|
إقتباس:
- هلا بـ هلالي بس مدريدي .. فعـلا الموقف حرج جداً سبحان الله على صعوبة موقفهاً لاتريد الخروج من السيارة .. الله يحميها من كل شر ان شاء الله .. الف شكر عزيزي على مرورك العطـر .:rose: .. |
كفوووو الله الى انقذ الفتاه من الغرق في الوادي |
http://www.alrassxp.com/uploaded2/26721/01242332362.gif جزاكم الله كل خيرا يا أبطال برغم أنه موقف مؤلم جداً لكن يشعرك بالفخر أن الرجولة مازالت على قيد الحياة الرجولة التي دفعت أولائك الشباب ليزجو بأنفسهم في الخطر من أجل إنقاذ أمراة ضعيفة بينما يمارسونها البقية من خلف كميرات جوالاتهم فلا عجب (( فاقد الشيء لا يعطيه )) |
موقف يشعرك بالفخر ويرفع راسك .. بأنه لازال هناك رجال يخاطرون ويجابهون الموت من أجل شخص لا يعرفونه ولا يجمعهم به شيء - لولا الشهامه والشجاعه والتربية الحسنه والتي قادت لإنقاذ نفس بريئه بعد مشيئه الله عز وجل. الصور بشكل واضح للأبطال .. سيف النمـــاصي يميــن الصوره " بالغترة " رشيــــد الهمــزاني .. |
يملا العافيه وصراحه موقف بطولي وقلما تحصل مثل هالرجال إقتباس:
ونعم والله يابو شمر الله يعطيك العافيه |
( من فرج كربة مسلم فرج الله عنه كربة من كرب يوم القيامه ) او كما قال عليه الصــلاة والســلام |
شكرا لك اخوي محمد على الموضوع ... والله يجزاهم خير هذين الشابين الشهمين ... دمتم برعاية الله,,, |
الحمدلله ع سلامتها وقدامها العافيه ان شاءالله .. ويعطي الشباب الف عافيه ويجزاهم الف خير.. |
الحمد لله على سلامتهم مع ذالك كم عائلة ماتو الله يرحمهم :( والعالم ماتفهم الدوريات سدو طريق مشار وينزلون من عند الاشارة انا اخوياي حشرهم السيل ونزلو من الجبل كنا طالعين من الكلية وسبحان الله عييت اروح معهم علي اختبار وبالليل جوني وجيههم متقلبه الله يجزا اللي انقذوهم خيييييييييييييير |
إقتباس:
هلا ابو ميار يامرحبا .. والله يستاهل كل خير الله يوفقهم ان شاء الله خاصة بعد توظيفهم من قبل الامير نايف بقرار عاجل وترقيتهم ايضا .. .. |
هذا الرجل المناسب في المكان المناسب هذا المفروض يكون بطل قومي في حائل وفي السعوديه كلها ما اقدر اقابله عشان اشكره .. لكن ما املك له الا الدعاء اسأل الله ان يجعله ممن ينعمون بالنضر الى وجهه الكريم هو ومن ساعده في انقاذ تلك الفتاه المسكينه امين ياكريم ودي اعرف البنت وش قاعدت تنتضر يوم شافت الموت ...! الحمدلله الي عداها على خير .. لكن هذا درس للبنات يتعلمون سرعة ردة الفعل مو زي قصة العائله الي ماتت في الباحه قبل اكثر من 6 سنوات :( والله يوم اتذكر قصتهم يقشعر جلدي كانو واقفين على راس عقبة مشهوره في الباحه بخطورتها و انحدارها و مع ذلك مناظرها الساحره نزل ابوهم من السياره و جاء الولد الصغير بيجلس مكان ابوه و دعس على الجلنط و انفتح وبدت السياره تدحدر .. وامه جنبه بدل ما تسحب الجلنط جلست تصارخ والسياره تمشي مشت وزادت سرعتها لين طاحت من راس الجبل وابوهم مسكين يطارد وراء السياره لين ماطاحت ماقدر يلحقهم لقوهم بعدها بيوم .. او لقو البقايا الي بقت منهم :( الله يرحمهم .. |
إقتباس:
هلا بهلاليه محترفه .. مثل ماقلت اللي سواه مجازفه الله يعطيه العافيه وفعلا انقذ روح من الموت .. ويحق له يفتخر باللي يسويه , مشكوره على مرور قلمك الانيق . |
يعطيــهــم آلـعــــآآفيــــه.. ^_^ |
ما شاء الله عليهم صدق رجال بس انا وش قاهرني هالي يصور مو وقت تصوير بس سيف الشمري شنب صراحه اما الدفاع المدني خلها على ربك مشكووووور |
كفووو انا اشهد انه رجل بطل ..!! ولايضـهر في المواقف هذه الا الابطال ..!! واقول لك الف مليووون مبروك الوظيفة من الامير محمد بن نايف ... |
| الوقت المعتمد في المنتدى بتوقيت جرينتش +3.
الوقت الان » 05:36 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd