل العشاء فقال انا بالاحساء وماشي بعد شوي>>قلت شكله بيوقع للفتح بعد الشائعه اللي طلعت..!

بعدها بساعه وشوي دق علي وقال انا اتعشى بمطعم بالدمام نص ساعه وجايكـ..!

فرحت انا واخوي نتعشى على بال مايخلص من عشاهـ

وبالصدفه احصله زابن في الزاوية في مطعم بورمانه يبلع في ذا البروستد>>اسحب نفسكـ ياولد..!

تقابلتا بعد نص ساعه ع الكورنيش ونتسحب شويات وجلسنا في مقهى اوشيانا..!

الشباب خذولهم راس المعسل وضربوا وانا ضاعت عيوني وسط عجة المعسل

والله ياهو عالم وكواليس وراء هالكورة.!

خوينا اللي اسمه حسن وربي انه خليفة لورنس>>اهاا عاد..!

والله ياتقطعت تسبودنا من الضحـتس..!

مشعل وربي اني ماكنت اتوقع انه بها التواضع ابدا ابدا والله مو مجامله لاني قعدت معه
استغربت جدا لدرجة قامت الميانة والذب سريع سريع

يعني والله قاطع مشوار من الاحساء للدمام عشان طلب مني اني اقابله..!

المهم جلسنا في اوشيانا وشوي الا يدق اخونا سلطان البرقان يعزم ويلزم في شقته القريبه من الكورنيش..!

مشعل يلزم علي امش معنا عنده الشباب هناكـ قلت معليش قامت الميانة بس مو للدرجة ذي من اول مرة

خلصوا من سلطان ورجعنا نتسحب مرة ثانية..!

وكان خوينا حسن معحب بألوان الشباب الخوال يقول مهب الوان خوال الرياض اسود وابيض من كثر التشهيب..!

من المواقف اللي صارت لمشعل..!:

بعد فوزهم على الاهلي في كاس الابطال توزع عليهم 20 ألف مكافأة..!

من زود الفهاوة مشعل حط الدراهم بدرج غرفته ناسيهم وكان بالشقه حسن..!
طلب حسن من العاامل ينظف الشقه وحسن مفهي قدام البلايستيشن واحلى قفطة على العامل

تلقف على الدرج ناوي على الـ20 ألف اللي بالدرج..!

ع العموم سوالف كثييرة بالامس واستمتعنا بالسوالف الين اذان الفجر ومشوا للاحساء بسلامتهم..!

قبل لايمشي قلت له ترا الصور بنزلها في موقع الزعيم وهل لك شي بتقولهـ:

قالي ابد خذ راحتك وبلغ سلامي لهم وخلهم ينتظروني الموسم الجاي مع الهلال..!

وهذي صورتي مع مشعل..!

وهذي مع اخونا الحفلة حسن..!

تحيآآتي: صديق ويلي..!

وليد القحطاني · #2 22/05/2009, 09:14 PM

مشعل الموري عندي ايميله ماخذه من صديق قديم !
من جد الرجال متواضع جداً ..
ويازين اللاعبين اذا كانوا كذا بس
مرة اضفت ياسر القحطاني تكلم معي وقال مشغول وبلوك

ياليتك عزمتني أو ارسلت لي رسالة خاصة

سلاااام

حوار عقلاني · #3 22/05/2009, 09:19 PM

ولد مدرستنا هوون

مشعل كان معنا على ايام المتوسطة بالمصيف وياهو كان مسوي لعيب علينا بدوري المدرسة

وامممممم صحيح كان من النوع اللي ما يهايط يعني محترميشن :yes

ومبروكين شوفة الموري

رجل من عالم آخر · #4 22/05/2009, 09:35 PM

إقتباس


	الشباب خذولهم راس المعسل وضربوا وانا ضاعت عيوني وسط عجة المعسل والله ياهو عالم وكواليس وراء هالكورة.!

هههههه الله يقطع بليسك

الموري ماشاء الله عليه شاب متواضع جدا
و لاتنسون إنه هذا الموسم سجل ثالث أفضل هدف

و على فكرة
محد يعرف إيميل يوسف الثنيان << لأحد الأشخاص كلنا نعرفه

صديق ويلي · #5 22/05/2009, 10:25 PM

وليد القحطاني:
اي والله وش بزين اللاعب اللي ماينغر بنفسه ويطغي عليه الكبرياء..!
فعلا هاللاعب ذاه ماشاءالله عليه قمة التواضع والفرفشهـ..!

ع فكرة تراه جاي بعد اسبوع ومعاه فنيلة الحزم >>اهدااء خاص..

وهذي عزيمة لك بعد وش تبي غير كذا..!

حوار عقلاني:
ويين يكون ذا المصيف..؟
بجي اسجل فها..؟

عوآآفي ع الطلة ياعثل..!

رجل من عالم آخر:
ماشاءالله الكل يمدح فيه..

والله نفسي اشوف هاالهدف اللي سجله الكل يتكلم فيه..

ثانكس

هلالي والكل غالي · #6 23/05/2009, 01:09 AM

بالتوفيق لمشعل الموري واهنيك على موضوعك
اللي بصراحه في قمة الروعه يازعيم>>بس دام صديقك ويلي ياخي عرفنا عليه هع هع مشكوور وقواك الله يازعيم تقبل مروري المتواضع جدا

صديق ويلي · #7 23/05/2009, 08:53 AM

إقتباس

الرسالة الأصلية كتبت بواسطة هلالي والكل غالي


	بالتوفيق لمشعل الموري واهنيك على موضوعك اللي بصراحه في قمة الروعه يازعيم>>بس دام صديقك ويلي ياخي عرفنا عليه هع هع مشكوور وقواك الله يازعيم تقبل مروري المتواضع جدا

ههههههه

ابشر بالخير ان شاء الله ان بغيت ويلي ولا غيره انا حآآآضر

عوآآآفي يابطل ع الطلة

وراح يبقى ردك هو الاغلى من بينهم يالغلا..

sowaid · #8 23/05/2009, 04:59 AM

الله يوفقه ويسعده مشعل وين ماراح
ويازين اللي يتواضع

صديق ويلي · #9 23/05/2009, 08:55 AM

إقتباس

الرسالة الأصلية كتبت بواسطة sowaid


	الله يوفقه ويسعده مشعل وين ماراح ويازين اللي يتواضع

الله آآمين باركـ الله فيكـ يابطل..1

فـيـلـسـوف زمـانـه · #10 24/05/2009, 07:24 PM

المــوري يشـرب مــعسل <<<< خــوش أحتــراف

لطـشة

مـرة كلــمت فهد المفـرج على الايميل

<<< ماهــو بصـاحي

ضاوي · #11 24/05/2009, 07:53 PM

الحين لاعبين و محترفين و يشيشون ؟!!

هذا اللي يسمونه احتراف ؟؟

يعطيك العافية أخوي ,,

صديق ويلي · #12 24/05/2009, 11:57 PM

^^

والله من البلاوي وراء هالكورة وتراها طبيييعية جدا..!

رونالدو وميسي ومارادونا يفرط في ذا الحشيش اليين يفصل ويصمخ
هذا وهو لاعب اسطوري

جات ع لاعب متواضع ومعسل...؟

صديق ويلي · #13 25/05/2009, 12:34 PM

عوآآآآآآآآفي ياحبايبي ع الردووود

K.s.A_6_6_6 · #14 25/05/2009, 04:17 PM

ما شاء الله على هالتواضع ويا ليت كل اللاعبين مثله والله يوفقه وين ما راح

halalih · #15 25/05/2009, 04:47 PM

موضوع في قمة الروعه
والله تحمست اروح اطق الميانه مع الموري << اقول كثري منها