تحية عطرة إلى وزارة التربية والتعليم , وبالاخص ادارة المناهج فيها ,,
المناهج لا تطاق ,, والله ما تطاق ,, لا احد يجيني يقول ما جيت الجامعة ,,!! الجامعة هذي مرحلة ثانية ,, انت عندما تكون طالب في الصف الثاني ثانوي ,, لديك 12 مادة تختبر فيها ,, المادة الواحدة فوق المية صفحة ,,
وكلـــــــــــــــــــها حفظ ,,!! إلى متى هذا الحال ,, إلى متى تظن إدارة المناهج انها تتعامل مع ( آلآت حفــظ ) ,,؟
ذايب كان عليه الاحد الماضي اختبار كيمياء ,, جاءت الساعة 10.30 وهو ما ذاكر الا درسين فقط ..!! يعني اربع صفحات من (85) صفحة ,, مع العلم انه ما يترك سطر في كتابته ,, هذا غير 15 ورقة خارجية ملخص لبعض الدروس ,,!!
يا ناس في اليوم الواحد ناخذ صفحتين إلى ثلاث صفحات ,,!!
( وللتذكير مرة آخرى , آرجو ان تتركوا موضوع [مناهج الجامعة اطول] لأنها مرحلة ثانية , وايضا عدد المواد أقل ) ,,
اذكر في الصف الثالث متوسط ,, تو ما لنا سنتين في الانجليزي ,, راحت كلها في الحروف والضمائر ,, بسبب المنهج الخايس ,, قبل الاختبار النهائي للفصل الدراسي الثاني دخل علينا المدرس ,, يقول ترى الوزارة طالبة في الاختبار النهائي ان يدرج تعبير ,, وعليه ست درجات من ثلاثين ,,!!
ما شاء الله ,, جمعوا مادتين في كتاب واحد ,, ( اخترت الصفحة اختيار عشوائي ,, صدقوني لو دققت لأجيب لكم المواد العلمية كلها في صفحة وحدة ) ,, غير كذا الكتاب غير مرتب ابدا ,,!! على الاقل من المفروض ان تجعل الاشياء التي تحتاج لحفظ ملونة , او تحتها خط , او في مربعات ,,!!
وغير كذا هالمدرسين اللي ما يحذفون شي ابد ,,!! استاذ ذايب حق الفيزياء , رغم انه لم يكثر علينا في الدفتر الخاص بالفيزياء الا انه قام بتحذيف الاشياء غير المهمة ,, استطيع ان اقول ان 75% من الاشياء اللي حددها لنا جت في الاختبار ,, والا استاذ التاريخ في الصف الاول ثانوي ,,!! محدد لنا 21 سؤال من اسئلة التقويم عشان نذاكرها ,,!!
والله العظيم ان هالمدرسين ما يذكرون الا بالخير ,, والله العظيم ,,
اما بعض المدرسين عكس ذلك ,,!!
بعض المدرسين ماهو مستوعب انه يدرس طلاب ثانوي ,, يحدد معنا من اول السنة ,, ولما تجي في نهاية السنة تجد انه ما خلّى شي الا وحط تحته خط ,, حتى رقم الصفحة ,,
ختاما ,, كتبت الموضوع سريع سريع وبأفكار مبعثرة ,, اعذروني على هالشي ,, ارجو ان يحوز على اعجابكم ,,
مأساة هذي وزارة التربية .. لازم تخلي الواحد يطلع من دوبه .. الحين حنا في السعودية 12 مادة في ثالث ثانوي , ولا تنفع معنا .. ! في اليابان , ثالث ثانوي 3 كتب , و ماشاء الله عليهم واصلين القمر و حنا لا يعني شوف الفرق , مو الفرق في الكتب , إلا الفرق وزاراتنا وزاراتهم و كيف الشرح عندنا و عندهم , فارق كبير لا يقارن لو بإيش ..
والله يا ذايب من وجهة نظري ما اشوف إن معاك حق في اللي تقوله
لو يحطون لك مناهج مصر أو سوريا وش تبي تسوي .. ؟
يا أخي الوزاره معطيتك 160 يوم دراسة تدرس فيها موادك تجي أنت تذاكر
ليلة الاختبار ولا تخلص المنهج وتحمل خطأك للوزاره ؟
مو منطق هذا يا عزيزي
بتقول لي الانسان يحتاج للراحة وما يقدر يدرس كل يوم
يا أخي أنا ما قلت لك لا تفك عينك عن الكتاب بس خذ لك ساعه يوميا تراجع فيها موادك ولو كقراءة فقط و الويك إند لا تفتح الكتاب أبد و إذا صار عندك اختبار شهري أو يعني اختبار تسليك من أبو كلب يا أخي ذاكر لا تقول ما عليه درجات ولا يحتاج مذاكر لأنه بينفعك لاجت نهاية السنة
لا تحسب إني دافع عن أبوي عشانه هو وزير التعليم
كلامي لا يعني إن الكتب عندنا توب لكن الاخطاء مشتركة بينك وبين الوزاره
و راح تتأكد من كلامي لما تطلع للجامعه إن شاء الله و تعرف إن طريقة مذاكرتك طوال أيام الدراسة طريقة خاطئة و أنت تعتقد إنها صحيحة وتلقي اللوم كله على الوزارة إن مناهجها خياس وإن الوزير بكبره حاقد عليك يا ذايب والغلط منا حنا أساسا
ومن ناحية بي تحديد وتبي المدرس يتساهل معك درسني مدرس الله يذكره بالخير كنا نقول له نبي تحديد يرد علينا أنا ما جبت لكم شي من عندي عشان اقدر أحدد هذا الدولة حطته وقالت اختبروا العيال فيه
بعدين يا أخي طالع اللي قبلك أنت كتابك الحين فيه صور تسهل عليك وفيه كمبيوتر ينشرح عليه يساعدك الاوليين يذاكرون بكتاب أبيض وأسود حتى الكلام ماهو ملون يعني أبوك يا ضيقة الصدر أنت الحين إذا ما فهمت شي رحت تدور رسمات ولا تجربة تسهل عليك هو من أول يقرا وإذا ما فهم مشكلته
إقتباس
الرسالة الأصلية كتبت بواسطة رجل من عالم آخر
***
مأساة هذي وزارة التربية .. لازم تخلي الواحد يطلع من دوبه .. الحين حنا في السعودية 12 مادة في ثالث ثانوي , ولا تنفع معنا .. ! في اليابان , ثالث ثانوي 3 كتب , و ماشاء الله عليهم واصلين القمر و حنا لا يعني شوف الفرق , مو الفرق في الكتب , إلا الفرق وزاراتنا وزاراتهم و كيف الشرح عندنا و عندهم , فارق كبير لا يقارن لو بإيش ..
***
خلاص يا إبراهيم أنا بعطيك 3 كتب بشرط الكتاب الواحد أبحط فيه 1000 صفحة وأقسمه لأقسام قسم فيزياء وقسم كيمياء وقسم الخ الخ الخ ....
يا إبراهيم يا غناتي طيب اللي تدرسه إنت في ثالث ثانوي شف هم متى درسوه رح دور لك صديق من اليابان في مثل عمرك وتبادل كتب إن ما ضحك بوجهك على كتبك تعال احلق عيني
ما أقول إلا زي ما قال عادل إيمان المدارس بااااضت يا جدعااااااان
بغيت أقول دي عالم صايعه يا جدعاااان بس حسيتها قوية والله كل شوي يطري على بالي شي جديد وأحرر الرد
الكيمياء والاحياء
تصدق بالله اني دخلت اختبار الوزراه النهائي , وانا ما حفظت ولا حرف من الكيمياء العضويه ومن المملكه الحيوانيه
وجبت في الكيمياء 95 , و الاحياء 97 ,
طبعا جايب 70 من 70 في كل المواد قبل النهائي
وبناء عليه
الله يوفق عبد ربه و ابو محمد و الحساوي محضر المختبر < لا يحضرني اسمه حاليا والمرشد ابو خليل والوكيل ابو فهد والمدير ابو فهد ذكرتني بكرا امرهم اسلم عليهم يستاهلون ذائب , الله يوفقك ويوفق اخوانا طلاب الثانويه
درر الود ده بيقول كلام صح <= ناوي يقدم معروض لبوه انا صراحة اتفق مع ماذكرة الانسان الي بينقط حكم <== هاه كيف الترفيع
الي اعرفة ان المدارس الحين تغير النظام فيها والاختبارات صارت اسبوعين يعني مهوب معقولة انك تذاكر كل يوم بيومه وتجي قبل الاختبار وكانك أول مره تفتح الكتاب كلنا مناهجنا كثيره وبعضها تتعدى الـ 200 صفحة لكن الاختبار الشهر الاول والثاني نكون حافظينه مجرد مانقراه نتذكرة والي بعد الشهر نذاكره قبل الاختبار بايام وقبل الاختبار بيومين نبدأ نراجع اما لو الكل سوا مثلك وجاء قبل الاختبار وفتح الكتاب شي طبيعي انه ماراح يحفظ لانه اساساً مو فاهم شي الي توه يفتح الكتاب الحين
إذا تبي تنجح بمعدل كويس قبل الاختبار بكم يوم ذاكر على روقان تفهم وتحفظ بنفس الوقت لانك لما تفهم راح يسهل عليك الحفظ وبكذا مايجي الاختبار الا وانت تقعد تراجع
اترك حنا برياض نجد الانجليزي كتب مو حكوميه كتب تلحس الراس مدري لبنانيه مدري من وين الزبده فيها علوم وقواعد ومدري ايش كلها انجليزي واللي ضحكني باختبار اليوم انه حاط سؤال معناه صحح الكلمه المخططه من الجمله ومفروض السؤال يكون صحح الجمله يعني كانهم يبون يصقطونك>>>مو كاني طلعت عن الموضوع
ابروح لموضوع ثاني وهي المواد اللي مالها داعي بالابتدائيه والمتوسطه فيه مواد اذكرها مالها داعي نصوص>>مال امها داعي يعني لو احد يقولي شعر تراه شعر فصحى الوطنيه>>شالمطلوب منها مدري املاء>>لاتعليق ـــ وعندي ملاحظه ليش تتغير مسميات المواد كل سنه يعني نقول مثال القراءه في الابتدائي صارت مطالعه في المتوسط القواعد نحو مدري ايش شي يدوخ
مشكلة مناهج التربية والتعليم لدينا في الكيف وليست في الكم ,, فجل اهتمامهم وجل تخطيطهم وجل دراساتهم تؤوي وتؤدي وتؤول بالطالب للحفظ والا لن ينجح , وهذا نتاجه ومحصلته وقتي ,,
تدري وش مشكلتنا اننا نفكر بالاختبارات اكثر منن اننا نستفيد من المنهج بحياتنا,,بعدين المشكله الوحيده في منهج الكيمياء والاحياء بجميع مناهج المملكة انه كله نظري مافيه شي عملي وهذي المشكله الوحيده يعني مافيه تغيير بالرتم كل شي بالكتاب مافيه شي تطبيقي
وزارة التربية والتعليم , ( إلــى متـــى ) ؟ 
<= ناوي يقدم معروض لبوه 
الوضع العادي
