|
ابو فيصل يستقيل...وهالشيء مايرضيكم ابد ياشباب الهلال بحاجتكم الان اكثرل من اي وقت مضى لاتصيرون زي جماهير الاندية الاخرى اذا انهزم فريقهم عطوه ظهورهم وسب هذا والعن ذاك...صدقوني انا محترق اكثر منكم ....لكن اللي قاعد يصير في الهلال بفعل فاعل...وشيء مخطط له من بداية الموسم...لكن برضه ماهي من اخلاقنا نقعد نسب وندعي على فلان وعلان..لأان هذي من حلول الضعفاء فقط..والهلال وجمهوره ليسوا ضعفاء ابدا. اعتقد ان الحرب ليست للهلال كفريق..بل هي لادارة الهلال اولا واخيرا...صدقوني الحرب اللي قاعده تدور في الخفاء المستهدف منها اولا واخيرا الامير المحبوب ابو فيصل عسى الله يوفقه دنيا واخره.....مشكلتنا في رئاسة الشباب مايبون ناس احسن منهم تفكر وتخطط وتلغي كل الطرق البدائية لادارة الرياضة في السعودية..اما الاخرون يريدون هالطريقة البدائية لانها تتيح لهم فعل مايريدون ومايودونه من سلب ونهب لمدخرات الرياضة وميزانيتها....عموما نحن مثل غيرنا في جميع الدول نتمنى ان يتم فتح مجال الانتخابات لادارة الاتحاد السعودي ورعاية الشباب...يعني مو شرط يكون صاحب سمو...خلاص شبعنا ديكتاتورية ياناس ارحمونا...............!!!! اما مباراة اليوم...فاعتقد انا بدايتها المدرب اللي حرام مايستاهل انك تسرحه مع ثنتين من الغنم:) قسم بالله من يوم شفته اول ماجاء الرياض دريت ان ماعنده سالفة اصلا ابو فيصل الله يوفقه قالها لكم قالكم في وسط الموسم ماراح نلاقي الامدرب اي كلام وفعلا ليكنز اي كلام..!!!! اتمنى ان تعود ادارتنا لمفاوضاتها مع مدرب مارسيليا فقد يكون خير خلف لكوزمين واعتقد ان سجله حافل بالانجازات التي تؤهله لقيادة فريق بحجم الهلال. الهلال يحتاج بعض التعديلات وخصوصا في الدفاع نامي والزوري والمفرج و المرشدي..هؤلاء لاعبين ممتازين لكنهم لايستحقون تمثيل الهلال وليسوا في مستوى نادي الهلال...يعني في اي نادي ايه لكن الهلال ماتستحقون اللعب فيه ابدا. الغنام الخثران العنبر الصويلح حدث ولاحرج....يعني لو ترتاحون في بيوتكم قسم بالله ازين لكم وازين لنا...!!! المحترفين للاسف اثبتوا فشلهم ماعدا ويلسهامسون...فهذا لاعب عالمي وكبير كبير واعتقد انه في الموسم القادم لو استمر بيكون تواجده غير . التائب خلاص استنفذ لازم يتغير اما يالليبي المروح كل ماغيروك سويت فيه نفسك انك كاكا يالدعله...ياناس شوفوا ويلهامسون يوم غيروه راح للاحتياط وقلبه على الهلال ومتضايق من النتيجه..اما الليبي المروح راح يتروش ومادرى عن الهلال..يكو نفي علمك يالتائب ماعطاك هالشهرة الا الهلال والا انت كم لك من سنة تلعب ماحد درى عنك يالعنز...ٌقسم بالله قهرني يوم طلع اليوم تقو ماهامه اي شيء ابد المهم انه يلعب وبس. الكوري والله هاللاعب معجبني لكن ماله حظ مع الهلال ولابد يتغير اوووب عشانه سيء لا لكن لانه ماتوفق مع الهلال بس. رادوي للاسف لاعب جيد لكن الهلال مايحتاجه الهلالل يبي له مهاجمين..يعني ياناس احسن فريق في اسيا ويلعب قدام الحزم او الاتحاد بنفس التشكيله والخطة وبمهاجم واحد....ماهو ظلم للهلال..!!!!!! نرجع لخالد عزيز....اتمنى الجمهور مايكون قاسي معه....الاشاعات اللي ظهرت عليه اثرت في مستواه كثير كثير والان خالد عزيز يحتاج وقفة الجمهور معه ليعود لمستواه اللي نعرفه عنه. ياسر القحطاني.....قسم بالله يهاللاعب تعرض لمصايب كبيره جدا لو اي لاعب مكانه صدقوني ماكان راح يلعب ولو بربع مستواه....ياسر ماقصر ابد رغم كل ماواجه من ظروف الا انه ماقصر ابد....الجماهير كلها ضده فما نبي جمهور الهلال بعده يكون ضده...صدقوني ياسر يحتناج اجازة لمدة اسبوعين على الاقل ولابد منها من بكره ولابد من اعادة تأهيله مره اخرى صدقوني ياسر نفسيته زفت الزفت ويحتاج الة\ى وقفة الجميع معه..وصدقوني بيرجع لكم مثل اول واحسن..