|
الرياض مدينه مسلمه ولا لا السلام عليكم كيف الحال شباب وبنات طيبين ان شالله المهم بقولكم السالفه وبعدين عطوني رايكم السالفه يوم الجمعه الساعه 11 تمامَا طلعت فوق وخذيت شور نزلت الساعه 11 ونص المهم ورحت عند اميمتي الله يحفظها وهي تقول كنه طول ما اذن قلت والله ما ادري بس لو انه مذن كان سمعنا الاذان (رغم ان بيتنا ما بينه وبين الجامع ولا خمسين متر) المهم واخذ فنجان قهوه واجلس اهمز رجيلاتها وهي اللي ترجفني قم صل يا....... <<( اسمي عاد مالكم دخل) قلت يمه هي عاده اني اترك الصلاه قالت لا والله بس شف الساعه 12 وربع وانا اللي انهبل واطلع ادور مسجد ولا لقيت المهم اجتمعنا عند خالي بعد صلاه الجمعه اللي انا صليتها ظهر واقابل اخوي قلت ياخي اليوم وين صليت فيه قال في المسجد قلت ياخي ما سمعت الخطبه قال لا ياخي انا عندي ساعه ومسكرين السماعات الخارجيه قلت غريبه قال ايه والله بس يمكن عشانها الجمعه المهم ودخل وقت صلاه العصر مانسمع إلا الاذان لا ومقصر عليه؟؟قلت يمكن يتهيألي ويدخل وقت المغرب ونفس الحكايه جالس انا وامي ولا في صوت؟؟؟ مدري حسيت اني في دريه غير مسلمه؟؟ والله اني تذكرت يوم اني كنت بسوريا وبقولكم سالفه ثانيه مره طالعين انا واخوياي لروضه خريم ماغير شبه والقهور وقدر الظاغط واللي مربعين المهم دخل وقت العصر واذن واحد اذن بصوت مو مرتفع المهم جلسنا قبل الصلاه نسولف وبعدها اقمنا الصلاه ونفس الحكايه بصوت مو مرتفع وصلينا ماغير حنا يعني سبعه يوم جا المغرب قبل ما يقيم خويي قلتله ارفع صوتك ولا خلني ااذن قال اجل اذن انت انت مركب مايكات في حلقك :laugh: قلت ما يخالف واذنت لما خلصنا الصلاه عدد المصلين تعدا العشره اللي ابي اسأله وش رايكم في التقصير علي المايكات في المساجد علي اني سألت وكذا قالو عشانها تسبب ازعاج عاد ما ادري عن صحه هالكلام عاد جد تخيلو هالكلام صحيح:laugh: ياويلي علي الحساسين الاذان يسبب ازعاج ؟؟ يالله يارب لك الحمد والشكر والشي الثاني الواحد لما يكون راكب سيارته ومشغل المسجل وسمع الاذان يطفي علي المسجل بس الحين مع الصوت الضعيف ما اتوقع انه بيصير هالشي اتمني انكم تعطوني رايكم في الموضوع |
إقتباس:
لكن ما فيه أحد من أئمه المساجد طبق القرار وحالياً فيه متابعة للقرار الجديد ، وأتوقع إمامكم طبق النظام بدري!!. أنا ضد القرار ، ومع القرار. مع القرار في رمضان فقط ، لأني وفيه كثير من الموظفين ما يقدرون ينامون إلا بعد صلاه العشاء فيضطر إنه ينتظر لحد ما تنتهي صلاه التراويح علشان ينام |
طيب اخوي مواصل انا بعد معك في رمضان بس غير رمضان ؟؟؟ احس انها صعبه شوي وبعدين كيف يشوش علي المساجد الثانيه وهو داخل المسجد ؟؟ قرار عقيم وافضل انهم يعدون دراسته |
إقتباس:
إقتباس:
خطأك انت إقتباس:
|
مسـاء النور انا مع القرار لكن ليس بمنع مكبرات الصوت الخارجية لكن بتخفيض قوة صوتها |
ياليت اللجنه التي ارسلها الوزير تكون مكلفه ايضا بترميم المساجد و صيانة دورات المياه..:yes: شي منتشر عندنا بجميع الوزرات بالمملكه وهو اذا صدر قرار يخص او يمس شي ديني كمكبرات المساجد مثلا تجد ان الوزاره مجتهده بالعمل وتطبق القرار بسرعه ودون تهاون وعندما يصدر العكس تجد تقاعس عن العمل وخمول وظيفي..؟؟:yes: البنقاله يعيثوا فسادا في الارض والسرقات تكثر و في وضح النهار والفسوق علني يمين ويسار و الوزاره تاركه كل هالاشياء المهمه و صارفه جهدها على شوية مكبرات للصوت..:cry: |
اخوي سمايل تقول خطئي وانا اقول كذا بس العاده انك تسمع الخطبه وانت في سريرك الله يطول عمرك مو فجأه وهذا القرار قرار مهم مو يطنشوه المفروض ينزل في الاخبار |
الحمد لله من الساعه 11 وأنا بالمسجد لاانتظر مايكروفانات ولاانتظر الخطبة تبدء عشان أروح |
إقتباس:
بس انا اتكلم عن موضوع وانت شاطح بموضوع انا اتكلم ليه سكرو المايكات فجأه ؟؟ فهمت |
انا ضد القرار تماما اصلا شي حلو انك تسمع الاذان والاقامة والصلاة :yes: اتمنى يتراجعون عنه باقرب وقت |
من زمان مانسمع اصوات الاذان ,, احنا كنا برمضان لازم احد يطلع الحوش عشان يسمع الصوت زين ,, قرار غلط صوت اذان بيزعج مين اصلا ,,, |
الناس اللي يقولون يزعجنا أكيد أنهم ما يصلون:no: صوت الأذان راحه من وين يصير إزعاج:cry: القرار تطبق بشكل رسمي من أسبوع تقريبا شفته بأخبار الإم بي سي:cry: في البداية ما صدقت لكن لما ما صرت أسمع أذان صدقت:cry: لو أنا مؤذن ما قصرت عليه وأعلى ما في خيلهم يركبونه:no: ما أقول الا حسبي الله ونعم الوكيل في من كان له يد لتطبيق هالقرار وبيحاسب عليه يوم القيامه:cry: ممكن يقصرون لكن ما يطفونه وممكن يقصرون على الصلاة لكن الهدف من الأذان أن الناس تجتمع للصلاة إذا ما سمعنا الأذان كيف بنفطر إذا كنا صايمين كيف بنمسك وأحنا صايمين وكيف بنصلي وأحنا ماسمعنا المؤذن فيه مساجد تأخر الإقامه ومساجد تبكرها كيف نعرف دخول الوقت حتى نعرف هو أقام أو لاء قرار فاشل وأنا ضده وجعله في ذمة اللي سعى لتنفيذه وكل هالمسلمين معلقين في رقبته يوم القيامه:cry: بالحب والإشراق |
جزاهم الله خير .. قرار كويس :smilie47: الأذان وياخذون راحتهم فيه يرفعون الصوت على كيفهم :smilie47: لكن بوقت الصلاة .. أشوف أن بعض المساجد مايكاتها قممممممة الإزعاج ولا فيها فايدة :to: إلا صحيح .. وش الفايدة من الصوت المرتفع إلى حد الإزعاج وقت الصلاة؟ :to: تبي تصلي يا إمام جزاك الله خير خفّض صوت المكرفون واقرا على كيفك .. أنا بصراحة ما أعرف نص القرار .. لكن أتمنى أنه يكون خفض أصوات المساجد في غير الأذان .. وأتمنى تنفيذ القرار رحمةً بجيران المساجد :no::smilie47: الدين يوصي على عدم إيذاء الجار .. وبعض الأئمة الله يهديهم ما عبّر جيران المسجد اللي هم أولى من غيرهم بعدم الإيذاء ..! |
صحيح قصروا على مكبرات الصوت بس يكتمونه ع قولتك غلط عندي موقف بذكرهـ رد ع عنوان الموضوع مدينة مسلمة ولا لا :) انا آذكر في آحد القرى كنت اتمشى انا وواحد من الجماعه المووهيمـ باقي على المغرب تقريبآ ساعه ألا ربع فذكرت اننا ماصلينا العصر, وحنا نمشي صار على يمينا الطريق السرع الخط . وعلى يسارنا ملعب لقيت واحد يلعب كورة مدري يتمرن فلتله وين القبله معاه وعلمني وصلينا , وآخر ركعة اشوف وقفت عندنا جيب الشرطة قال وش تصلون قلت العصر خذا بطاقاتنا ويسألنا مع انو مطوع , قال ماتجوز , قلت ليش قال انتهاء موعد الصلاة :) قلت يالغالي لاتفتي من عندك حنا دارسين وعارفين ومحنا جاهلين الامور هذي ونعرف المواقيت زين قال لا أنتهت وقتها ومايصلح تصلي شوي صار ويعرفون واحد يقربلي مديرهم قالوا يقربلكم فلان قلنا ايه قال لخوية كلموه شف هم طاهرين يوم يصلون :) مدري من التخلف وش بيدريهم اني طاهر ولا لا الموهيم افهم فيه بس الظاهر شافنا شباب وانا شعري كان طويل شوي ولاعب فيه قال شكلهم مايفهمون ولا داشرين ويقول بزر ويعلمني :( عاد انتهاء بنا المطاف لمركز الشرطة وبعد الهواش معاهم خذ تهديد منه وبيطولها للآمارة ومدري ايش وتهديد بالسجن فترة طويلة وتهديد بحجز البطاقة ونا معها قلت سو اللي تسويه انا على حق وفي دولة تطبق الشريعه مهوب انت تطبقها عصب وطلب بطاقتي وزاد توعده ولو مامسكوه اخوياه طقني والله ذاك اليوم حسيت اني منيب في السعودية هذا الموقف رد على عنوانك بس تضل تصرفات فردية والحمدلله أننا بدولة مسلمة والحمدلله على نعمةالإسلام و الآمن والأمان مشكور النــ15ــمر ع الموضوع ^_^ تشاو // |
وعليكم السلام .. هلا بك متعب .. وحيآك .. فعلاً بعض المساجد قصرت بشكل كبير على المايكرفونات , وصارت ماتنسمع الا من اقرب بيتين في الحاره ! مو الكل ولكن بدأ الكثير من المساجد على هذا النهج .. جد شي غريب ! صوت الاذان صار ازعاج الحين !! شي غريب فعلاً .. والله اني احيانا ماقوم للصلاه الا على صوت الاذان .. يعني هذي احدى الفوائد .. وبالتوفيق .. تقبل ودي .. واحترامي .. دمت بخير |
| الوقت المعتمد في المنتدى بتوقيت جرينتش +3.
الوقت الان » 05:50 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd