|
وقفة صادقه من القلب مع لاعبي وادارة الهلال اولا التحيه للجميع بعد غياب طويل عن المشاركة دائما افضل ان اكون متابع فقط لمواضيع ومشاركات الاعضاء لكن ما دعاني للكتابة اليوم هو مهاجمة بعض الاعضاء الذين ينساقون وراء العاطفه ويبتعدون عن التفكير بالعقل ويبتعدون عن تذكر بعض المحاسن اللتي ربما تشفع لنا ان نتقبل الخسارة بصدر رحب ونقول القادم احلى ماذا ان حدث وخسر الهلال البطولة الآسيوية جعل كلمتي ما تحقق وياخذ الهلال الكآس سنرى سيوف تهاجم اللاعبين والادارة والمدرب من كل حدب وصوب كلنا نعلم الظروف اللتي مرت بالهلال ولا داعي لذكرها لاني بصراحه اموت قهر وانا اتذكر :ranting: بس راح اتكلم عن كوزمين واخراجه قسرا عن البيت الازرق لاسباب يعلمها الجميع s121s بعد خروج كوزمين بصراحه احنا سبب انتكاسة الفريق والله كوزمين مدرب قدير وعالمي بس كم بطولة الهلال جابها وكوزمين مهوب في يعني كوزمين ماهو الا استمرار لنجاحات الزعيم للاسف قمنا بتعبئة اللاعبين وايهامهم ان كوزمين راح وكل شيء راح معه وكلنا نعلم ان نادي الهلال يمتلك افضل اللاعبين في الدوري لهذه السنة على مستوى جميع خطوط الفريق واي مدرب يمكنه النجاح مع هذي المجموعه بس صراحه اللاعبين متحطمين من كثر ماشافو مجهود سنة كامله ضاع باسباب كلنا نعلمها وكل الفرق اللي نافست الهلال تعلم لو ان الزعيم ماوقفوه بالطرق الملتوية كان خذا كل البطولات بس الله الغالب وما نقول الا حسبي الله ونعم الوكيل يا جماعة الخير والله اعذرو اللاعبين لان احنا سبب فشلهم تعبئة وايهام وتحطيم وكل شيء شباب الفتره الجايه اي لاعب هلالي يحتاج دعمنا وتشجيعنا ولازم ننسى اللي راح ونفكر بالجاي ونعيش الواقع اللي احنا فيه الحين ما لنا الا الآسيوية نتكلم شوي عن اللاعبين اللي نهاجمهم محمد نامي لاعب اغلبنا يقول انه موب من مستوى الهلال والمفروض يكون فيه الاحسن يا جماعة الخير هذا اللاعب مجتهد وبيقدم افضل ماعنده وماشي زين للحين بس وش لون واحنا في المدرجات نحطمه تحطيم وفي المنتدى انواع التحطيم لو ردينا ورا من يوم ماراح الدوخي عن الهلال مافي افضل من محمد نامي مسك ها الخانه اللاعب له هفوات وصراحه ضيعتنا بس وش كثر الهفوات لبقية اللاعبين دون ذكر اسماء وبس ابي اذكر هفوة الصخرة رادوي امام الشباب واللي حطمتنا من جد وقتها خلونا ندعم نامي وصدقوني والله اللاعب عنده كثير يقدمه بس يبغالنا نوقف معاه اما خالد عزيز اتهموه بالتخاذل ويوم خذا الكرت الاحمر كلنا وقفنا ضده بس اتمنى من كل اللي هاجموه يتذكرو ان خالد عزيز بمجهوداته من يوم ما لعب للزعيم كان ورا كل بطولة ناخذها وكلنا كنا نمجد له بس يوم طاح كثرت سكاكينه خالد عزيز اكثر لاعبي الهلال احتراما للزي الازرق وعشقا لهذا اللون ومن اللاعبين القلائل في الهلال اللي يلعبون بروح الفريق الازرق الشلهوب :ba: وياعيني على الشلهوب تعالو نتذكر كم بطولة حسمها بروعة تفكيره تعالو نتذكر الشلهوب كم هدف اهداه للمهاجمين وكم ضربة ثابته انهى بيها مباراة لصالح الهلال الشلهوب والظروف اللي مرت عليه السنتين الماضيه كفيله انها تخلي مستواه ينزل اصبرو على الشلهوب مثل ما كان سبب لفرحتنا زمان خلونا نوقف معاه لانه يحتاج وقفتنا الكوري سول لاعب جيد ولكن مكانه ليس الزعيم هذا انا اتفق مع الكل فيه واتمنى ان نجد الافضل احمد الصويلح بصراحه لاعب ما عليه كلام بس دمروه المدربين بالاحتياط ما لعبوه الا على نهاية السنة ويبون منه التسجيل مسكين يلعب تحت ضغوط كبيره منها اثبات الذات وتحقيق رغبة الجماهير في زمن ضيق وهو بعيد عن اجواء المباريات الله يكون في عونك يا احمد ياسر القحطاني مستواه ناااازل بس من زود اللي عليه شوفو ياسر مع المنتخب وش لون يلعب ومعنا وش لون يلعب ياسر يبغاله مهاجم ثاني يكون يمه والمشكله المساند له في الهجوم سول يعني ماعندك احد ياسر عشان يطلع من رقابة المدافعين والله يتعب بس لو معه احد ثاني كان شفنا ياسر والشي الثاني الهتافات التافهة من جماهير الاندية المافسه ضد الكابتن ياسر بس وين احنا يا جماهير الزعيم ما نسكتهم الحين يومكم في الاستاد وحاضرين المباراة وعددكم اكثر من عددهم ليش ماتعلون الصوت وتخرسونهم وانتم تمدحون ياسر على الاقل اصواتنا لو ارتفعت ياسر ما بيسمع غير المدح بس للاسف الجماهير وكانها تطرب للذم وتسكت وتتحسر وتتفرج اتمنى من كل قلبي التوفيق للهلال في المرحلة المقبله وان خسر الهلال سأكون اول المهنئين نعم سأهنيء اللاعبين والادارة لانهم كل شيء سووه بس اللي صار اقوى منهم وانا بصراحه اعتبر الهلال بطل الدوري لان اللي خذوه ماخذوه بجدارتهم وكاس الامير فيصل خسرناه وكلنا شفنا التحكيم وكاس الملك حفظه الله خسرنا وهم بعد ظروفنا والتحكيم وتذكرو ياسر وش الحكم قايله اتمنى ان نكون في صف واحد مع الزعيم في الحلوة والمرة ونصفق لكل لاعب دون تمييز عن الاخر :ba: وآآآسف على الإطاله وتقبلو تحياااااااااتي الغواااااااالي:ba: |
وش دعوه شباب مشاهدة وعدم رد |
[quote=المعذب بسامي;12094980] بعد خروج كوزمين بصراحه احنا سبب انتكاسة الفريق والله كوزمين مدرب قدير وعالمي بس كم بطولة الهلال جابها وكوزمين مهوب في يعني كوزمين ماهو الا استمرار لنجاحات الزعيم يعطيك الف عافيه اخوي المعذب وهذي النقطه اللي عجبتني اكثر شي بالموضوع ان الهلال لا يقف على مدرب ولا لاعب تقبل مروري بكل ود واحترام |
مشكور اخوي على كلامك وموضوعك ومافيه شك الزعيم واجهته ظروف وقرارات ظالمه ومعذور. طبعا عزيزي لابد ان توجد انتقادات من الجمهور لبعض من اللاعبين ذوي المستوى السئ ولا تلومهم من حبهم للهلال يسون كذا . مافيه لاعب كامل والكامل وجهه الله واللاعب المتميز راح يظل متميز مع الزعيم ومتميز في عيون الجماهير واللاعب السئ ستواجهه انتقادات . كل التوفيق لنادي الهلال وللاعبين الهلال وابعادهم عن الاصابات وعن الظلم في مباراته القادمه والظفر بالبطوله الاسيويه . |
يعطيك العاااااااافيه حبيبي على الموضووووووع ونشاااااااااء الله الازرق يجيب الاسيويه ويتدارك السلبياااااااات ونرى زعيمنا الموسم القادم بأحسن حااااااااال |
إقتباس:
واتمنى المدرب القادم يكون على مستوى الطموحات |
إقتباس:
بس اللي يصير انه بنحطم اللاعب تحطيييييم |
بن جبله يسمع منك ربي ان شاء الله موفقييين |
من تمبا فلوريدا امريكا حبي للزعيم دايم رغم الظروف و رغم ما يحصل للتدمير الزعيم (( باذن الله البطوله الاسوية هلالية )). |
| الوقت المعتمد في المنتدى بتوقيت جرينتش +3.
الوقت الان » 02:46 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd