عضوا شرف هلالي واخر اتحادي التقيا صدفة ماذا حصل ؟؟؟
 

من نسج الخيال وفي ظل الواقع الذي يعيشه زعيمنا حاولت إن أضع أمامك تصوري لما يحدث في ناديين على طرفي نقيض وعذرا لو جدتم خطأ فيما حصل
هذا حوار دار بالصدفة بين عضو شرف هلالي وآخر اتحادي وطبعا هم التقوا في الرياض وكل واحد له هدف
الهلالي : الله بالخير يا خوي.
الاتحادي : هلا وسهلا .
الهلالي : وين أشوفك جاي للرياض؟
الاتحادي : ابد بعض الأمور اللي تتعلق بالاتحاد .
الهلالي : سريه إلى هالدرجة .
الاتحادي : ابدآ لا سرية ولا حاجة أنا جاي ولي هدف وهو خدمة الاتحاد.
الهلالي : طيب وش نوع ها لخدمة.
الاتحادي : توصية على بعض اللاعبين الموجودين في الرياض .
الهلالي : وين في الرياض بالتحديد ؟
الاتحادي : صراحة عندكم في الهلال.
الهلالي : وش قصدك ؟
الاتحادي : الجمعان يعتبر موضوعه منتهي وجايين نشوف التمياط ويمكن نمر على الدعيع وسامي خارج السعودية.
الهلالي : الله يخليك خلنا في حالنا ترى اللي فينا كافينا .
الاتحادي : هذي يا خوي كورة محترفين وان ماخذيناهم أخذهم غيرنا.
الهلالي : ليش ما تشوف جيراننا عندهم لاعبين معروضين للانتقال وتراهم كويسين ويخدمون فريقكم .
الاتحادي : الله يخليك فكنا هذولا عندهم ريس يخوف ما يعطيك فرصة وصعب نعدي عليهم وألا ودنا .
الهلالي : بس هذي يبغى لها مبالغ.
الاتحادي : بسيطة في الهلال حوالي سبعة لاعبين ممتازين وتكاليف انتقالهم وحق ناديهم لا تتجاوز 24 مليون بالكثير .
الهلالي : بس ها لمبلغ كثير .
الاتحادي : لا كثير ولا حاجة ها لمبلغ يدفعه عضو شرف واحد .
الهلالي : بس مقابل ها لدعم وش اللي يحصل عليه عضو الشرف عندكم ؟
الاتحادي : أبدا حنا ما نبحث عن مقابل لان خدمة الاتحاد هي ما نسعى إليه .
الهلالي : طيب إذا اختلف عضو الشرف مع الإدارة .
الاتحادي : حنا في الاتحاد كأعضاء شرف مالنا علاقة بالإدارة حنا دورنا ندعم الإدارة تخطط .
الهلالي : بس حنا في الهلال غير كذا .
الاتحادي : أنا عارف بها الموضوع وعشان كذا أنا أحاول استغلال الموقف وتسجيل اللاعبين اللي قلت أول .
الهلالي : طيب واللاعبين اللي عندكم .
الاتحادي : شف يا خوي حنا في الاتحاد مستحيل نفرط بلاعب واحد واكبر مثال على هذا شوف احمد جميل نسي شكل الكورة ومع هذا ماشي راتبه كلاعب محترف .
الهلالي : والله انتم متحدون في حب الاتحاد وهذا هو عضو الشرف وانشالله في الاجتماع القادم لأعضاء شرف الهلال اللي يقولون انه يبي يعقد قريب نسوي زيكم واكثر.
الاتحادي : عن إذنك أنا جاي على طيارتي الخاصة والوقت ضيق وأعضاء الشرف ينتظرون عودتي ونتيجة الرحلة .
الهلالي : طيب العشاء الليلة عندنا .
الاتحادي : مشكور اخوي على ها لكرم وأنا وقتي ما يسمح ولكن عند انتهاء مهمتي أوعدك .
الهلالي : مع السلامة .
الاتحادي : تحياتي .

هذي شغلاتك يابرق الوسم و مبدع فيها

صحيح هذا الفرق بين الهلال وغيره
 

الهلال كل عضو وله محسوبيه في ان يلعب من يشاء وبدون ذكر اسماء
نقول واحد بس (( فوزي الرويسي )) احضروه من اجل ان يلعب ولكن صار يعالج وبراتب يفوق 30,000 ريال .
في بعض الاندية الاعضاء يدعمون من اجل مصلحت النادي وليس مصلحت انفسهم او حسب احجامهم في الترتيب الاسري والمادي
***
سؤال / اين عضو الهلال الصقري الذي دعم الهلال بكل شيء ؟

مشكور على هاالموضوع........

بس ليه عضو شرف الهلال دبشه؟!!!!!!!!!

صدقت والله
 

يا سلام عليك جبت الزبدة بطريقة مضحكة خخخخخخخ
الهلال فعلا أعضاءه مخبطين ...... والله مسخرة

كذا الاعضاء ماهو اعضانا

الفلوس
تغير
النفوس


قال تعالى:
(( إن الله لا يغير ما بقوم حتى يغيروا ما بأنفسهم))

مشكور على هاالموضوع........

بس ليه عضو شرف الهلال دبشه؟!!!!!!!!!

منقول من اخوي ذيب الشمال

ههههههههههه

والله السبيكه عضو الهلال