|
يمني ينتحل شخصية شاب سعودي ويزرع قلب بالتخصصي ((قصة واقعية)) لا تفوووتكم [بسم الله الرحمن الرحيم السلام عليكم ورحمة الله وبركاته وبدون مقدمات لاني دجــــة بالمقدمات ...المهم كان فيه واحد من الناس اسمه على ما اعتقد : احمد من اليمن الشقيقة كان توه شباب فيوم من الأيام جاء من اليمن تهريب فراح يدور عن شغل المهم اشتغل الرجال عند واحد من الجماعة كان راعي ابل وجلس له مدة وهو يشتغل وبعدها اشتغل عند ثاني من ملاك الإبل طبعا في محافظة من محافظات مدينة الرياض المهم يوم جا ذاك اليوم وهو قاعد يرعى الإبل يوم طاح على الأرض وهو يحس بثقل كبير في صدره المهم الرجال استأذن من المالك فراح مستوصف من مستوصفات الرياض فقالوا له معك تهتكات في عضلة القلب المهم قالوا اللي قالوا له الرجال انهبل معه قلب المهم وهو طالع هو ولد عمه ناظر بالأرض لقا بطاقة أحوال والبصدفة لقا الصورة اللي بالبطاقة نسخة منه مرة المهم الرجال حطها بجيبه ومشى باليوم الثاني اتصلوا عليه المستوصف قالوا لازم تجي بسرعة لان حالتك خطيرة المهم المستوصف اتصلوا بالتخصصي وقالوا عندنا مواطن سعودي في حالة خطيرة قالوا التخصصي طيب حولوه بسرعه راح الرجال بالإسعاف إلى التخصصي فدخلوه غرفة وحطوا عليه اجهزة وابر المهم قالوا له : إحنا لازم نسوى لك عملية ونزرع لك قلب وخل إيمانك بالله قوي ولا تخاف الرجال توكل على الله في ذاك الوقت كانوا يدورون عن قلب عشان يزرعونه له لقوا قلب امريكي توه ميت فقرروا يشترونه بسرعة لان القلب إذا ما أنزرع يجلس بعد الموت 6 ساعات ويموت المهم جابوه وكان السرا على اليمني اللي نتكلم عنه قبل ما يدخلونه قال واحد من المسؤولين المستشفى لا تدخلونه لان بنته يبغا لها زراعه قلب يعني (بالواسطة) المهم رجعوا الرجال ودخلوا البنت لما جوا بيزرعون القلب شرايين الأمريكي ما تركب على البنت فطلعوا البنت ودخلوا الرجال الحمد لله ركبت ونجحت العملية المهم قعد شهرين بالمستشفى وقالوا خلاص بتطلع بس لازم تجي بالموعد المحدد اللي بنعطيك اياه قال خلاص ومرت الأيام يوم جا يوم الموعد ما جا الرجال انتظروه انتظروه ما جا اتصلوا على جواله مرات ما رد فقال واحد من المسؤولين عطني رقم البطاقة وأنا اطلع برنت من الاتصالات راح المسؤول وجاب برنت وكان فيه رقم بيت فاتصلوا عليه فرد عليه ابو الرجال اللي في بطاقة الأحوال المتشفى: الو السلام عليكم ورحمة الله وبركاته ابو الولد: وعليكم السلام ورحمة الله وبركاته المستشفى: فلان بن فلان ابو الولد: لا ابوه المستشفى وين ولدك ما جا اليوم للموعد لازم يجي ما يصير هو في حالة خطرة ما يصير هذا الكلام ابو الولد مستغرب : ولدي !! ولدي ما فيه الا العافيه المستشفى: ياخي ولد مسوي عندنا زراعة قلب واليوم موعده المهم كثرا الكلام الين ما اعتذروا المستشفى لابوا الولد المهم شكوا المستشفى بالوضع فاتصلوا بيوم ثاني فرد الرجال وقالوا له : تعال قال طيب المهم جا الرجال في المستشفى ودخلوه الغرفة وحطوا علية الاجهزة المهم دخل عليه ضابط من الاستخبارات السعودية المهم قاله: وش اسمك قال:انا فلان ((الاسم اللي في بطاقة الاحوال)) قال الضابط العب على غير الاستخبارات قال الرجال: يا خي انا جاي مهرب من اليمن وكان فيني قلب وجيت هنا ببطاقة احوال طايحة وزرعت قلب والحين الحمد لله وجزاك الله خير بتوديني الترحيل وترجعوني لليمن بقلب امريكي قال الضابط :لا مو على كيفك الان تجي معنا للاستخبارات فاستأذنوا من المستشفى قالوا المستشفى تراكم تتحملون اللي يجيه لانه ما يصله يزعل ولا يتنرفز قال الضابط مو مشكلة خذوا الرجال للمركز وحققوا معه وبنص التحقيق طاح عليهم راحوا مسرعين خايفين عليه انه يموت فدخلوه غرفة العمليات وسوو ما سوو المهم يوم خلص من العملية خلوه يرتاح فدبر له جوال فاتصل على ولد عمه قال له ان الجماعه كشوفوني .. الخ المهم راح للسفير اليمني بالرياض فكلمه قال الرجال جاي تهريب والحين معه قلب... وهو الان محتاج لكم اتصلت السفارة اليمنية بالرياض بوزارة الخارجية اليمنية فقالوا لهم قصة الرجال فاتصلت وزارة الخارجية اليمنية بالسعودية فقالت عندنا موطن عندك اسمه فلا بن فلان ي مستشفى التخصصي وش صار عليه ... الخ المهم راح السفير اليمني للأمير: سلمان بن عبد العزيز وقاله فقال الامير سلمان الولد هذا ولدنا وهو في بلده وبلدنا المهم الرجال اللى بالمستشفى تشافى الحمد لله وراح للامير سلمان قابله فامر الامير سلمان: باعطاؤه اقامه على كفالة الامير سلمان ويصرف له راتب شهري والحين الرجال باحسن حال ولله الحمد وفي الاخير سامحونا على القصور ان كان به قصور السامر الولهان[/SIZE][/SIZE] |
أخوي موضوعك منقول و مكانه صيد الإنترنت , لإن ممنوع النقل في المجلس العالم ريكيلمي خلاص لا تجي :D |
مو كانها قصه في مسلسل NcIs |
خلاص جيت :d مثل ما قال لك الرجال فوق إقتباس:
|
مادري مادخلت عقلي احسها اكشن .. لقى بطاقة طايحة والمستشفى تدق تقول عندك موعد والله ماظنتي المستشفى تدق هم يبون الفكة .. *_* |
رجل من عالم اخر الموضوع ليس منقول يمكن مكرر لكن ليس منقول وان كان منقول فانا اسف مشعل 911 مشكور على المرور الجرح الخالد ما اقول الا الله على ما اقول شهيد السامر الولهان |
إقتباس:
أخوي أنا ما راح أكذبك. لكن بوقف بكم نقطه إنت ذكرتها أتمنى إنك تفسرها : 1- إن مستشفى الملك فيصل التخصصي ( قبلوا الحاله ) من إتصال من المستوصف!!. والمعروف عن مستشفى الملك فيصل التخصصي إنه ما يقبل ( الحالات ) إلا بالواسطة ( حتى لو تجيب لهم ) خطاب رسمي من الملك يصرفونك!!. ( وأنا عند كلامي ولا أحد يدقق عند النقطة الأولى وأكرره حتى الملك ). 2- إدخال المريض لغرفه العمليات بسرعة!!!. 3- إتصال المستشفى على المريض!!. جميع المستشفيات الحكومية بلا إستثناء لو يشوفونك تموت قدام عيونهم ( ما إتهموا فيك )!!. فما بالك بالإتصال بالمريض والإهتمام بحضوره!!. 4- تجربه قلب ( الأمريكي ) على البنت ( ما أدري هل كان صدرها مفتوح وجالسين يجربون القلب ) ، والمريض الثاني جالس بغرفة العمليات ينتظر التجربة!!. 5- إهتمام السفارة اليمنية بالمواطن!!. والمعروف عن جميع ( العرب بلا إستثناء ) تطنيش المواطنين!!. __________________________ أتوقع إن كاتب القصة كان مقصدة ( الحلم بالإهتمام من المسؤولين والمستشفيات بالمرضى )!!!. |
إقتباس:
الأخ صاحب القصة أنا ما أكذبك بس يمكن الناس تناقلوا القصة و هي غير صحيحة أو تم تحريف الكثير فيها |
مشكووووووووووور ع القصة .................. |
| الوقت المعتمد في المنتدى بتوقيت جرينتش +3.
الوقت الان » 06:18 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd