|
الخساره شي طبيعي دوام الحال من المحال....مالوم ياسر لو اخذ كرت احمر......بروده نامي ضعف مستوى المفرج سبب الخساره.....سول وولي هم الاقرب للمغادره لسلام عليكم ورحمة الله وبركاتة مسائكم زعامه بدون مقدمات هزيمة الهلال طبيعيه ودوام الحال من المحال اكيد كلنا نريد الزعيم دائم هو المتواجد بالمنصات وهو الفريق المتربع على عرش الكره الاسيويه وليس السعودية فقط لاكن هذي حالة كرة القدم فوز وخساره وخسارتنا بالامس اعتقد طبيعيه جدااااااا والشباب يستحق الفوز بكل جداره لاكن نحن كجماهير اقمنا الدنيا عن الخساره والكل زعلان ومعصب حتى رئيسنا الاسطوره عبدالرحمن بن مساعد وش رايكم لو كان فريقنا الحالي هو فريق النصر ومن اكثر من عشر سنين ماخذ ولا بطوله للدوري وش موقفكم!!!!!! اعتقد 80% من الجماهير جلطه دماغيه والباقي ضغط وسكر لاكن فريقنا الحمدلله كل سنه على الاقل بطوله ومستوى مشرف للكره السعوديه والاسيويه ايضاء والهزيمه وارده في كرة القدم واتمنا الكل يتقبلها بصدر رحب ومن اليوم ننسى اللي راح ونفكر بالقادم (تنبية) كرة القدم لاتخضع لمقاييس ويمكن نتأهل عن طريق الشباب الاحد القادم صحيح صعبه الثلاثه على الشباب في ضل مستواه المتطور الحالي لاكن كل شي جائز وبالتوفيق للزعيم ........................ النقطه الاخرى ياسر القحطاني والكروت الحمراء اول شي لا ابرر لياسر هذه الكروت بالعكس كل عاشق للزعيم يرفضها على ياسر لاكن لو كنت في محل ياسر يازعيم المباراة الاولى ضد الاتحاد واكثر من 15 الف متفرج تهتف ضدك بكلمات خادشه للحياء ولمجتمعنا كشعب مسلم المباراة الثانية ضد النصر ونفس السيناريو تجد هذه الهتافات واتحدى اي شخص منكم يتحملها الاإنسان يستطيع تحمل اي شي الى ان يتكلم في عرضه وهذا ماحدث مع الاسف المباراة الثالثه يسافر ياسر خارج الوطن وبالتحديد للامارات ويتفاجاء بنفس الهتافات لاكن من شعب مختلف ومن دوله غير دولته بالله وش موقفكم لو يحصل ذالك لشخص منكم اترك التعليق لكم والله يلوم اللي يلومك ياكاسر اما الكرت اللذي حصل عليه ياسر بالامس فهو مستحق على ياسر لاكن يازعماء ياسر علية ضغوط وخطة الفريق لاتخدم ياسر وهو بالمقدمه لوحده اتمنا من الاداره اراحة ياسر وعدم الضغط عليه يكفيه ماجاه هذي وجهة نظري ........................ النقطه الاخرى محمد نامي لاعب عنده لياقه ومجتهد ومميز لاكن ماهو عيب نامي؟ هي البروده الغير مبرره يعني بارد بشكل غريب لما يستلم الكوره يجيب الضغط وهو سبب كثير من الاهداف في مرمى الهلال واخرها الهدف الثالث امس لو ترك البروده هذي وتعامل مع الكوره بحماس وبسرعه وتركيز ايضاء اكيد راح يكون ظهير الكل يتمناه لاكن في هذا الحال يانامي دكت الاحتياط كثيره عليك فهد المفرج وما ادراك مافهد المفرج اتحدى واحد لما تكون هجمه مرتده على فريقنا مايحط يده على قلبه لما يقابل المفرج ليه اكيد لاانه لاعب حرام يلعب في الهلال جاملنا فهد بما فيه الكفايه وحتى الأن مستمرين على المجامله فهد لاعب خلوق متحمس مخلص لشعار الزعيم لاكن بدون مهاره ولا مواصفات مدافع اقولها وبكل صراحه جميع مواصفاتك يامفرج موجوده في كل مشجع هلالي الكل شاهد كيف تخليصات المفرج بالامس وخاصه الهدف الثاني لكماتشو بالله عليكم هذي تخليصت مدافع ليش مايخلصا بدون مايجدع كل جسمه على الارض وهذي الحركه حصريه على المفرج اتحدى واحد يطبقها بالمختصر المفيد اتمنا من الاداره تشوف حل مع المفرج الجماهير لها طاقه معينه من الصبر على هذا اللاعب!!!!! ......................... النقطة الاخيره من وجهة نظري اقرب الراحلين عن الفريق اللاعب سول اعتقد امره محسوم وراح يغادر اكون معكم صريح هذا اللاعب لم يخدم الفريق الى بنسبة 20% فقط وهو لاعب غير مفيد نهائيا اللاعب ويلي اعتقد واتمنا بيع او اعاره هذا اللاعب لاعب مجتهد عنده مهارات لاكن لايفيد الهلال لاعب لايقبل اي إلتحام معه كثير السقوط على الارض بصراحه اتمنا عدم بقائه بالزعيم وهناك الافضل اتمنا بقاء رادوي والتايب وجلب نيفيز ولا عب اسيوي بمواصفات اسماعيل مطر او سورين لاعب المنتخب القطري .................................. وبالنهاية اتمنا التوفيق للزعيم في مرحلته الاسويه القادمه يوم الاربعاء القادم وايضاء تحقيق الفوز على الشباب والتأهل للنهائي أذكركم كل شي وارد في كرة القدم وليس مستحيل يمكن طولت عليكم ارجو المعذره وكل عام وانتم زعماء |
أشكرك اخوي على كلامك الجميل كفيت ووفيت.. وشبيه الريح قالها مجددين لهم كل ابوهم اللا الدلخ سول تقبل تحياتي |
بورك قلمك يالغالي .. جبتها والله .. ويلي وسول هم عله الفريق .. نبي نيفيز وسمعه بدل عنهم .. |
والله التايب هو الوحيد سبب هزيمة الهلال ياحبيبي اذا كان الهلال قبل التايب حقق في سنتين وبقياده سامي 7 بطولات ويوم جا التايب 3 سنوات ومحققنا الا ثلاث بطولات وكلها بمجهود لاعبين وليس بمجهود التايب لاعب فاشل ويرفع الضغط اجل الهلال داخل عليه هدفين ولا همه تجيه الهجمه ويموتها ببربسته ولا يوقف الكوره عشان يدخل كبري حسبي الله علي رفع ضغطي |
إقتباس:
اما من ناحية وليهامسون لاعب فنان لاكن مره مره مايصلح فالدوري السعودي ولهمسون ما يصلح الا فالدوريات الاوربيه اللي ما عندهم مخاشنات امسك الكوره ودز تحياتي:rose: |
اكيد دوام الحال من المحال بس المستوى كان يفشل صراحه يعني تنهزم شي طبيعي في عالم المستديره لاكن مو بالطريقه الي انهزم فيها زعيمنا فرق هدف تقبل لاكن بالنتيجه الي حصلت كبيره والله في حقنا المفرج بيض الله وجهك ما قصرت بس ياليت ترجع لمباراة النصر الأخيره ومباراة الشباب عشان تدري انك لا اعتزلت بتريح وترتاح وترى احيان يكون الأعتزال خدمه للهلال يعني محسوبه لك عند الجمهور |
إقتباس:
|
مااتفق معك من ناحية ويلي احس انه هو الوحيد اللي يحرك الهلال بالمبارايات ماشاءالله عليه |
مشكووووور أخوي على الكلام الرائع |
مشكورين على التفاعل يازعماء نص الارض |
أولاأشكرك على قلمك الرائع ثانيا استغرب من اللي يقول نامي بارد ووأنخفض مستواة ياناس والله مافي راسة كورة جابلي المرض حسبي الله ونعم الوكيل عليه بالعربي داج |
إقتباس:
رحم الله ايام الامير عبدالله بن سعد رحمه الله كم من النكبات تتعرض للفريق ويقف الفريق كالجبل الشامخ عبدالله بن سعد الذي في عهده لم نفقد لاعبا بل كنا نفقد فريق كامل ومع ذلك لم يثأثر الفريق وهالحين من شان هتافات تبررون لبعضهم وصاحب السمو الملكي الامير : عبدالرحمن بن مساعد لم يقصر اعطى بلا حدود ولكن مصيبتنا في اللاعبين وخصوصا الذين جاءو بحثا عن المال والوجاهة لا عن خدمة الهلال الذي اعطاهم ولم يعطوه جزء من الالف مما اخذوا. |
اشكر الجميع على التفاعل اخوي asr998 زعيــم متواصــل كلامك بالصميم وتسلم على مداخلتك |
| الوقت المعتمد في المنتدى بتوقيت جرينتش +3.
الوقت الان » 05:02 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd