14/05/2009, 02:08 PM
|
| مشرف سابق بمنتدى الرياضه العربيه والعالميه | | تاريخ التسجيل: 30/08/2003 المكان: الرياض
مشاركات: 7,618
| |
السلام عليكم
ألف ألف مبروك حبايبنا البطولة .. والله يستاهلون الرديف يحصلون بطوله .. من بداية الكاس وهم شادين حيلهم فيها .. عاد باقي بطولات الكبار وان شاء الله نفرح فيها جميع
آآآآخ يابو ظبي .. والله زمااااان ماشفنا مباراة وتعليق يفتح النفس .. زماااان ماحمْسنا معلق زي عامر عبدالله .. زمااااان ماحسسنا المعلق ان فريقنا فعلا خرافي .. وربي عامر عبدالله خرافي ياناس .. تخيلوا عاد يعلق على مباريات برشلونة مثلا في الدوري السنة الجايه .. اووووفـ بس .. من عام 2003 والليقا في الجزيرة الرياضية .. ماسبق شفت ( لبرشلونة ) تتويج زي كذا وأفراح وأغاني ومعلق يعلق وقت التتويج والكل مستانس على المباراة ككل ليس على برشلونة .. شكرا أبو ظبي
وآآآخ يا إيتو .. والله طلعت روحي يا إيتو .. متى تشوف لك حل مع نفسك وتنتحر ولا تشوف لك حل بالله .. وربي عطيناك فرص لين الدفنه وكل شي سويناه لك وصبرنا عليك .. مابي يجي اليوم الي نقول فيه ضيعتنا في نهائي الأبطال يا إيتو .. كمل معروفك تكفى وخلص لنا الأبطال واطلع من الباب الكبير من غير مطرود وبكل حفاوه وتكريم .. مابي اتكلم بموضوع إيتو لأننا الحين في افراح وتهاني < من يتذكر هالبرنامج .. لكن اوعدكم اذا مانسيت .. راح نتكلم عن هالموضوع كثييير وكثير حيل بعد نهاية الموسم بإذن الله وتحقيقنا للثلاثية ..
الفريق اليوم كله مميز على بعضه .. ما أثرت فينا الغيابات الكبيره في الفريق .. الحمد لله كل شي ماشي بالسليم تجاه تتويج روما بإذن واحد أحد ..
بيب اليوم قهرني طلع مرارتي .. وراك ماتطلع ميسي يا استاذ جوزيب .. ؟ هل تتنظر شي ؟ هل تنتظر انه يجيب هدف ؟ يعني تنتظر هدف منه ولا تخاف عليه من إصابه .. ؟ لو الاتلتكو لاعبين عادي بدون خشونه اوكي .. لكن لعبهم واضح انه ( اذا راح اللاعب لاتروح رجله ! ) خلاص طلع لعيبتك ياحبيبي ظمنت الكاس وخلاص وراك استحقاقات قادمه .. صحيح طلعتهم قدام فياريال واكلت هدفين لكن لكل مقام مقال! ..
|