مسآء / صبآح

الــــخير يازعماء


رسايل في عدة نقاط بخصوص المباراه الماضية لمن يهمة الآمر :

* / حضور جماهيري مخجل بخصوص الكثافة ولاكن كان فعال ومميز وأفضل حضور وتفاعل شفته من سنتين ولا أبالغ في ذالك .

*/ عشاق هلال كوفي من سكان الرياض أتمنى محد يتكلم ولا يفتح فمه بكلمه وحده وخل الموكا ينفعك إذا أنهزم فريقك المباراه الجاية ((( لاسمح الله )))


*/ مجهود جبار يحسب لرابطة الجمهور الهلالي صراحة الله يكون في عونهم ويوفقهم على كل اللي بذلوه لعيون الزعيم


*/ أشكر جميع من حضروا للملعب من جمهور الهلال الصادقين وأخص بالشكر جماهير الخرج والشرقية والأخوان
محمد الرويلي
عمر الرويلي
ياسر الرويلي

هذولا الثلاثة قابلتهم في الملعب جايين من الجوف لعيون الهلال <<< واعيباه ياجماهير الرياض أقل من 20 كيلو بينكم وبين الملعب ولاحياة لمن تنادي والرجال جاين من الجوف من جد واعيباه .


*/ أتمنى محد يقول لي جمهور الرياض ممكن عندهم ظروف وماحضروا أقسم بجلال الله إني طلعت من الدوام الساعة خمسه العصر وعلى طول للملعب
يوم أربعاء
والجو كان نص ونص
ومافيه زحمة

وش عذرك ..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ <<<< ألف إستفهام

ولنفرض فعلا أن هناك فعلا ظرووف 20 أو 30 ألف كلهم عندهم ظرووف والباقي وينهم .......؟؟؟؟؟؟؟؟


*/ هذي صورة تذكرتي عشان لحد يقول قاعد أبربر ولاحضرت ولا لي فضل لو حضرت طول الموسم
الهلال من الله خلقني وهو مسعدني وجاء الوقت اللي أرد له قطره من محيطط فضله علينا




تحيتي وخالص محبتي لزعيم ولكم


فهد القحطاني

@هلالي@مجنون@