][ حضر رئيس البرازيل ][ فعزف السامبـا .. فريق المجلس العـام ][ ( تقريـر + صـور ) - نادي الهلال السعودي - شبكة الزعيم

leo messi · #1 15/05/2009, 02:15 AM

وسط حشد جماهيريٍ غفير غصب به مدرجات وبرحات

ملاعب الهداف ووسط حضورٍ اداريٍٍ وشرفيٍ كبير ووسط اجواء يسودها التفاؤل والعزيمه..! اجرى ابناء المجلس العام

الاشاوس عصر هذا اليوم اولى تمارينهم الاستعداديه لبطوله شبكه الزعيم

التي ستنطلق بعد اسبوعٍ تحت قيادة المدرب متعب اولاريو

الذي بدأ الحصه التدريبيه بتقسيم اللاعبين لفريقين ثم تم تأديه بعض التمارين اللياقيه الخفيفه بعدها اقيمت مناورة قويييه شهدت الكثير من اللمحات الرائعه التي اطربت الجمهور الغفير الحاضر وانتهت بفوز الفريق الاصفر بهدفين .. تخلل المناورة ايضا ايقاف اللعب اكثر من مره لشرح بعض الجمل التكتيكيه ووكيفيه التعامل مع الاخطاء والفرص القريبه من المرمى .... ثم انتهت المناورة بتقسيم اللاعبين لمجموعات قليله تم من خلالها التدرب على التسديد من خارج المنطقه وتنفيذ ركلات الجزاء وابشركم سجلت على حارسنا الفلته قول من بلنتي مثل هدف زيدان بنهائي 2006

بعد ان ضاعت اكثر الركلات بأستثناء تسديده هامور البورصه

* نقـــاط من التمريـــن

* العضو الشرفي الداعم والاداري المحنك ابو طلال كان حاضرا وموازراً ووقف بجانب الفريق وأكد انه وابنه طلوووو

لن يتوانىَ في خدمة الفريق وقد كان لحضوره الاثر الكبير في بث روح الحماس بين اللاعبين الذين اكدوا انهم يتفاءلون به كثيرا << راح فيها بندر بن محمد

* شهد تمرين هذا اليوم غياب مدرب اللياقه السيد ( المشاغب ) وتشير المصادر الى ان سبب غيابه حتى اللحظة.. غامضاً بعد ذهابه الى جبال تورا بورا الافغانيه حيث اكد ان الفريق سيؤدي حصه لياقيه على سفح احد الجبال هناك .. علماً بأن الجميع وضع ايده على قلبه خوفا ان يكون قد ( نشب ) في احد الجبال

........!

* حضر التمرين مدير فريق الموج الأزرق من منتدى الجمهور (

At3b- AnA

) وقد قوبل بصافرات الاستهجان طوال وجوده في الملعب من قبل الجماهير الكبيره الحاضره

* بعد تمرين اليوم كان اكثر الجماهير يتحدثون فيما بينهم ( عن نتيجه قياسيه ) سيحققها ابطال المجلس في مباراتهم القادمه .. علماً بأن اقل رقم واكثر نتيجه توقعها الجمهور هي ( 5 /1 ) وقد ارتسمـت ملامح الدهشـه على الجميع بسبب اجمـاع اغلب جماهير المجلس على هذه النتيجه << ولكن بعد ان عرف السبب بطل العجب

<< ماكني صدت عصفورين بحصاةٍ وحده ؟؟

* الرئيس البرازيلي الذي حضر للرياض اليوم .. تشير بعض المصادرالموثوقه

انه اكد للقريبين منه ان احد اهم اسباب زيارته هو مشاهده فريق المجلس العام والاستمتاع بفنون كرة القدم على حد وصفه .. وعندما قاطعه احد الاخوياء اللي عنده قائلا : لايوجد من يُمتع غير البرازيل

اجاب فخامه الريس حرفياً

بعد ان وضع السيجار الكوبي في الطفايه

و طق رقبته يمنةً ويسرة محاولاً كبح جماح نفسه من تصرف لايحمد عقباه بسبب كمية الغضب التي اجتاحته من سؤال ذلك الخوي : ( وراء ماتلبخ لا اجيب ربرتو كارلوس يمزّع والدينك

لين تعض الارض

) ويقال ان الرئيس بعدها تمتم ببعض الالفاظ الغير مفهومه تجاه ذلك الخوي << قايلكم عشق المجلس العام غير

صور من التمرين ...

هالصورة قبل بداية التمرين وتشوفون بالصورة هامور البورصه على اليمين لابس ازرق وعلى يساره محدثكم

وعلى يساري الكوتش متعب

ومدريدي عاشق سامي

اللي متقاسم الصورة مع العارضه ....!

وهنا مشروع هجمه خطيره من احد نجوم المجلس

وسط دفاع قوي للفريق الاخضر ....!

وهنا واحد من الاعضاء نااسي اسم يوزره .. متوزي من الحكم ويدف المهاجم المشكله هالقطه على الخط ولاحسبها ابو مقبل ثم حسب بلنتي طااامه

اول مره اشوف مهاجم يكسر المدافع ويأخذ بلنتي

يالبى الحماس بس

انت شف بس كل العالم ناقزين هذا يدل انهم على قلب واحد

وهنا اجتماع مابين الشوطين وتحديد التغييرات

هذا رياااان

ماشاء الله عليه من دخل وهو شعله من النشاط

وهذا طلّووو

ماشاء الله عليه ..الله يحفظه ويقر فيه عيون والديه ...!

اخيــرا ...!!

* الحارس المخضرم والشاعر الجميل ياسر الثقفي

ماوقف ابداعه على الحراااسه .. ولكن هالمره ارسلي ابياااات شعر وصورة هديه لأعضاء المجلس تفضلوا هديه ياسر ...!!

وهذي الابيات ....!

تهتز كل الأرض وترفرف أعلام
........................و المجلس اسمه فوق في كل معّلم
أهل الفكر والعلم وأصحاب الأقلام
.................................والحالمي ياناس خلوه يحلم
حنا ندك حصون ونحطم أرقام
.......................واللي بدأ ( يهايط ) ترا البادي أظلم
أبو طلال يقودنا عز وإقدام
...............................ويقودنا ماجد ومتعب ويسلم
ويبقى الكلاسيكي على مر الأيام
.................................على قلوب الحالميين مؤلم
يشهد لنا التاريخ عام ورى عام
...............................يوم الخماسيات في ليل مظلم
يوم اكتسحناهم وهم كانوا نيام
..............................في وضع مايرضاه كافر ومسلم
المجد يا تاريخ للمجلس العــام
........................ والحالمي ياناس خلوه يحلم

* ياشباب .. ترا المقصد من كل ماكتب فوووق نوسع صدورنا .. اقول هالكلام للي يحسبون انّا جادين وان حنا في معركه او مشاكل او غيرها ....!
لا والله حنا اخوان

وعيال موقع واحد

... والاكيد انا ننتشرف بكل الاعضاء اللي قابلناهم سواء من العالميه

او من الجمهور

كان معكم مدير المركـــآز

....!

الشكر لللغالي القيصر رهيب

على رفع الصور ....!

ابوريناد · #2 15/05/2009, 02:17 AM

* حضر التمرين مدير فريق الموج الأزرق من منتدى الجمهور (

At3b- AnA

) وقد قوبل بصافرات الاستهجان طوال وجوده في الملعب من قبل الجماهير الكبيره الحاضره

ههههههههههههههههه اضحكتني يافتى ...يارجال قاعد اصور تمارينكم لحظة بلحظة حتى يوم جاكم فاول طبيت نص الملعب عشان القط الصورة صح هههه من الحماس طبعا وبعد اذن مسبق من ماجد مقبل.

وبعدين كلامك غير الواقع ياخي انا مصور صورة كلكم هجوم وصورة كلكم دفاع حسيت تلعبون بملعب سداسيات ههههههههه

المشكلة حتى وانتوا لكم سنين بعضكم مايعرف خويه الحين مباراة كاملة واخرتها 2-0؟؟؟؟ وين الهجوم اللي تقولون وولا ديفيد فيا والاتيري هنيري

اجل لاعب قدام الباب يشووت الكورة في جسم الحارس والا مرة يشوتها بكل قوته في العارضة ههع

اما انت ياصاحب الموضوع زين لو حطوك احتياط احد يلعب وهو لابس كاب

عمركم شفتوا لاعب يلعب بنظارات شمسية مو ناقصكم الا نظارات سباحة تلعبون فيها

بس عاجبني حماس متعب متحمس وبالاخير بتنسقونه مثل مدربكم السابق

ماجد مقبل ومتعب اشكركم على حسن اسقبالك

وعاجبني لاعب تقدر تقول أفضل السيئيــن اللي هو ريــان

تقولي بتفوزون خماسية هاه خخخخخخخخ

تدري عاد بنتفق مع اللجنة ان نبدا المباراة معكم وانتوا 2-0

وبنفوز عليكم 6- 2

وراح تعرفون فريق الموج الأزرق وش بيسوي فيكم

الموج الأزرق جاااكم المووووج الأزرررق

القيصر رهيب · #3 15/05/2009, 02:17 AM

فالكم الكأس الازرق .. الذي يلمع

يعطيك العافية يسلم جستنية على هالتقرير

لو درينا إن أبو ديالا يبي يجي كان جينا عشان نقول له أووووو

R D H · #4 15/05/2009, 02:18 AM

بسم الله مااشاء الله

وش هالحلاوه يا شباب المجلس .

جميع المؤشرات تنبئ عن بطولة قويه جداً ..

تقارير عن التدريبات .. وصور .. وتغطيه .. ومناورات تدريبيه .. ومناروات بطيخيه .. وحركات

أعضاء الزعيم صاروا زباين معروفين عند ملاعب الهداف .. الباكستاني المسؤول عن الكور حفظنا خلاص

..

طبعا الكل شاف تقرير تدريب احد فريقي الجمهور .. وشاف هالتقرير .. واستغرب وين العالميه ليه مانزلوا تقرير عن تدريباتهم ؟

نحب نقول لهم .. أننا ناس نعمل في صمت ..

كما هي الغدد الصماء ..

( على طاري الغدد الصماء

.. مره جاني سؤال في اختبار الاحياء النهائي بالثانوي .. ( عرف الغدد الصماء !

) وانا بصراحه ماكنت اعرف الاجابه ومااحب اترك سؤال فاضي

.. لازم اكتب اي شي لو حتى سواليف .. رحت كتبت الإجابه " هي الغدد التي تعمل في صمت

" خخخخخخخخ .. والله ياهو جاني تنتيف من مدرس الاحياء لما شاف ورقتي

)

فنحن كالغدد الصماء .. نعمل في صمت .. بعيداً عن الإعلام وهالاته .. ورح نفاجئكم

..

الواحد يسمع عن تشتيت الخصم بالتحركات السريعه

يسمع عن التحرك بدون كره

لكن " النقز بدون كره "

هذا اول مره أسمع فيه بصراحه

اشوى أنه مافي تصوير فيديو ولا كان شفنا المدافع وهو يسجل هدف بمرماه

..

//

ياعيني ياعيني ..

بصراحه ظابطين الدور ..

المدرب واقف وقفة قيادي ..

والإداري يقاله يتابع عن قرب .. ويعطيهم دفعه معنويه .. ويوعدهم بالمكافآت ( حبة بخاري عالفحم لأفضل لاعب

)

بالتوفيق لكم ياحلوين ..

