وها هو الامير سعود يستقيل ويستجيب للضغوط ...

طيب وبعدين .. هل نستمر نلوك نفس الموضوع لعام آخر ... الاستقاله

يجب ان ينظر لها في سياقها الطبيعي .. وهو امر مألوف .. فقد استقال

الامير بندر بن محمد في فترات سابقه وغيره .. المقصود لا ندع هذه

الفتره الحرجه تعيق الهلال عن التخطيط لمستقبل اقل فرقه واوفر

التحام بين اي رئيس واعضاء الشرف .. وبين اعضاء الشرف انفسهم ..

وعلى طاري اعضاء الشرف اللي كل واحد فيهم تملص من مسؤلياته

ابان احرج فتره تمر على الهلال .. يالله ورونا مشيكم في السروال

فالكره الان في مرماكم .. وخاصة اللي طالبوا باستقالة الامير سعود ..

انا كهلالي انظر لموضوع الاستقاله كحدث عادي حدث ويحدث في الهلال

وغيره ... ولكن ما يكدر هو الاسلوب والتفكير الاناني الذي يطبع تصرفات

بعض اعضاء الشرف .. عموما المهم الان تدارك الوقت وعقد اجتاع

عاجل لاعضاء الشرف واختيار رئيس .. فالاستعداد للموسم القادم يجب ان

يكون باسرع وقت ..

اعرف ان اغلب اعضاء الشرف مسافرين برا .. يا جماعه اجتمعوا لو في

الهرفي نيكولز بلندن ..... المهم اجتمعوا وروقوا على موضوع ناديكم

الزعيم... واتمنى ان لا يتخلف عنه الا مريض او حاقد ... اما من تهمه

مصلحة الهلال فما له عذر ....

@ الذي نطالب به ارساء طريقه واضحه للتعامل مع الازمات .. فالواضح

ان النادي غير محصن ضدها ( واتمنى ان اكون مخطئا )

@ الذي نطالب به ارساء طريقه واضحه للتعامل مع تجديد عقود اللاعبين

لكي لا يقع الفريق تحت رحمة مزاجية لاعب غير مخلص .

@ الذي نطالب به تفعيل الدور الاعلامي ( الرسمي ) للنادي لكي لا تؤثر

الاشاعات في علاقة الجماهير بالنادي وتعزيز ثقة اللاعبين بملاحقة اي

تهجم واثاره يكون لاعبي الهلال وا لهلال النادي مادتها من قبل جرايد

ابو نص ريال

@ وضع حد لتطاول النكرات ( مثل البلوي والعويران ) على لاعبي الهلال

و رفع وتصعيد شكاوي رسميه على اشباهم من النكرات

@ وضع حد لمزاجية بعض اعضاء الشرف ... فبعضهم يتعامل باسلوب

لعبوني والا باخرب

اللي يمارسها بعض اللاعبين .. واللي مارسناها ايام الطفوله ...

يا عضو الشرف .. لا تنسى انك عضو شرف .. يعني ارتقي شوي

بعقليتك عن عقلية الاطفال وتصرف بشرف ... واي شرف انت فيه

كعضو شرف للهلال .

@ الذي نطالب به وضع حد لمزاجية بعض اللاعبين ... ومع الاسف انهم

اللاعبين الدوليين والذين نسميهم نجوم .. وراي الشخصي انه اي لاعب

يتنكر للهلال بعد ان كبر الهلال ذنده ورزه ... لا يستحق حتى تضييع

وقت في النقاش معه

انا ابغى لاعبين بدرجة اخلاص النعيمه والمصيبيح وعبادي الهذلول وسلطان

المهنا وعبد الله فوده وغيرهم ...

اما لاعبي الاعلانات والجري خلف الشهره على حساب الهلال فقضبوهم

الباب

@ اخيرا .. يا جمهور الهلال لا تلوكوا في الماضي .. ساعدوا النادي على

رسم مستقبل افضل .. ولا تقولون اي كلام يراد لكم ترديده من قبل

اشخاص ( صحفيين وغيرهم ) همهم الاول هدم الهلال من الداخل

صدقوني قوة الهلال في جماهيره لا في اسم الرئيس او اعضاء الشرف

@ تحيه وشكر وتقدير للامير سعود بن تركي

@ رحم الله الامير عبدالله بن سعد

حفظ الله الهلال ... حفظ الله الهلال .... حفظ الله الهلال ...

ويا حبي لكم يا هلاليين

إقتباس صدقوني قوة الهلال في جماهيره لافي اسم الرئيس او اعضاء الشرف

كلام حلو بس حلاته لو كان صحيح الجماهير لهم التاثير المطلوب....................!

الجماهير للاسف تأثيرها قوي في اشراك لاعب
و معاقبه ثاني
لكن القليل يهتم فعليا بمصلحه النادي

الاخ ذيب الشمال///// الاخ العرفج


شكرا للتواصل

الجماهير على مر تاريخ الهلال تمثل الروح الهلاليه النابضه التي لا يمكن ان تخبو

وما تشاهدونه من مظاهر للمرض انما هو خارجي او سطحي ولكن طالما جماهير الهلال او ( روحه ) بخير فالهلال بخير

وهذا ما قصدته

ولا تخافون على الهلال

الموجودين فيهم الخير و البركة و سوف يخرج الآن من يقول انا لها

الاخ الزعيم الابن

شكرا على التواصل .. وانشاء الله الهلال ما تهزه ريح ولكن المفروض ندرس سلبيات الفتره الماضيه ونحدد دور واضح لاعضاء الشرف مهو على مزاج عضو الشرف متى ما بغا يدعم او يتوقف على حساب النادي

انا معاك انه لابد لنا من التعلم من الفترة الماضية و اهم شيء لنا نحن الجماهير وهو اعطاء الفرصة للرئيس و المدرب و الإداري و اللاعب ان يعطي كل ماعنده و لاتكون اصطياد االسلبيات و تناسي الإيجابيات