قصيده موجهه للكاسر وبس + ياسر بيلعب الاربعاء الجاي ان شا الله او لا ..؟ - نادي الهلال السعودي - شبكة الزعيم

David Beckham_15 · #1 18/05/2009, 11:07 AM

لزومٍ اظهر البسمه ولو ان الزمن قد فات
لزومٍ اقهر الدنيا وكل شخصٍ تحداني
انا اللي صرخة افعاله دايم تسبق الكلمات
انا اللي كل جبال الارض تنهدم لتفداني
اعز اللي يعزوني ولا ارضى لهم بشتات
المهم وسط قلبي واسكنهم باجفاني
اعطيهم وامنيهم وارفعهم على الهامات
واسقيهم من عروقي ولااندم على الفاني
انا شامخ وقوي بالله وقراري نافذٍ بالذات
ليا مني وعدت الان انطرني وتحراني
ابد مانخلف الموعد وهاذي هي اعز صفات
وفيّ صادق الكلمه والافعال تلقاني
اسافر وارحل لحالي ولامعهم اعيش ازمات
ناسي ناسيين الجود والمعروف واحزاني
تمنوني اعيش بهون او اصبح في الاموات
ولكن ربك الرحمن عذبهم واحياني
خلاهم مثل النمل بل اصغر من الحشرات
سقاهم من بحور الذل بحرٍ يتبعه ثاني
تدري ليش لقوا هاذا الجزى بالذات
لان البغض ديدنهم على مر كل الازماني
غايتهم مصالحهم وتعرفهم بحب الذات
تعرفهم بكثير اشياء فيهم اصلاً تباني
بسيطه .. لايهمونك اهل الذل والزلات
حذاري تقترب منهم حذاري ان كان لك شاني
كن وافيٍ مع الوافي وحاول تكتم العبرات
حاول تحبس الدمعه قبل للحاسد تباني
حاول تظهر البسمه لو طالت بكل الاهات
ترى الناس من حولك كثير الوان واشكالي
قليل اهل الوفا والحب واهل الود والخيرات
واغلبهم عواذل ماشين بدرب شيطاني
في وقت الوسع لاصحاب ينعدون بالعشرات
ووقت الضيق وين اللي يقول انه بيفداني
جروح الوقت ياقلبي ترا اكبر من الكلمات
بس بالحلم اتحمل وطول الصبر عنواني
تراني يازمن شامخ ولاترعبني الهزات

صحيح اني بشر لكن رب العرش يرعاني
ادعوا الله الخلاّق تراه ملبي الدعوات
سبحانه عظيم الشان الواحد بلا ثاني
وطال الهم في غربه ودمعي ماوقف لحظات
زمانك هو زماني ولابه فرق ياهلالي

ذكرت ان الملك باقي وعرفت ان الامل مامات
دعيته ربي الواحد وناجيته ولباني

هاذا حال الزعيم مع نجمه الكبير ياسر الاسر .. لاننا نؤمن بموهبتك الفذه وعقليتك الكبيره وايمانك الراسخ بربك فاحنا على الوعد باقين معاك ياياسر حبيناك ونحبك وراح نحبك للابد وهاذا وعد .. انت كبير ولا يهمونك خلنا بس احنا همك

ســ/ اهو القناص بيلعب مباراتنا الجايه مع باختاكور الاوزبكي لاني دخلت الرابط التالي وطالعت اسماء الموقوفين والقناص مو معاهم http://www.the-afc.com/ara/articles/...168691401.html

ابو دخيـل · #2 18/05/2009, 11:11 AM

ابدااااااااااااااع وربي ابداع ...

بخصوص سؤالك ... ؟

ما أظن ان ياسر راح يلعب ...

لني قريت هذ1 في شبكة الهلال ...

تقبل مروري .

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

سبحان الله وبحمده........... سبحان الله العظيم

صلي على محمد

مرور الكرام · #3 18/05/2009, 11:12 AM

صــح لســانك .. و يستاهـل ياســر ..
كلمات و لا أروع ..

بالنسبة للإيقاف ، فهو مستمر ، و لن يستطيع ياسر اللعب في المباراة القادمة ..

ملاحظة صغيره / يا ليت تكبر الخط شوي .. لاني تعذبت و أنا أقرأ ..

يعطيك العافيه ..

..سهم ياسر.. · #4 18/05/2009, 11:22 AM

عدم وجود اسم ياسرفي قائمة الموقوفين هذا فخ للهلال اتمنا عدم الوقوع فيه

ياسرموقوف واذا لعب راح يخصم من الهلال ثلاث نقاط ويعتبرخاسرلو كسب المباراة

اتمنا اراحة ياسر وابعاده عن تشكيلة بختاكور

وجب التنبيه ويجب الحذر

حزين عليك يالذيب · #5 18/05/2009, 11:24 AM

إقتباس

الرسالة الأصلية كتبت بواسطة ..سهم ياسر..


	عدم وجود اسم ياسرفي قائمة الموقوفين هذا فخ للهلال اتمنا عدم الوقوع فيه ياسرموقوف واذا لعب راح يخصم من الهلال ثلاث نقاط ويعتبرخاسرلو كسب المباراة اتمنا اراحة ياسر وابعاده عن تشكيلة بختاكور وجب التنبيه ويجب الحذر

بالفعل أخوي كلامك سلــــيم

الز$عيم · #6 18/05/2009, 11:24 AM

يعطيك العافية وتسلم أنغامك الشعرية.. وأتمنى ان تصل لصاحبها القناص

هلال وعز · #7 18/05/2009, 11:26 AM

صــح لســانك .. و يستاهـل ياســر ..

وفيّ صادق الكلمه والافعال تلقاني
اسافر وارحل لحالي ولامعهم اعيش ازمات

David Beckham_15 · #8 18/05/2009, 11:31 AM

ابو دخيل _ مرور الكرام _ سهم ياسر

تسلمون بجد على التواصل لبى قلوبكم

وانا اتمنى اصلا انه ياسر مايلعب لازم نريحه لانه الادوار القادمه في دوري الابطال الاسيوي خروج مغلوب

والمباراه الجايه بالفوز او حتى الخسار لا قدر الله راح نتاهل بكل الاحوال

الا كذا الخط تمام يالغلا مرور الكرام

wAiLi · #9 18/05/2009, 11:35 AM

صح لسانك ابداااااااااااااااااااااااااااااااااااااع ماقصرت

ياسر ماراح يلعب ؟؟؟؟؟؟؟؟؟؟

اكويلاني · #10 18/05/2009, 11:55 AM

صح لسااااااااانك

ويسلمووووووووووووووووووووووووو