|
!! ... فرصة عمل للي يدور على وظيفه .. !! السلام عليكم ورحمة الله وبركاته :ba1: الشركة عندي طالبين موظف استقبال :yes: طبعا الرجال المسؤول حاليا يبحث ويقابل ناس بس الى الان ما اعتمد او لقى شي مناسب ... وبحكم اني قريب منه طلب مني ان كنت اعرف احد ... قلت انزل الموضوع هنا يمكن افيد احد !! :yes: او اي احد يعرف شخص وده يشتغل !! اهم الشغلات المطلوبة ... 1- لغة انقليزية ... وهالشي ضروري ومهم وبدونه صعب او مستحيل يقبلوك :yes: لان اصلا فيه تعامل كثير فيه + بتتعب وما رح تقدر تمشي بدونها :yes: 2- الالتزام بالدوام ... من السبت الى الاربعاء من 9-6 :yes: فيه ساعة بريك حسب ضغط العمل ما هي وقت محدد :ba1: احس وليد القحطاني بيقدم بس عشان كلمة بريك :to: مدري وش مسويله بريزون بريك :to: :d 3- ناوي انه يشتغل من جد ويكمل !! مو شهر شهرين يعني شغلة مؤقته !! 4- يكون معه تعليم كويس ... يعني عارفين انتو هالشي من رسميات التوظيف :yes: شباب طبعا اي احد بيجي من هنا المفروض انه عن طريقي يعني ... رجاء وان شاء الله ان هذا المتوقع منكم ... ابغى اللي يقدم يكون قدها ويبيض الوجه :) انا لي بهالشركة تقريبا خمس شهور ... مر علي 3 موظفين ريسيبشن !! وما عندي استعداد اجيب واحد على اني ضامنه ... وبعد شهر ادوره ما القاه !! والشي الثاني يعرف ان مركزه حساس يعني لازم يكون متواجد ومنضبط ومركز بشغله :yes: الدوام بالرياض ... والراتب ما رح اقوله الا للي بيجي يقابل على اساس قبل ما يقابل الرجال يدخل عليه وهو فاهم وعارف كم بياخذ .. بس بصراحه انا اشوف انه ممتاز جدا جدا لمثل هالوظيفة ... ولاني اعرف معدلات رواتبها استغربت يوم قالي الراتب اللي حاطينه لهالوظيفه :yes: الشي الاهم : انا ماني واسطة احد ... انا مجرد نزلت الموضوع افيد اخواني هنا :ba1: كل واحد واسطة نفسه ويقدر يثبت نفسه :yes: انا مجرد بوصل له السي في ... او ممكن ادبر لك مقابلة ... ساعتها المسؤول هو بيقابلك وبناء على هالشي يا اوكي او لا !! اللي يشوف نفسه مناسب لهالوظيفة وممكن ينقبل عنده وحده من هالطرق : ترسل السي في للفاكس رقم : 012181451 ويكتب عليها : Attn: A.Falah or Attn:Aref Al-Harbi او عندكم الخاص ... كل واحد اللي يريحه :ba1: الرجال مستعجل يبغى واحد ... وما احد يدري هي مكتوبه لمين :ba1: اعيد مرة ثانيه ... ما احد يتوقع مني اني اتوسط له اذا ما كان مؤهل للوظيفه ... يعني مثلا واحد تقوله هاو ار يو يقولك لا تسب لا تنجلد :d معليش اسمحلي :d الشغل تقدر تتعلمه ومع الوقتت تتقنه :ba1: ... لكن اللغة والانضباط بالعمل والحضور ما احد يقدر يعلمك اياها هذا شي فيك انت لازم يكون موجود والا ما رح تقدر تتعلمه :yes: اما انت متعود كل اربعاء تسحب عليه مع خميس وجمعه ... هذا ما اقدر اعلمك انك تتركه لان هالشي فيك ادمان يكون :d وبس ... اعتذر على ازعاجكم ... ومن كل قلبي اتمناها لاحد منكم هنا محتاجها :ba1: اضافه : شخصيا افضل واشوف دائما اللي عنده سي في مرتبة ومعها اوراق لشهاداته او خبراته العملية .. دائما هالشي يدعمه بمقابلته ... ويكون شي ايجابي له ... يعني افضل اي احد سواء بيرسل السي في او بيجي يقابل ... يجي ومعه سي في واي شي ممكن يفيده ... ما تستهين باي شي ... اي دورة ... شهادة خبرة من شغل سابق ... تعليمك كل هالشغلات تدعم موقفك على قولتهم ... يعني شي حلو لو تصير جاهزة معك :) |
وعليكم السسلام والرحمممه .. :rose: يعني ما أقدر أروح لهم وأقول جايكم من طرف الهلالي 11 .. :wub: ع العموم يعطيك العافيه ,, وجزاك الله خير .. :rose::smilie47: , { أن شاء الله تفوزون على المجلس وتاخذون البطوله .. :d } ,, لأن أكثر العالمييه يشجعون المان .. :smilie47::wub: |
خخخخخخخخخخخخخخ بصراحة كنت بقرأ الموضوع كامل بس يوم شفت اسمي وبريك ومدري وش نزلت تحت لإضافة رد :D بادرة طيبة منك ومن رئيسك بصراحة والله يوفقكم ولا تفكر ان هذا الموضوع راح يخدرنا ويعني ان المباراة ماهمتك .. ادري انك خايف << تفكيرك يابو :D بإذن الله البطولة للمجلس وهاردلك للعالمية ! شكراً الدحمي (قلب ) |
الدحمي يعني لازم يهذريــ إنجلـــيزي ..!! ولا مافي مشكله يطقطق ..!! اوكــ |
^ ^ معليش بس وش نوع الطقطقه :d يعني ون تو ... اوفرات ... كور بينيه ... تسديد من خارج المنطقه :d <=== واضح تاثير الفاينال عليه :d لا جد والله كيف يعني طقطقه ... فيه طقطقه تمشي ... وفيه طقطقة ما فيه امل تمشي :d اساسيات التحادث والمخاطبه ... تعرف تاخذ وتعطي مع المتصلين ... الزوار ... الموظفين !! هذي الشغلات اللي بتواجهها يوميا ولازم تكون عارف لها :ba1: وليد ... الله يعينك :d حالتك اعتقد ميئوس منها :( |
يعطيك العافيه يالدحمي بادره طيبه منك اخوووك احمد |
موضوعك هذا دليل واضح على سمو اخلاقك يالهلالي 11 الله يوفقك دنيا وآخره :rose: |
عبدالرحمن يا مال العافية و الله ما قصرت إن شاء الله يستفيدون منها الأخوان هنا |
إقتباس:
لا يعني ..ممكن واحد أمريقي يسولف معك...ثلاث أرباع الكلمات ماتفهما...بس يعني تدريــ وشــ المطلوبــ ...وتقول له إحتياطاً...تباً لكــ ...:razz: فهمت وشــ القصد ياأديبايـــو العالميـــه..:s2: |
مشكور اخوي الهلالي11 وان شاء الله يستفيدون منها الزعماء |
لبىّ قلبك دحووووم :ba: إن شاء الله يستفيدون الشباب .. بيضّ الله وجهك يالغالي . :rose: |
مشكور يالدحمي هارد لكم البطولة أمس راحت عليكم :d لكن كم الرواتب يمكن أجي عندكم :d |
هلا والله ابو داااحم :smilie47: اولا .. هارد لك الخساره يالورقه الرابحه :s2: .. وتعوضونها ان شاء الله في المرات الجايه بس مهوب على حسابنا طبعا :naughty::smilie47: الا ماشفت مواصل بعد المباراة ؟.. يقولي بين الشوطين دور للهلالي 11 نبي نتطنز عليه الورقه الرابحه بعد المباراة :s2::ba1: بالنسبة للوظيفه.. فكرت اجيكم .. بس المشكله بالطقطقه على قولتكم مهيب ذاك الزود :to::s2: لكن بما اني دخلت لزوم اشكرك على هالموضوع والمبادره.. وبيض الله وجهك ومثل ماقال اخوي الصخره هالشيء دليل على سمو اخلاقك وحبك للخير :smilie47::ba1: . |
الموضوع نزل للاستفاده والله ... والى الان ما توظف احد ... والراتب ما رح اقوله الا اذا فيه واحد اوكي ومناسب لها وجا يقابل قبل لا يدخل يقابل المسؤول بقعد معه وافهمه :yes: ليو ميسي :smilie47: شكرا لكم كلكم يا طيبين القلوب والاخلاق :smilie47: يكفينا شرف شوفتكم :smilie47: مع اني ما التقيت فيك لكن يمكن تكون احد الاشخاص اللي صار بيني وبينهم كلام وقت النرفزة !! للعقلاء فقط ... من غلطت عليه فليعذرني :ba: غيرهم كلمة اسف واعتذاري ما يوصلهم وما هم مشمولين فيه! رجاء خاص ... لا احد يعقب على هالموضوع ... او يخرج عن صلب الموضوع الاساسي ... الموضوع للفائده وما اسمح لاحد انه يغير مساره ويتقفل او ينحذف وهو اساسه رزق ما احد يدري مكتوب لمين :smilie47: ولكل المشرفين اللي يرد خارج اساس الموضوع لكم الصلاحيات بالتصرف في رده :) |
هلا عبدالرحمن .. الله لايهينك يابوي , ويعطيك الف عافيه ماقصرت . |
| الوقت المعتمد في المنتدى بتوقيت جرينتش +3.
الوقت الان » 04:24 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd