بسم الله الرحمن الرحيم


قالت تناساني قلت كيف ابنساك ..انسى جميع الناس لا حل طاريك
هذي جزاتي يوم ابدلت دنياك ..بدنيتي واليوم تطلب تناسيك
خليت لاجلك ذا وهذا قبل ذاك ..واهديت لك قلب تتبع خطاويك
أقولها والله ان كنت شكاك ..والله أحبك حب ما فيه تشكيك
أعادي كل الخلق لا صاروا عداك ..واراضي من حبيت بس اني ارضيك
ياما قطفت الورد ومن حوله أشواك ..جرح بيديني ووردة بين أياديك
هذي حياتي كلها رهن يمناك ..بس انتظر ارجوك روحي تناديك
ابيع نص العمر بس اني القاك ..واعيش باقي العمر في نظرتك ذيك
ما ظنتي قصرت في كل ماجاك ..حتى الخفوق ان رحت متعلق فيك


وسلامتكم ......