|
رد : ₪۩۞…§۞۩₪»: : :ســـوالـف مــغازلجــيه : : :«₪۩۞§…۞۩₪ ツ】ઇ需: : : سـوالف مـغازلجيه : :需ઇ【ツ الموضوع هذا كاتبه من كم شهر بس العجز خلاني مانزله والموضوع شوي طويل فتحملوه :D http:///pic/ujq25927.gif http://secret101./%D8%A8%D8%B3%D9%85...8%A7%D9%85.bmp اليوم جايب لكم موضوع يتكلم عن الغزل وتناحة الخرفان السعودين وكاتب لكم كم قصه .. ماراح اقولكم الغزل عيب وحرام ومدري وش بعد لآن كلكم كبار وفاهمين وعارفين خسايره ( طبعاً تمص دراهمك هالإتصالات السعوديه مصّ ) انا يا جماعة الخير مخاوي زلايب دلووووخ للأسف ، وترى ماني دلخ مثلهم .. دلخ شوي بس .. واحد من الشباب غبي لدرجة التناحه وتعرف له على بنت انا الي قاهرني البنت اشلون عطته وجه المهم ومسوي يحب البنت وقالب ( قيس دخل المحدود ) على غفلة وفي يوم من الايام ارسلت له البنت رسالة كلام كثير وحلو واخرتها تشااااااااااااااااااو وقرأ كلمة تشاااااااااااااااو ويحسبها تقوله ( انك عطسه وعطستك و أفتكيت منك ) عاد هو على باله أبو جلنبو الدرعيه <= هذا مصادق أرسطو أيام زحفه .. لحد يصدق بس و تطلعون نفس خويي الغبي .. وقام يقلّب كلامها ويحسبها تسبّه . ويقوم يرسل لها اقلبي وجهك يا بنت الكلب مهوب انا الي انعطس و.... الخ و في الأخير كتب يرحمتس الله .. المهم البنت انصدمت من الرساله وردت عليه تقول ( الحمدالله على العقل ) و الرجال حس إنه جاب العيييييد .. ويدق عليّ .. طارق تعرف فلانه كرشتها لك كرش قلت لييه ؟ اخبرك تحبها وش صاار يولد عاد هينا المصيبه يوم قالي السالفه .. بنت الكلب مرسله لي رساله واخرتها كاتبه تشااو .. وش قصدها يا طارق ..؟ .. قلت ما فيها شي .. قال مانيب عطسه عندها يوم تقول تشااو الغبي متهاوش معها وهي تبيه و مرسله كلام حلو و يحسب إنها تتكلّم عليييه .. لأنه في وقتها كان منعمي و معصّب لو تطلع له أمه لعن جدفها .. وفالأخير يوم فهّمته الوضع تأكد إنه جاب أوّل أعياد السنه .. و أنتظر العيد القادم له .. \ / يا جماعة الخير هذول نااس ينعطون وجه الله يرحم ايام الغزل ايام ماكنت اعطي درووس عن الغزل العفيف الشريف <(=== روميو خنشليله مهوب غزل هاليومين جوال ومدري وش بعد واخرتها اروح اشوفها في المملكه واطلع انا احلى منها أو تشوفني الهيئه و ترنّنني رن ّ .. و يا حساافة المكالمات والخساير بس .. وش تقولون دلووخ هذا الاول ツ】ઇ需: : : نـروح للثاني : :需ઇ【ツ المصيبه الثاني الفنان الشاعر :D المهم هذا انسان شايف نفسه ومسوي حلو وعليه صلعه لو بغوا يستفيدون منها شركة الإتصالات السعوديه في سحب قوّه مغناطيسيه من الشمس والله ان يستفيدون وعيارته بالاستراحة ماك لان صلعته بحرف M.. وبنفس الوقت يكلم وحده وسوالف معها ويقولها اسمي فهد ال فيصل على باله حضري من كاشات الرياض مادرى إن الحلاق اللي عند بيتهم يحلّقه بـ ريالين لأن مافيه شعر و لأنه الفقر طالع من خشمه .. المهم مع السوالف قالت لهفهد غن ابي اسمع صوتك وانت تغني قالها مابي و أخاف تنظليني .. ومع الضغط و السكر وافق .. و قال ابشري بعزك وينقلب لهاجورج و سوف .. واغنية المراهقين صارحيني ترن ترن <== هذي أغنية لـ جورج وسوف بس سارقها عبدالله رشاد الولد بدا يخربط صارحيني .. منهو انا بدنيتك منهو انا بدنيتك جاوبيني ... المهم اعرفه صوته شييين مثل صوتي بالضبط وشكلها هي بدت تجامله قالت فهووود صوتك حلو مره ليه ماتدخل ستار اكاديمي ، المهم فهود قال اذا رحت استار اكاديـــمي .؟ بتحضرين مع الجمهور قالت ايه بحضر وبصفق لك بعد قال لها خلاص اذا خلصت الاغنيه وفزت قولي بدر بدر بدر بدر <== قالها أسمه الحقيقي و جاب الطامه .. هذا ثوور هذا توه يقولفهد والحين يقولها بدر بدر بدر مبسوط باسمه .. ومن بعد ذا السالفه درت إن أسمه بدر و كرشت أمه كرررررش .. عاد الغبي راح لواحد من الشباب اللي مايمسك اللي مانيب قايل .. وعلّمه و يقوم ويعلّم شباب الإستراحه .. و أنفضح .. خذا له 9 شهور منقطع عن الإستراحه من الإحراج ツ】ઇ需: : : دلاخـة الـعشاق في زمن الإسـتغلال : :需ઇ【ツ وطبعاً نفس الشخص هذا يحب بنت ومتعلق فيها بقوة المهم راح لواحد من الشباب شاعر قاله بالله تكفى اكتب لي قصيده فيها عشان ترجع لي .. وعلى ان القصيده لي أنا .. عاد خوينا الشاعر يقول انا فااضي وطفشان وقلت خلني استهبل عليه وقلت له تبي قصيده اشترها بفلوس قال انا خويك اشلون فلووس قاله والله ماعلي منك تبي قصيده عطني فلوس انت لو عندك مطعم بتخليني اجي كل يوم اشتري منه اكيد لا لو عندك محطة بنزين بتخليني اجي كل يوم اشتري منك ( المطعم تشتري بس محطة البنزين اشلون تشتري ) يعني بتخليني اعبي بنزين كل يوم اكيد لا شف انا ابيع القصايد بـ 500 ريال بس عشانك خويي بعطيك اياها بـ 200 ريال قال خلاص200 بس شف اكتب القصيده الحين واذا عجبتني بعطيك 100 واذا عجبت البنت بعطيك الـ 100 الثانيه يقول انا مابي الفلوس بس ابي اشوف وش بيسوي قلت خلاص اجل واكتب له قصيده قديمه عندي بس حطيت فيها اسم البنت وعطيته القصيده وعطاني الـ100 من بكره جاء قاله خذ القصيده وعطني فلووسي :D البنت قالت القصيده بايخه يقول انا كنت ناوي ارجعها له اصلا بس وقتها كنت مطفر قلت له لا خلاص اجل لعااد تعطيني الـ 100 الثانيه بس هذيك راحت عليك :D \ / والله الخرفان متعذبين يعني عشان تعجب فيني لازم اكتب فيها قصايدوخواطر واسوي قدامها اني شاعر :D ( من زينهن عااد عشان نكتب فيهن قصايد ) :D ツ】ઇ需: : : نــروح لـ ثالث : :需ઇ【ツ اما عاد الثالث هذا واحد تحفة الزمان و يسمع بالغزل .. ويشوف الشباب فالاستراحه يكلمون و يسمعون قصايد حب و حالتهم حاله عاد الاخ يبي يطلع زيهم و حاول يرقّم فالسوق و لا قدر و آآخر مره بغى يرقم ( كفشوه الهيئه و انحاش و قشع في زباله ) المهم .. كان يشتكي للعيال ودي اشبك و اتعرف على بنت و و و من ذا الكلام .. عاد هو اشتكى لناس تسحّب بالشيطان تسحيب كيف لو يجيها واحد خبل مثل رفيقنا .. و يقوم واحد منهم قال له بعطي رقمك اخت خويتي و يقوم خوينا يطلع من الاستراحه و يدق على رفيقنا و يقلد صوت بنت .. عاد خوينا ماهقا إنها تدق عليه بغى ينهبل.. ذاك احلف لو يشوف عنز حاول يشبكها .. و يقوم ياخذ ويعطي و تستمر العلاقه و الأشياء الحلوه مثل شحن بطاقات .. جته فترة و خوينا اللي يقلد سافر للخارج , عاد خوينا الحبيّب يجينا في الاستراحه مهموم و ماله نفس و متغللللق (== خويته مسافره وبعد مده جا اليوم اللي متفقين عليه , تواعد مع خويته إنه يجيها فالبيت .. بس خويه شارط عليه إذا جاء يقابل خويته يعلّمه عشان يروح معه وخوينا الحبيب ماصدق انها تقول تعال , وطلع من الاستراحه وقال لنا انه بيروح يرقد و حنا دارين انه بيروح لها لأن خوينا يرسل لنا رسايل و يعلمنا انه واعده ونقوم نروح للبيت اللي واعدناه عنده .. واحتريناه و لاجاء .. أثره راح البيت يتروّش و يكشخ و يتزكرت .. ودق عليه خويه اللي شبكه مع البنت وساله عن خويته و عن الوضع و لا علّمه إنه مواعدها اليوم .. وحنا جالسين ننتظره إلا هو جايك مشخص و ماخذ موتر أخوه الكورلا <(== على باله كاااشخ بها جعلكم ماتشوفون الكورلا .. حتى الجنط حقها مرشووووش .. ( من كثر الصدمات اللي فيها ) المهم خوينا ( اللي يقلد البنت ) ماعاد يرد على خوينا الحبيب .. وصار يتواصلون بالرسايل .. وحنا ننتظر عند المكان المتفق عليه ورا البيت على أنه بيجي عند البيت و حنا بنجيه على سياره ثانيه على ان حنا أخوانها .. المهم ارسل له خوينا وينك ماجيت والرجال مسوي يستعبط لانه خايف وشاك بالوضع ارسلها وين بيتكم ضيعته ؟؟ رجع خوينا ارسله بيتنا الي عنده الجمس الاحمر تعال بسرعه خوينا خااف وش سوا الوصخ دق على خويه الي هو يجره الحين وقاله فلان ترى البنت دقت علي وقالت تعال قابلني وانا الحين طالع من البيت وجايك ( الوصخ له ساعه يفتر عند بيت البنت ) المهم خوينا صرفه قال انا فيني النوم بنوم الحين تعبان قال زين فالاخير الرجال قرر يوقف هو بس وقف الا وحنا جاينه مسرعين :d ونكع فراااااااامل و نحوّل ( متلطّمين ) قسم بالله ياهو اختبص والله العظيم انه من اللخمه بغاء يشيل جدار بيت الضعووف :d حنا من الضحك ماقدرنا نكمل الموضوع تسدحنا من الضحك :dالرجال يوم شافنا رجع ماسك الجوال وداق على خويه الي جاره يقوله وقسم توني بدق عليك بقول ( اخوانها يلحقووني ) :D \ / ( الي قاهرني بالموضوع ان حنا كنا نصور بس الغبي الي كان يصور ماضغط على تصوير دخل على الكامرا بس ويحسب انه قاعد يصور الدلخ ) في النهاية نيابة عن نفسي أشكر من تعب معاي في تنسيق الموضوع و اللي صمم الفاصل مو لازم نشكره |
نياهاهاها ولكم باك طارق قروشة الظاهر إني مصكوك عين :( لأني الفترة اللي راحت كنت نشيط بالردود و الحين لأسبوع ما أعرف وش أرد :( لكن راد راد الله لا يعوق بشر على موضوعك :D والله موضوع مضحك و شباب دلوخ شرواك :D عداك العيب يا بطل و تعال كل يوم << يسمع بالمدح :D |
إقتباس:
هههههههههههههههههههههههههههههههههههههههههههههههههههههههههههههههههههه جاب اعياااد مو عيييد :d:d معقوله مو عارف معنى تشاو s121s وحتى لو مايعرف يروح على طول يسب بدون ما يستفسر منها او من غيرها:to: والله انوو دلللخ :bx: ضحكتني على هالصبح الله يسعدك :ga: لي عوده لما ارجع من الكليه :to: والعذر اذا سحبت >> ما تنضمن s121s |
هلا هاااموووور.. موضوعك تحفة و خصوصاً الثالث اللي رايح لخويته.. بس حرام عليكم ضيعتوا الموقف و ما صورتوه.. |
واقع مرير نعيشه هالايام الله يذكر ايامي وايامك يوم موضوع مميز وجميل وفي طياته حكم وفوائد تشكر عليه والى الامام ننتظر مواضيعك ودي |
.. هلا والله طآرق .. :ga: أزيك و اخبآرك ..ان شاء الله بـ خير :ga: . .. والله يآخي بعض الخرفآن ينرحمون :to: على نيآتهم مسآكين :d مـآعمرهم سآفوا شي .. وقآلوا بنتعرف :razz: . بعضهم يسوي لك أنه ولد مين و مدري مين و اذا شفته تلقآه منتف ولا عنده شي :razz: . بس فيه نآس تقدر الحيآه الرومآنسيه [ :smilie47: / :ga:] .. نآوي أقولك سآلفه .. بس تذكرت أن بطلهآ معنا بالشبكه .. :d عشآن كذا نستر أحسن :to: . .. ع العمووم شكرا للي سوا الفوآصل :smilie47: ورآهـ محآظره الحين .. و بيروح لها موآصل :cry: . وانت الي مآيحتآج نشكرك :razz: . أمآ عن التنسيق انت مآملا عينك تنسيقي :d من زمآن تقول بخليك تنسق ولا شفنآ شي .. وبيني وبين احسن ريحتنا :to: . شكرا لـ صآحب الفوآصل و صآحب التنسيق وشكرا طآرق :yes: . سلاميشو ... :rose: |
هلا والله بالمزيون :d موضوعك مرتب مو مثلك :d ياخي هالخرفان عادهم حيين :razz: ما اقدر اقول الا الى مـــتــى s121s :rose::ds13s |
ياهلا بطروق حبيبي منزل موضوع وعن الغزل .. قمة الوناسه والضحك :d للفائده بس .. اذا صرت مكلم مكلم .. ومسوي علاقات ( لاتحب من قلبك ):d ولاتصدق كل اللي يقال وقسم بالله 99،99 % من الكلام (خرطي) :d اجل يجيك يكلم حبيبته قبل لاينام ويقوله .. انا مايجين النوم الا لما اسمع صوتك :laugh::d طول عمرك ماتنام :dوتلقاه اول مايخلص المكالمه:d فاقع ضحك مع خويه بجنبه شفت كيف الاسلوب لازم تلعب بمشاعره شوي:cry: لا واللي يقهرني لما تتكلم مع احد عن علاقتهم يقول ( احنا غيرررر علاقتنا ) :dياخي وش اللي غير؟:d مثلك مثل غيرك بداية ........ ونهاية فراق :d والله ياطارق كنا باستراحه زكرتيه مثلك وشرواك:d ونسولف عن العلاقات والمكالمات و .. .واحد يقولي تعرفت على وحده ظلينا مع بعض فتره طويله ( الولد بالجامعه وضابطه اموره ) يقول من يوم تعرفت عليه ودخلت معاه بديت اهمل اموري الخاصه .. اغلب وقتي معه .. وصل بي الحال الى ( الانسحاب من الجامعه )والآن يدرس بكلية تقنيه والبنت تزوجت وراحت :d سالته قلت ياخي مافكرت تتزوجه ؟ قال والله اني مفكر لاني شفت البنت اللي تفهمن بس ما الله اراد :d طبعاً بداية تعرفه معها من خلال (شات ) .. مصيبه اذا بتكون اسره بدايتهم من شات .. وش مصيره ؟!! شخص ثاني ( يمكن يشوف كلامي):dقالي بريماا تعرف فلان ؟ قلت ايه شفيه ؟:d قال مره اخذت جهازه الجوال وعلى طول الرسائل المرسله:d عاد اول رساله دخلته توقع وش كاتب ؟ :d قلت مدري وش كاتب:d قال مرسل (لحبيته) اذا مارديتي علي ترى بيصيرلي شئ والسبب انتي ياويلي تعب يكلمه وهي ساحبه عليه ههههههههههههههههههههههههههههههههههههههههههههههههههههه:d بلا حب بلا وجع قلب وش جانا من ورى هالحب :d الله يهديهم ولايبلاناااا يارب s13s |
إقتباس:
لن أسرد لكم الأحاديث و الآيات و الأحكام.. لأعلّق على الموضوع لإن الغالبية.. قد حفظها عن ظهر قلب.. لكن.. هناك بيت رائع جداً لـ (خلف المشعان العنزي) يقول: ماكتبت الشعر لأجل أبغوي ريم و أغري به عبير ما ورى طرد العذارى مجد قوم و لا فخــــــــــــر شكرا لك.. (التميمي) |
إقتباس:
عشان تصميم واحد وياليتك انت الي مصممه :d ياحرامي التصاميم من زين ردوودك عاد انا يوم شفت ردك اول رد ضاق صدري كان ودي اول رد تكون بنوووته :ga: مهوب ولد واسمه علي بعد :d بعدين انا قلت لك اخوياي دلوخ واجد بس انا دلخ شوي :no::d وين اجيك فيه ترى عادي اجيك بس ابيك تفضيلي الغرفه ومالاقي فيه الا انت :ga: مهوب اجي الاقي عندك وليد مرتز :d اغرب عن وجهي يا حقيير :smilie47: |
إقتباس:
شوفي الانسان هذا انسان عومه يعني عبيط لابعد درجه يجي ويحوس كل شي ويمشي يعني مثلاً حنا بالاستراحه يجي توه قايم يقول يعيال جايع بروح المطعم حنا طيب ماتغدينا الا المغرب والحين بعد صلاة العشاء ماشتهينا هو يعاند الا بروح وصعبه نروح مرتين المطعم فنضطر ان حنا نخليه يروح المطعم يجيب لنا :( ودايم يضيع مفاتيحه لدرجة انه مره ضيع مفتاحه اكثر من يومين وبعد يومين جانا جارنا الي جمب الاستراحه قال من هذا مفتاحه صار الغبي ناسي مفتاحه بباب سيارته وجارنا قال باخذه عشان ماتنسرق يعني جد بتعب لو بقعد اذكرلك سوالفه عوومه كبير عاد ادري انك اووب فاهمه كلمة عوومه بس مشكلتك :d اجل بترجعين ايه قابليني :d :rose: |
خرف يخرف خرفا , اللهم عافهم ولا تبلانا أجل حب وعشق وهيام وما أعيش بدونك وإنتي حياتي كلها , وخويته الثانية متلحطة انتظار ونفس الكلام يبي ينعاد أنا بس ودي أفهم اللي يغير اسمه يعني له اسم حركي في عالم الغزل وشلون مايجيب العيد موضوع رايق يابرنــس |
ألف شكر غلى الموضوع بس والله أني ضحكت ضحك والله ودي أتعلاف على أخوياك هذيلي أبي أضحك شوي |
الله لا يحرمنا من الخرفان بس , :yes: من جد إذا راحوا الخرفان , مين بيخلينا نتونس عليه ؟! s121s طرووووق ’ :ga: موضوعك بطل على طوله :naughty: إلا أنه حوى من الفوائد الشيء العظيم :bx: إلا على طاري , وش معنى تشاااو ؟! :to::d :rose: |
نتغداء ونرجع لك ( قلوووووب من هنا الى هنااااك :D ) |
| الوقت المعتمد في المنتدى بتوقيت جرينتش +3.
الوقت الان » 08:19 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd