عندي مشكله من يعرف حلها تكفون
 

مسـاكم الله بالخير كيفكم يا حلوين
والله مشكلتي مشكله
عندي الانترنت اكسبلورر من يوم نزلت النسخه الاخيره
وهي 6.0 والايميل حق الهوت ميل صار ماعاد يفتح الا نادراً
يعني مايكمل تحميل الصفحه حاولت طفيت الكمبيوتر وشغلته مره ثانيه
مافيه فايده مدري وش قصته قلت الله يخلي الاوتلوك بس نفس الشئي
حتى الاكاونت حقي اللي كان فيه راح قلت اسوي واحد جديد بس موراضي
مايفتح مايطلع لي الايميلات الجديده مايسحبها من السيرفر وش اسوي فيه
مدري وش حلها اظن ها المشكله مالها حل المشكله كل شئي حلو كل المواقع تفتح اي ايميل ثاني يفتح الا الهوت ميل وش اسوي عطوني امل انه فيه حل ... بس امل ( لايطلع وحده اسمها امل هنا والا شئي نبلش عاد )
<< فاضي انت تنكت ( ثقيل دم صح ) :mad: :mad:

محد عنده اي اقتراح لحل ها المشكله
طيب انا فكرت وبعد جهد جهيد اتوقع انه من خصائص الاكسبلورر
انا متاكد اني لو عدلت في الخصائص بيرجع مثل الاول
ياليت من يعرف في الخصائص يقول لي واذا فيه شرح ولا عليكم امر يالله علشان اقول لكم المشكله الثانيه بعد :-)

السلام عليكم kuharedo ،

بصراحة ما عندي علم يقيني بهالمشكلة, لكن كلامك صحيح بأن المشكلة بخصائص الإكسبلورر، يعني لازم تحوس حوس بالإكسبلورر إلين ما تلقى الحل الصح. عندي أكثر من حل، لكن ترى ممكن ولا واحد من الحلول يضبط، انت بس لا تيأس حاول. :)
=/=/=/=/=/=/=/=/=/=/=/=/=/=/=/=/=/=/=/=/=/=/
فيه خصائص كثيرة ممكن تغيرها. يعني ممكن تضيف الهوتميل إلى قائمة الـ ، Trusted sites ، يعني المواقع الموثوق بها، جرب: اختر tools بعدين internet options و بعدين Privacy (الخصوصية).
الآن اضغط على زر Edit اللي تحت،
اكتب بالفراغ (www.hotmail.com) بعدين اضغط على زر Allow أو السماح.
معليش ترى الويندوز عندي إنجليزي.
الآن حاول تدخل بريدك.
=/=/=/=/=/=/=/=/=/=/=/=/=/=/=/=/=/=/=/=/=/=/=/=/
يمكن ما يضبط معاك هذا،
فيه حل ثاني جرب من نفس صفحة الخصوصية (Privacy) تبي تلقى شريط يحرك لأعلى و أسفل، تأكد إنه على Medium و ليس Medium High ، يعني متوسط. إذا كان هو أصلا متوسط، فجرب أعطه قيمة أقل، يعني خله Low أو Accept All s
=/=/=/=/=/=/=/=/=/=/=/=/=/=/=/=/=/=/=/=/=/=/=/=/
برضه يمكن ما يصلح :) -- إذا ما صلح فلا خير في مايكروسوفت.

إذا كان عندك برنامج حماية مثل Norton Internet Security أو ZoneAlarm فجرب أغلقه و حاول تدخل الإيميل، لأن فيه احتمال إن المشكلة بإعداداتها.

=/=/=/=/=/=/=/=/=/=/=/=/=/=/=/=/=/=/=/=/=/=/=/=/
جرب طيب بدل ما تكتب http://www.hotmail.com
اكتب https://www.hotmail.com لاحظ هنا أضفنا s

=/=/=/=/=/=/=/=/=/=/=/=/=/=/=/=/=/=/=/=/=/=/=/=/
هالمشكلة بصراحة اجتهدت فيها اجتهاد فقط...،

لكن انت حاول تحوس بخيارات الخصوصية و الأمان ، Security & Privacy ، هذولي يمكن هم سبب المشكلة، حسب علمي يعني.
اللهلوب.

ماقصرت اخوي اللهلوب حاولت بس مافيه فايده
بس لازم القا حل تدري حتى منتديات الزعيم مااقدر ادخلها الا من المفضله لو كنت العنوان وضغطت انتر ماتفتح مايكمل تحميل وتدري بعد ميزه الانتقال التلقائي ماهي موجوده بعد
مع ان الاكسبلورر اللي عندي هو 6.0