//

ماشاء الله عليك يا أبو طلال

.. والله وعرفت تخلف

.. ماشاء الله على طلال الله يحفظه ويحميه يارب ..

///

بالنهايه أشكرك يا ليو ميسي

.. ماقصرت يالغالي ..

وأتمنى التوفيق للمجلس

.. والله يقويكم إن شاء الله ..

شكراً للجميع ..

دمتم بأجمل حال

عريب عبدالله · #5 15/05/2009, 02:25 AM

الى الآن ما بعد حددت أنتمائي لين حددته عطيتكم خبر

أنتظر أعلى سعر يوصلني

حسيت أني حقوي

صدقوني لو لعب هالبطل أضمنوا البطوله

لكن بما أن سلطان بيلعب وهالبطل بيجلس بدكة الأحتياط فالبطولة طارت منكم

بسم الله عليه طلال

الله يحفظه ويخليه لعين ترجية

بالحب والإشراق

حتى ظلالي هلالي · #6 15/05/2009, 02:27 AM

رئيس البرازيل كر1

سلمو لي على ابو فيصل بس

<< حجز مؤدب

.............

هلا والله بالمركز الاعلامي

يسلم لايدرون عنكـ الجمهور بس
يخلونك تنزل تقرير التمارين كل يوم

إقتباس


	وسط حشد جماهيريٍ غفير غصب به مدرجات وبرحات ملاعب الهداف

غصب ..!

يعني هذي فوق مستوى غصت به المدرجات

كنايه عن الكثرهـ

إقتباس


	تحت قيادة المدرب متعب اولاريو

ياعيني يا ابو اولاريو

بس حسكـ عينكـ نطلع من البطولهـ لو حتى بالمركز الثاني

على الاقل مو عشاني ولا عشان المجلس

عشان هالاسم الي شايلهـ بس

إقتباس


	* العضو الشرفي الداعم والاداري المحنك ابو طلال كان حاضرا وموازراً ووقف بجانب الفريق وأكد انه وابنه طلوووو لن يتوانىَ في خدمة الفريق وقد كان لحضوره الاثر الكبير في بث روح الحماس بين اللاعبين الذين اكدوا انهم يتفاءلون به كثيرا << راح فيها بندر بن محمد

الله لا يخلينا يابو طلال

يا قلب المجلس النابض

<<

إقتباس


	* شهد تمرين هذا اليوم غياب مدرب اللياقه السيد ( المشاغب ) وتشير المصادر الى ان سبب غيابه حتى اللحظة.. غامضاً بعد ذهابه الى جبال تورا بورا الافغانيه حيث اكد ان الفريق سيؤدي حصه لياقيه على سفح احد الجبال هناك .. علماً بأن الجميع وضع ايده على قلبه خوفا ان يكون قد ( نشب ) في احد الجبال ........!

خلوهـ ينشب لين تخلص البطولهـ

لان بصراحه اخاف يغطي على الحسيني

ويقطع رزقهـ من الهلال

إقتباس


	* حضر التمرين مدير فريق الموج الأزرق من منتدى الجمهور ( At3b- AnA ) وقد قوبل بصافرات الاستهجان طوال وجوده في الملعب من قبل الجماهير الكبيره الحاضره

افااا ليهـ صيحات الاستهجان

مو حنا متفقين على التحلي بالاخلاق السعوديه

والاخلاق السعوديهـ تقول لاتصيح وتستهجن على الخصم << اما تركيب الجمله

إقتباس


	بعد ان وضع السيجار الكوبي في الطفايه و طق رقبته يمنةً ويسرة محاولاً كبح جماح نفسه من تصرف لايحمد عقباه بسبب كمية الغضب التي اجتاحته من سؤال ذلك الخوي : ( وراء ماتلبخ لا اجيب ربرتو كارلوس يمزّع والدينك لين تعض الارض ) ويقال ان الرئيس بعدها تمتم ببعض الالفاظ الغير مفهومه تجاه ذلك الخوي << قايلكم عشق المجلس العام غير

تدرون عاد هونت اعلق على هالنقطهـ

اخلاقي السعوديهـ تمنعني

إقتباس


	يالبى الحماس بس انت شف بس كل العالم ناقزين هذا يدل انهم على قلب واحد

دليل الحماس و القلب الواحد ان كل راس في جهه

واحد تحت وواحد يسار والثاني فوق

اداري الفريق الي ماسك الكورهـ ..؟!

من الحماس يبي يطب يلعب سامي الجابر

الله يخليكـ لعين ترجيكـ

* نقطه اداريه

الحين يوم انكم تختارون لبس المنتخب وش تبون فيه ..!

تبون تنصكون 8 يعني

ما اقول الا الله من زين الحظ الي بيصير معكم على هاللبس

وليد القحطاني · #7 15/05/2009, 02:28 AM

شئ كويس
شكرا اخوي

بركان أزرق · #8 15/05/2009, 02:28 AM

88888

طسي انتي

8888

تكفوون اللي يشوفه يلفعه عني

...

بالتوفيق لكم اعضاء المجلس

وصراحة تعبتوا انفسكم تدريبات وتعب والبطولة مضمونة

ومن زود التأكيد على ضمان البطولة ان اول فريق بتقابله العالمية

حزين 9 · #9 15/05/2009, 02:29 AM

بأذن الله الكأس للمجلس

والشكر موصول الى

ماجد مقبل

والى المدرب القدير ابوميار

وبأذن الله الحماس الي كان بالتمرين يستمر الى نهاية البطولة

تقبلو مروري

الهلالي دائماً · #10 15/05/2009, 02:32 AM

الله يعطيك يسلم على ها التقرير

وبالتوفيق للمجلس العام

at3b-AnA

الله يستر مراقبنا اجل اول رد

لا واللي بعد القيصر الرهيب ابراهيم

يا جماعة نحن مستهدفون ههههههههههههههههههههه

rayan0099 · #11 15/05/2009, 02:33 AM

يالله حيه .. وأنا اقول من هالكشخه هذا اللي بس يصور

وأثاريه انت .. لبىآ قلبك واللهي ... ويعطيك العافيه ع هالتصوير
وميير ياخي احسك صورت فوق الـ100 صوره ، بس مدري وراهن تقلصن

والله يعطي العافيه لـ المدرب أبو ميار .. ماقصر واللهي أبدع بالتكتيك اللي سواه

ومدير الكره ماجد مقبل اللي ازعجنا كل شوي جايينا ويقعد يسأل وين ساكنين وأرقام جوالاتكم و و و

والشييخ الكبيير أبو طلال الله يخليله طلال

وإن شاء الله االوشسمه الكآآس من المصنع ببريطانيا الى معقر المجلس بإذن اللي ماتنام عينه

والله يوفق الجميع يارب
ولاتبخلون علينا بدعواااتكم

بريماكس · #12 15/05/2009, 02:34 AM

انا متشائم هههههههههههههههههههههههههههههههههههههههههههههههه

امزح هع هع هع

هلا يسلم ... كيف الحال ؟

والله ياخي نبي حنا مستوى جيد مانبي مواضيع وهياط وبالاخير ننصك خمسه

صحيح ترفع معنويات بس الشئ لازاد عن حده انقلب ضده البعض هياطه مدري شيبي

لا اخفيك انا متفائل بفريق المجلس جميع ولكني متفائل اكثر بوجود هذا البطل ( مدريدي عاشق سامي ) احس بيكون له شأن في هذه المسابقه ..... وبتتذكرون كلامي .. طبعاً هذا اذا ما اصابوه من اول مباراة

وكعادة المبدعين

لكن الله يكفيه الشر والجميع!!!

شكراً .. وترى الى الان ما اشجع احد لان واحد من العالميه عارض علي اشجعهم بمقابل وانا محتار

سلاام .