إذا جده غير الرياض وش تصير (أدخل وأقر عن المعالم السياحيه بالرياض)
إذا جده غير والله الرياض ..غيريييين
الأماكن السياحية أو التي تستحق الزيارة والمشاهدة في الرياض <- الحبييبة

1-الحلة وخصوصاً حلة القصمان (( ومصنع الزبيريات )) آه على زبيرية على مقفى بعض الناس .

2- وادي لبن ولا تنسى حجز السيارات اللي بالحاير.

3- أفرشلك سجادة وسط شارع الستين مع تقاطع شارع جرير ، فيه تلفزيون كبيييييييير يهبل ، تفرج على فلم كرتون ( البس والفأر )
والمتمدنين ( tom and jeary ) فيه..... براد وساعة صدر

4- حديقة الحيوان ولكن لا تدخل يكفيك إنك تتفرج على اللي متسدحين على العشب اللي حول الحديقة .

5- البعارين اللي على جنب خط الدمام السريع بعد الفحص الدوري ،
فيه بعيييير أبيض يهبِّل بعد ....
ولا بعد خابرلكم سوداني يعطيكم من حليب الخلفات بعد وش تبون أحسن من كذا.

6- الانهار اللي في الحاير شي رائع جداجدا طبيعة ساحره !!!! ماليزا مو عاد جدة تحصل مثلها !!!!!!!!!
وريحة الفل واليسمين شي يههههههههههههبل!!!

قبل كم أسبوع في الجريدة يحذرون الفلبينين والهنوداللي يصيدون سمك فذا الانهار ...ليش ؟؟؟؟؟؟


7- حديقة النهضة في طريق النهضة وخاصة ألعاب الأطفال ،
ومن عجائب الدنيا السبع، فجأة ولدك يلعب وبدون سابق إنذار تحصلة جالس على الأرض لأن الألعاب مشققة مع النص ،
بحياتك شفت زحليقة عرضها 2 سم من اليمن ، و 2 سم من اليسار والنص مفتوح.

8- الأسواق وهذي يبغالها شهر حتى أعطيها وصفها.

9-منفوحة وحدائق بابل اللي وراها كما أنصحك بزيارة حديقة الهايد بارك
( حديقة الفوطة ) ولا تنسى زيارة مركز التجارة العالمي عمائر البطحاء


10- طريق المطار بين مخرج تسعه وعشره؟؟؟؟ يمدحون الشوي فيذاك على الرصيف


11-فيه شيئ في الرياض مو في اي مكان في العالم وهو ما يتكرر في السنه
الا في حاله وحده بس وهي اذا ربي رضى علينا وجاب مطر
مخرج 13 لا يفوتكم ياجماعه في موسم الامطار يطير المخيخ الاصغر من محله .

12- ولا جاب الله مطر زورونا في طعس التحدي تجدون ما يسروكم .

13- ولاتنسون بعد شارع التكحيل العام قصد العليا العام (( ناس تكحل وناس ترقم ،،، وحنا يغافلين لكم الله حدكم تكحيل ))

اتمنى من اخواني واخواتي المنسمين اذا عندهم مواقع سياحيه في الرياض يعطوناها ولا يبخلون علينا

من أجل سياحة داخلية مشرقة

ملاحظة : دخول العزاب مسموح في جميع التجمعات العائلية ...