07/05/2009, 04:18 PM
|
زعيــم فعــال | | تاريخ التسجيل: 06/08/2008 المكان: في قلب الزعييييييييييم
مشاركات: 346
| |
ياجماعة الخير ياسر صحيح انه هبط مستواه وانا معك في كل كلمه قلتها لكن حط نفسك في مكانه ترى ياسر يعاني من ضغوط خارجه عن سيطرته حتى مع اهله وانسباه فأدعو له في صلاتكم ان الله يفك عنه هذي الضغوط ويرجع لحياته الطبيعيه وبأذن الله راح يرجع ياسر يمرض ولا يموت وان شالله انه راح يرجع ادعو ان الله ييسر اموره في دنياه واخرته مو كافي جماهير الأصفرين الله لايحللهم ولا يبيحهم ضاغطين عليه بالهتافات المشينه ولا هي من اصول ديننا هذولي بالله مسلمين مايخافون ربهم لكن حسابهم عند الله سبحانه
ان الله يمهل ولا يهمل
ولا تقولون لي محترف وراح يعاني من ضغوطات والمفروض يطنش مهما طنش كافي المشاكل اعائليه لكن بأذن الله راح يعود عوده حميده
واللي يقول محترف وماأدري ايش ومن الكلام هذا حط ياخي نفسك مكانه ياللي تقول محترف وورني شطارتك لو اقرب الناس يمسك عليك شي وهو يعزك وياخذها من باب مزح ويستهبل عليك قد ماراح تتقبلها راح يكون مأثر ولو شي بسيط في نفسيتك خلونا عن المثاليات وخلونا نتكلم بواقع انا اتمنى الأيقاف هذا زي ماقال أخوي الكاتب الله يعطيه العافيه مثل الأجازه لياسر يروح يريح فيها
ويحل مشاكله وبأذن الله راح يرجع ياسر كما عهدناه ويمكن افضل بعد بأذن الله
اهم شي اتركوا كتاباتكم عن ياسر حاليا خلوه يرتاح حتى من بعض الأعضاء الله لايهينه اللي ينتقد ياسر وهو مندس يبي يحطمه
لكن بأذن اللي ماتنام عينه ياسر ان شالله لن يتحطم وراح موج ازرق يغرق كل مندس وكل من لايخاف الله
وبالنسبه لبعض المواضيع اللي ينتقدون الفريق وينتقدون اللاعبين والرئيس
اقولهم استحوا على وجيهكم ترى الهلال مر بأزمه مايعلم بها الا الله من طرد مدرب ولخبطة اوراق كل الفريق والهلال مهما انهزم وبغض النضر عن النتايج الهلال يمرض ولا يموت وبأذن الله راح يرجع كما عهدناه وراح يرفع الراس مره ثانيه بس اصبروا عليه مع بداية الموسم القادم الموسم الحمدالله انتهى وفوق هذا طلعنا بكأس وتأهلنا لدوري أبطال آسيا والموسم المقبل راح يتحسن كل شي ان شالله من لاعبين ومدرب وراح ننافس ان شالله على كل شي دون استثناء ولا تنسون الدعاء لياسر والفريدي بالعوده بالسلامه ولأسرنا بلعبهم ومتعتهم
والله ولي التوفيق اسف ياصاحب الموضوع على الأطاله وياأعضاء المنتدى والله يكتب اللي فيه الخير لنا جميعا
كلام من القلب حبيت اقوله لكم والسلام عليكم ورحمة الله وبركاته
الحمدالله ولا حول ولا قوة ألا بالله انت اغلى بطوله , والله لايحرمنا منك |