اول شي بس الله



كالعاده في المقدمه دايم اخذ صفر من عشره عشان كذا بدخل في الموضوع

انا اختي مدرسه دين في وحده من المدارس في الرياض

المهم اختي وانا جايبها من المدرسه اسولف معها واقولها وش تجيكم مشاكل من البنات

اختي << يجينا الشق والبعج

انـــا<<< وش عندها

اختي << ايه والله

أنـــا<<< مثل ايش يعني

اختي<< قالت خلها مستوره

أنــــا<<< قولي يابنت الحلال

اختي<< قالت مره كنت ماره بين الفصول واسمع هذيك اللي تقول انا( شاذه) وابي وحده الحين المهم اختي دخلت الفصل وسكتوا والقت درسها << متعوب علي القت المهم راحت للشرفه وقالت اللي سمعته ولا عاد درت عن شي

انــــا<<اووف

اختي<<والله هذي مو شي

انــــا<< في غير كذا

اختي<< ايه والله

أنــــا<< قولي


اختي<<مره مسكت وحده تكلم وامسكه واقولها عيب عليك ولو تدري امك وش راح تكون ردت فعلها؟؟؟ قاطعتها البنت قالت استاذه امي بعد تكلم شباب

انـــا<< ااحححححححححححح

اختي << تقول وما خفي كان اعظم

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــ

ياناس ليه صار مجتمعنا بدون مجتمع لا نكذب علي انفسنا ليه اكثر الناس صارو كذا

انا من وجهت نظر اللي حفرت مخي ليه صرنا كذا اشيا بقولكم واحد واحد

1_ ضعف الايمان

2_كثرت الاسواق وكثرت الحريم اللي يطلعون بدون محرم

3_قل الرقابه الاسريه

4_كثره الدراهم

5_ وقت الفراغ

6_استخدام الانتر نت بشكل غبي مثل مواقع الخايسه الفيس بوك والحوسه هاذي

7_ العلمانيه واللبراليه والمناصب اللي مسكوها

8_ كسل او ضغوط علي اسود الهيئه


هذي الاسباب اللي اشوفها انا ياليت اذا عندكم اسباب تقولونها

صح ما نقدر نحل الموضوع بس نتناقش فيه

لا وجاين يقولون خلو الحرمه تسوق ولا يقولون افتحو سينما والله انا كنت مؤيد للسيما << قلب مصري بس الوضع ما يتحمل سيما هذا من وجت نظري

اتمني اللي يبي ينتقد ينتقد بأدب


سؤااال اتمني الاجاااابه عليه بدون تحفط


متي اخر مره قراءت قرائتي القران في غير اوقات الصلاه ؟؟