السلام عليكم ورحمة الله وبركاته >>> اللي مايرد السلام ياويله


اشلونكم شخباركم


ماله دداعي مقدمه الموضوع خفيف وسريع


دخلت الجمعيه ولا ذاك الشايب الكبير يمكن عمره 60 مو اقل وغصب يمشي ويكح وتعبااااان وحالته لله ....
ولا وصلت بحاسب الاغراض اللي شريتهم وهو وراي انا كانت اغراضي وايد وهو ماسك 3 اشياء قلت خل اخليه قبلي هالمسكيين


قلتله اتفضل عمي قال مشكوره ياابنيتي

توا واقف ولا يدق جواله هيفاء وهبي


لحظه لحظه بستوعب يمكن ماخذ جوال بنته ؟؟؟ لا اكيد جواله

ولا بعض البنات يحطون رنات الله يهديهم مانتقال تسمع صوت المغنيه الانجليزيه وهي تتعصر وتغني واصوات مالها داعي بالاغنيه والشباب متنحين عالصوت من وين يطلع


وتلقى دكتوور بجامعه كبيره يدق جواله ولا نفس الشي نانسي ولا هيفاء


مره واحنا بالطبيب ننتظر الدور واللي مريض واللي تبكي من الالم واللي ماله خلق شي ووحده يدق جوالها (( كان في ارنب قاعد يلعب لالالا ))

ولا بنت في قمه الانوووووثه وكيووت وذربه ويدق جوالها حاطه عدني ولا جلسات


ولا بعض الناس اول مايدق الجوال تخترع تقول اشصاار بالدنيا ولا حاطلك ذييك النشييده الكئييبه عن القبر والموت ليييييييييش عاد

في وايد اناشيد حلوه عن الصلاه ولا بر الوالدين ولا الاعمال الصالح ولا الجنه ولا الرسول عليه الصلاه والسلام


هذا مامر بجعبتي اليوم >>>

حاولت احط اكثر من سالفه بس من فتحت موضوع جديد كل شي تبخر


مره مر عليكم مثل هالمواقف انتو ؟؟؟

اختكم شوق الكويت