[س اصبروا عليه....!!! بالله بسألكم ياهلاليين من متى الهلال احتياطه مايخوف؟؟ قسم من يوم عرفت الهلال ان احتياطه يخوف اكثر من الاساسيين الا هالموسم..يعني بالعربي يابوفيصل هالسنة كثروا من التنسيقااااااااااااااات والشطب والله يعينكم تشترون من الاعبين المحليين نحتاج ستة محليين حتى لو يكونوا شباب مو شرط يكونوا اساسيين في فرقهم ترى فيه شباب في الاندية ممتازين ويستحقون اللعب للهلال. واخيرا ياجمهور الهلال.....اصبروا وخلوكم مع ناديكم ومع رئيسه اللي يحتاج وقفتكم صدقوني لو شافكم ضده..فما استبعد انه يقدم استقالته وهذا مالانرضاه جميعا..فارجوكم كفوا عن معاتبته...وكونوا بجانبه ضد من يعادونه ويرسمون المخططات العلمية والمدروسة لاسقاطه..!!!! ابو فيصل الاى الامام ونحن معك ،، |
انا من شفت هالمدرب جا الهلال واقول للي حولي هذا مو مدرب هذا...... خبااااااااز يطلع اللاعب الجاهز ... اللاعب اللي يؤدي دوره او يغطي ... يعني احسن من لا شيء يطلع اللاعب اللي عليه العين من قبل الفريق الخصم وهذا شغل الخباز اذا شاااف الخبزة استوت وجهزت طلعها الله يعوضنا بشبيه كوزمين او ريحته |
ارائك عجيبه صراحةً اجل التايب راح يتروش و تارك الهلال لو كلامك سليم كان ما ترك منتخبه عشان الهلال و كان ما جدد مع الهلال رغم وجود عروض اعلى و دام سول يعجبك فهذه اكبر طامة احب ابشرك سبب زعل ويلي والتايب هو تغييرهم وابقاء سول اما المدرب فلا عليه لأنه لم يغير شيء نفس تكتيك كوزمين لكن السؤال اي مباراة في هذا الموسم عجبك مستوى الهلال؟؟؟؟؟؟ |
من قريت انك معجب بسوووول .... وقفت |
الله يعين الامور انحاست واكيد فيه شي ... فيه احد واقف لنا الله اعلم من هو ؟! اللي كل مباراه رزان لي بكرت احمر والمصابين اكثروا |
وربي ودي اضحك بس مقهور على اللعب اللي اليوم اجل معجب بـ سوول .. Brb |
إقتباس:
|
الموضوع مو موضوع مستوى وهزيمه كل فريق معرض للخساره لكن رئيس ما يحمي الفريق ما نبيه سواء عبدالرحمن بن مساعد ولا من يكون يا اخوي محمد بن فيصل على صغر سنه يوم قام البلوي يلعب ويستهبل بقضية كالون التفت له وطيره من مكانه واقالوه والحين لاعبينا كل واحد في مستشفى وجماهير الانديه الثانيه بالمدرجات تتمصخر بلاعبينا بكلام شوارع ومدربنا طار ورئيسنا يتفرج وبعد كل خساره يهني الفريق الفايز علينا؟؟؟؟؟؟؟؟؟ يا ا خوي شبعناااااااااا مثاليات ولا يجيني بزر ينط ويقول انت مندس |
المشكله ان فيه ناس اذا حطت في بالها ان هاللاعب فاشل خلاص ماتغير هالشي حتى لو يبدع مافيه امل يتغير الي في بالهم والله سول ان اخر مبارياته الي يدقق في لعبه يعرف انه فنان وان الكوره من الصعب جدا انها تطلع من رجله بشكل خاطئ لكن بالفعل اللاعب ماله حظ ابدا |
الله يرحم ايامك يا محمد بن فيصل |
إقتباس:
مندس مندس مندس مندس مندس مندس مندس مندس مندس وربي امزح:naughty: وكلامك عين الصواب :smilie47: :) |
بسم الله الرحمن الرحيم بكل صراحه الهلال من بعد كوزمين عليه السلام وبصراحه الاداره لازم تشوف لياسر القحطاني حل لانه طولها في الكروت ومستوى الهلال سيئ جدآ جدآ والناس وجهات نظر والله اني مغرم بحب الهلال ولكن مستواه لايطمأن |
الله يرحم ايامك يا محمد بن فيصل |
أنا أتوقع أن خبر التعاقد مع المدرب الجديد للهلال الذي سوف يدرب الهلال بعد إنتهاء هذي السنه أثر على ليكنز لكن لازم نقول الحق ليكنز لم يقدم مايشفع له تحياتي |
اقول ادارتك فاشله فاشله تحديات مؤمرات اداره معه فلوس ولا تعرف كيف تصرف وين تصرف كلنا نعرف عيوبنا من اول الموسم ما عندنا هجوم ما عندنا ظهير ايمن يروح يجيب وسط خالد عزيز الهللال اكبر منك وياسر في افف لاعب يتمنى مكانك والهلال من كبرك تبسم ما عندك غيره ياغبي |
| الوقت المعتمد في المنتدى بتوقيت جرينتش +3.
الوقت الان » 02:40 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd