يحق للبلطان ..والسر ان هدفه بعيد - نادي الهلال السعودي - شبكة الزعيم

الـفيــ بــدرــصــل · #1 06/05/2009, 12:55 AM

الكل تحدث عن البلطان في المنتدى واستغرب هذي الشخصيه الغريبه الي ماتطلع وتتحدث للاعلام الا امام الهلال

ومع الانديه الثانيه تحصله نايم بالعسل لا خبر ولا صووت

السر يكمل بشيء واحد

البلطان رئيس نادي لايملك شعبيه جماهيريه وهذي هي المشكله الي معقده البلطان وكل ما عمله بالنادي هو من اجل زيادة شعبية جماهير ناديه لدرجة انه فتح قناة لنادي ماهي مشفره .

والمشكله ماادري ليه مع كل لقاء معه قبل اي مباره يصرح ادعوا جماهير الشباب .

كلهم مايتجاوزن 200 شخص يعني لو يخزنهم بجواله ويرسل رساله تحديد للكل بالرجاء للحضور للمباره كان تكفيه

بس شكله قعيطي

المهم البلطان جلس مع نفسه وقال كيف اقدر ازيد شعبية نادي الشباب

فريقي ممتاز وبطولات نحقق اكثر من النصر وعندي نجووم بالملعب ليه مافي جمهور عندي وليه النصر من عشر سنين ماحقق بطولات وفريقه كديش وكان بيهبط ومع ذالك جمهوره اكثر

سئل خبير كروي عن هالشيء هذا

وقاله الخبير سبب شعبيه النصر هو الهلال لان تعرف الهلال الاكثر شعبيه بالمملكة ولا بد من وجود فئه حقوده لهذا النادي الكبير ولذلك تحصلهم يشجعون النصر مو حب بالنصر ولكن كره بالهلال .

ولذلك اذا تبي تكون شعبيه اكبر لناديك فما عليك الا محاولة التقليل من هذا النادي العملاق

وكل ماكانت عندك تصاريح تسيء لهذا النادي كل مازادت شعبيتك.

وخير مثال انظر الى الرئيس المخلوع في النادي الغربي .

ليه استخدم الاساليب القذره والملتويه مع نادي الهلال مع انه المنطق يقول المفروض يستخدمها لنادي الاهلي
المنافس التقليدي

والسبب هو بحثه عن الشهره وهذا ماتحقق له.

البلطان سمع هالكلام وفكر

وعرف ان اسهل طريقه للشهره وزيادة شعبيه النادي هو طريق زعيم اسيا

وش رايك بهالتحليل المنطقي

وانا اقول للبلطان فالك فال الرئيس الغربي