|
مقالب جااااااامده بسم الله الرحمن الرحيم السلام عليكم ورحمة الله وبركاته بمناسبة الألفيه الأولى لي بالمنتدى,, جاء على بالي انزل موضوع مصرررررقع واشوف تفاعل الجمهور الهلالي معاه فكرت ودورت من هنا من هناك’’ ماجاء على بالي غير مقاااااااااالب جااااااااااااااامده جمعت لكم بعض المقالب اللي سويتها(تموت بالمقالب :d) وبعض المقالب اللي مرت علي واليكم هذه المقالب: 1 في ليلة من الليالي,, والناس نيام,,كنت انظر الى النافذه وارقب القمر ^^^^^^^^^^^ على بالها بتكتب قصه :to: خخخخخ هذا الله يسلمكم بيوم وانا جالسه مع الأهل وسمرانين كانت ليله عاديه زي كل ليله,,روتين ثلاجة القهوه,,وصينية الحلا,,,وسواليف عامه السهم الفلاني طلع والثاني نزل,,وهذاك ترقي لملازم اول هذا بالنسبه لأبوي واخواني وسواليفنا انا واخواتي: فلانه كان لبسها يجنن,,والثانيه صبغتها ماصلحت مسكينه تحزن المهم مالكم بالطويله: جاتني فكره جهنميه وقلت اجربها اخذت جوال اختي بدون ماتحس,,وغيرت اسمي بجوالها لــ ALJAWAL ورجعته مكانه وارسلت لها رسالة عزيزي العميل’’ فاتوره بــ 9450 و35 هلله ياعيني ع الدقه عاد اختي اخذت جوالها فرحانه بالرساله جديده جاتها ,وفتحتها وتمنت انها ما فتحتها ههههه تفاجأت من هول ماكتب 9 آلاف عمرها ماسارت هذي,, طيب من فين جات؟؟ وايش اسوي هالحين (الفاتوره اصلا كان وقت نزولها قريب’’يعني المقلب مضبوط ومحبوك صح) قالت لأختي وماصدقتها,,وورتها الرساله,, وانصدمت هي الثانيه ههههه وقالتلي انا كمان : ياويلي...انتي تكلمين مين,,تسعه آلاف مره وحده اجل لو تستخدمين النت ع الجوال كم جات الفاتوره هي: والله ما ادري,, اكيد غلطانين,,ايش اسوي هالحين هي: امممممممم الله يستر قالت لأبوي وذهل من الرقم جا بيتصل ع الإتصالات ,,عاد هنا انا كشفت اللعبه خفت يتصل وآكلي علقه محترمه لما عرف اكلت علقه بس مو محترمه مهزأه شوي:ap: المقلب 2 برضو سويتها بالجوال لما اختي الصغيره اخذت هدية نجاحها واختارت جوال مالحقت تتهنى المسكينه’’ غيرت اسمي عندها بس مو الإتصالات ...لا كتبت الشرطة999 ودقيت عليها, الله ا يوريكم وجها تقلب الوان ورمت الجوال بالأرض اللي يشوفها يقول شايفه جني مو رقم طلع بجوالها:to: انا مت من الضحك,,وهي شوي وتبكي ولا فتحت فمها بكلمه, وبس كشفت لها المقلب ويانا اخذت منها ضرب بس ما اتوب المقالب تجري مني مجرى الدم:d خخخخخخخخ المقلب3 الله يسلمكم هذا اخوي مجننا بطقطقة رقبته وظهره,,تقول من المفصليات:d ما يخلي مفصل من مفاصله الا يطقها:to: واللي جمبه ما يسلم من ازعاجه:no: انا حبيت اسويله شي يخليه يبطل هالعاده الشينه :naughty: (بعض المقالب لها فوائد مو كلها تفجيع) كان الوقت شتا ولابسين جكيتات ’ اخذت كاسه بلاستيك حقت المويه ودخلتها من داخل الجكيت تحت يدي ورحت وجلست جمبه,, وكل ماطالع فيني ولا كلمني ضغطت ع الكاسه ويطلع صوت نفس صوت طقطقة الرقبه في البدايه شاف الشغله عاديه,,بس كررتها لين انبله وقال ايش فيك قلت ولا شي بس اطق رقبتي توجعني(اكلمه وانا الف راسي يمين ويسار واضغط ع الكاسه):ap: انفرط اخوي من الضحك وهو مفجوع كيف اسوي كذا ما عرف انها خدعه وطبعا ماعلمته عشان يبطل هالحركه وللأسف مابطلها وجهدي راح هباء منثورا :no: المقلب 4 مع 25 في الشهر وابوي توه مستلم الراتب,, جاب الذبيحه وسوينا استنفار بالبيت نقطع اللحم وننظف الراس والكرش ونوزع اللحم المفروم وهلم جرا ما ادري ايش خلاني انط ع الراس وآخذه واسوي هالفكره المجنونه وقفت ورا الباب وانادي ع اختي بأعلى صوتي والراس بيدي:ap: جات جري ماتدري ايش عندي, ماطلعت لها... لا بس مديت راس الذبيحه مع الباب ههههههههههه اختي اغمي عليها من الفجعه ’ والله خفت احد يشوفها من اخواني ولا امي او ابوي ويلعن خيري ههههه فوقتها بمويه وفاقت وتوعدتني تردها لي بس ع مين انا ما اخاف بالساهل المقلب 5 فيه مقطع بلوتوث يقرف,وحده تاكل بمطعم بنوته دلع تاكل بالشوكه والسكين ونهاية المقطع تدخل يدها بآخر حلقها وتستفرغ الله يكرمكم ما ادري شفتوه ولا لا’’ المهم حكاني اخوي ان صاحبه وزوجته كانو بمطعم يتعشون طبعا تعرفون بهالأماكن العامه اغلب الناس فاتح بلوتوثه:yes: يبغى يستقبل كل جديد ومفيد خخخخخخ صاحب اخوي الله يهديه قام يرسل البلوتوث السابق ذكره على الي يطلعله بالقائمه يقول والله ما اسمع غير ناس تهاوع من يمين ويسار وتطلع من مكانها متوجهه للحمام الله يكرمكم وهو ميت ضحك :ap: المقلب 6 هذي قصه سارت بين واحد واصحابه كانو بالجامعه سوا بسكن الطلاب ثلاث او اربع اصحاب(اختلفت الروايات خخخ) اتفقوا على صاحبهم يأكلونه مقلب’’ والله هو مو مقلب الا نذاله بقووووووووووه خلوه لما يدخل الحمام الله يكرمكم ياخذ دوش’’ وهو معلق ملابسه ع الباب لما دخل وسكر الباب ع نفسه وفصخ ملابسه’’ وعلقها جمب الملابس الثانيه اخذوها كلها وطلعو وراحو لغرفتهم,, وهو مادرى عنهم صاحبنا هذا خلص وجا بيطلع ويدور ملابسه من هنا من هناك ما لقاها ينادي يصيح ع اصحابه يافلان ...يافلان....محد رد عليه’’جلس اكثر من ساعه بالحمام محد جاه فتح الباب مالقى احد بالحمامات الثانيه ولا عند المغاسل(طبعا الوقت كان ليل) راح جري للباب الرئيسي للحمامات ورده ووقف وراه وجلس يصبر الممر اللي يودي ع غرفته ترى فيه احد ولا يطلع مالقى احد وراح جرررررررررررررررري لغرفته وصك الباب اصحابه الأنذال كانو مستنينه هناك ههههههههههه وشافوه ماتو ضحك عليه’’اخذ اقرب ملابس ولبسها هو عاد جن جنونه وعصب عليهم قال هذي حركه تسوونها فيني قامو يراضونه ترى نمزح وماقصدنا ومن هالكلام(الله يستر منكم ومن مقالبكم يالشباب والله قوييييييييييييييه وتقولون مزح) عاد شالها بقلبه,, كانت سنتهم هذي اخر سنه وخلاص بيتخرجون كلهم بآخر يوم بالإختبارات النهائيه واللي الكل يستنا هاليوم يبغى يفتك من الدراسه ويستنى الإجازه الكل موقت منبه جواله قبل الإختبار اللي بيراجع واللي بيقوم على مهله قبل يداوم عاد صاحبنا موقت جواله قبلهم كلهم’’ وصحى بدري وقفل جوالاتهم وراح اختبر والله عليه بالخير ورجع لهم بعد الإختبار وهم دوبهم يصحون من نومهم(والله انه كفو بهالحركه برد حرتي فيهم ههههه) قالو له حرام عليك ضيعت مستقبلنا كنا بنتخرج هالكورس وانت رسبتنا قال وانتو مو حرام عليكم اللي سويتوه فيه؟؟!!!!! هااااه ايش رايكم,,ان شاء الله اعجبتكم اللي عنده اضافه مقالب جديده ارحب بها’’عشان اجربها:naughty: واللي ماعنده يحاول يستفيد من مقالبنا:d واخيرا لاتسوون نذاله وتقرأون الموضوع وتطلعون بدون رد واللي عاجز يكتب رد يسوي نسخ لهالجمله مقالب حلوه,شكرا ع الجهد المبذول. :d:d:d:d:d:d:d:d:d اختكم : نسج الخيال |
هههههههههههههههههههههههههههههههههههههههههههه الله يستر منك انتي بس.. ماعقب المقلب اللي سويتيه فيني شي...اااااااااااااخ بس بغيت ادخل داخل الكمبيوتر واتوطى في بطنك...بس تصدقين والله انتي تعرفين تمثلين والله مااكذب عليك.. اكذب عليك ان قلتلك ماالعبتي علي... مشت اللعبه صح... بس لا تنسين ترا اللي تسوين هالمقالب بترجعلك وقد اعذر من انذر...خخخخخخخخخخ لا تخافين مب انااا اللي بسويهاااا فيك...هههههههههههههههههههههههههههههههه.ياااااااااااللله يااارب متى يجي ذا اليوم خخخخ. الله يعينك بس.... بالنسبه للمقالب اللي انا اسويهااا والله كثييييييييييييييييره لا تعد ولا تحصى.. ومشكووووووووووووره على هالموضوع الحلو زيك... الله يسعدك دنيااا واااخره.... |
[B][COLOR="Blue"]هههههههههههههههههههههههههههههههههههههههههههههه والله انك عفريته لكن ماهو اكثر مني |
®©™سلااااااااااااااااااااااااام ™©® الله يوسع صدرك بالعافية بس لو كان العنوان مقاب سااااخنة اة مقالب حااااااااارة كان لايق مع الجو هالايام :) تشكرات افندم ®©™وسلااااااااااااااااااااااااام ™©® |
مقالب حلوه,شكرا ع الجهد المبذول. :d:laugh: إنتي قلتي كذا.. صح ولا لا؟؟ :naughty::naughty: |
هههههههههه وقسم بالله مصررررررقعه كفو والله لاعدمنااااااااااااااااكـ |
ههههههههههههههههههههه من جد قمه الصرقعه وجاري البحث عن مقلب .!! |
إقتباس:
هههههههههههههههه يعني اعرف امثل:clapping: اجل ابشري بالمقالب القادم اكثر:ap: وانا استناك بس عارفه ماتقدرين عليه,, كثير حاولو معايه وعجزو العفو حبيبتي,,نورتي موضوعي يالغلا:ga: |
إقتباس:
يسلمو ع مرورك ياعسل:ga: |
إقتباس:
اجمعين اخوي اقتراحك حلو بحاول اعدله هالحين نورت موضوعي خيو |
إقتباس:
ايوه صح قلتها,, وانت احسن من غيرك اشوف اللي دخلو كثيييييير والردود بس خمسه شاكره لك مرورك الكريم |
إقتباس:
الله يسلمك ياخوي نورت موضوعي بمرورك وردك |
إقتباس:
بس يكون مقلب قوي يخلد في التاريخ:naughty: نورت موضوعي خيو |
حياك ربي ... أنا ما أحب المقالب ...ولكن مقالبك خطيرة ... حركات الجوال حلوه ولطيفة ..ولكن الترويع لا ..لا ..لا تروعين أحد ... يحفظكم ربي جميعاً... |
هههههههههههههههههــ...:d نذر انتس اطلق صقيقة مقــــآلب....:smilie47::razz: شكلي بستعين فيتس..لي مرة تسوين بهاللي دآبلين اقصى تسبدي:to:>لهجتي لبنانية صح .؟:d:smilie47: لكــن ابو منبة ذـآ اطلق..مقلب...:naughty: انتي اصللآاحستس على بعضتس مقلب..:ap: <ِ~شكلي بنجلد ياللهــ... :bx: موضوع جدآ..خوتيــر...:rose::ga: ورد جوري لقلبك الكستنائي:rose::d |
| الوقت المعتمد في المنتدى بتوقيت جرينتش +3.
الوقت الان » 11:02 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd