|
ابي كل واحد يقولي رايه بصراحه عن زواج الاقارب مهمممممممممم السلام عليكم بغيت انزل هالموضوع عن زواج الاقارب بشوف رايكم فيه انا في يوم كنت بالاستراحه مع الشباب تناقشنا عن هذا الموضوع وطبعا زي كل مره مستحيل نتفق شوي ونتكافخ :to::to:ادري تبون تقولون <ما عندنا روح رياضيه > بس هذا حالنا اذا بدينا بأي نقاش على العموم ابي ردودكم لاني بصراحه مقبل على زواج وحاط ببالي بنت خالي وانا متمسك فيها بس خايف ابوها يردني او يخطبونها عيال عمها ابي حل لموضوعي افاتح ابوها بالموضوع ولا لا ها وش رايكم شباب |
والله يالحبيب اسألني أنا خبرة والآن محرم إني أتزوج من قريب حادثة 2 من أخواني مآخذين 2 من بنات عمي .. وكلهم خوات 2 من عيال عمي اللي هم أخوان للبنات عمي ماخذين ثنتين من عندنا يعني كم زواجه اربع زواجات تخيل 2 من هالزواجات توفى فيهم 4 اطفال بسبة امراض وراثية يخليك تقول باي باي زواج اقارب وهذا اللي انا بعمل عليه وبعد الوالده الله يحفظها كانت تزعل إن فكرت أخذ من برا العايلة الحين تقول إبعد وبس تعبت شكريا :rose: |
ياخي قايلها الملك فيصل الله يرحمها اتفق العرب على ان لايتفقوا ..:no: وكلنا كذا ..:bx: <<<<<<<< طلع عن الموضوع الاساسي ..:d |
والله على حسب الحرمه اذا شفت القريبه اللي كفوو اخذته بس بالنسبه لي انا بعييييييييييييييييييييييييييييييييييييييد عن القرايب مدري احس البعد احسن :clapping: لانه لو صار مثلاً مشكله لو صار شئ احسه بتطول السالفه ويكون فيها اقارب و و و و.. وجهة نظري هذي .. خلك بعيد تسلم وتنبسط :d بالتوفيق لك وعسى الله يرزقك بنت الحلال اللي تسعدك بحياتك :rose: |
والله هو ماينفع وينفع :d هذا المختصر المفيد ادري مافهمت افسر لك الحين ينفع لانك تعرف البنت وخبزها وعجنها :d وماينفع بسبب الامراض الوراثيه :yes: والمشاكل الي تكون بين افراد العائله سلبياته اكثر من اجابياته وسلامتكم :rose: |
له سلبيات وله ايجابيات ويستحسن انك تبتعد عنه اولا الامراض الوراثيه ثانيا لو صار لاسمح الله مشكله بين الزوجين العايله كلهم بيزعلون من بعض مره بنت خاله رفيجتي متزوجه ولد خالتها ولما ماصار نصيب وتطلقو صار زعل كبير بالعايله بين الابهات والامهات والعيال:no::no::no: طبعا كل شي له سلبيات وايجابيات لكن الانسان يبتعد عن الشي اللي فيه سلبيات وايد تقبل مروري اختك شوق الكويت:rose::rose::rose: |
مشكورين الله يعطيكم العافيه على ردودكم وفزعتكم معي بأرائكم وانشالله الله يجيب الي فيه الخير للحين ادرس الموضوع |
عطيكم الف عافيه ما قصرتوا |
والله اخوآني كلهم ماخذين من أقاربي .. والصراحه مدري عن سلبياته وايجابياته .. بس من نآحيتي أوأيده .. |
صراحة يا اخوي امي وابوي عيال اخوات واختي الكبيرة في متلازمة داون على ما اظن فانصحك ابعد واستخير الله قبل كل شي تمنياتي لك بالتوفيق السعادة في الدنيا والآخرة |
بغض النظر عن الأمراض الوراثيه المشاكل اللي راح تصير لو حدث خلاف بينك وبين زوجك ولد عمي قالي مره وهو صادق في كلمته إذا بغيت تخطب إخطب الاب والأم قبل البنت :d << لأن بعض الاحيان يكرهون لك عيشك أبوها وأمها .. يعني بالعربي سؤاءً قريبه أو بعيده أهم شي بوجهة نظري أمها وأبوها |
زواج الاقارب له مميزاته وله عيوبه ............. من مميزاته مثلا : +انك تعرف البنت يعني ترتاح من هالناحيه +يكونون اهلك يعرفون كل صغيره وكبيره في البنت يعني تعرف كل عيوب البنت قبل ما تأخذها وهاذي ميزه مهمه بصراحه +وهم بعد يعرفون كل شيء عنك +سهولة المعاشره بينكم تكون بدرجه كبيره +الممنوع عندكم بعد ممنوع عندهم يعني اذا اهلك محافظين تبي ترتاح من هالناحيه لأن اهلها من طبعكم +سهولة تأقلم البنت مع اهلك +تكون البنت تعرف حالتكم الماديه وانت تعرف حالتهم بعد يعني كل المعلومات الي تهمك عن البنت واهلها تكون عندك والعكس بعد واهم ميزه التوفير في العرس s13s لأن اهل البنت هم اهلك يعني ما تضطر تعزم اهلك واهل البنت اذا كانت ماهي منكم وفيكم السلبيات : - المشاكل بينكم تكون اكبر من انها بينك وبينها المشاكل تكون بين اهلك واهلها يعني تحاول تفتك من المشاكل مو لعيونها الا تفاديا للاحراج مع ابوها واذا كانت من بنات عمك او خالك ما تقدر تسوي شي لأنك لا سمح الله طلقتها فأنت طلقت عمك والا خالك معها :yes: اما اذا كنت بعيد طلق زي ما تبي ولا يهمك احد:bx: - اسرارك في كثير من الاحيان تكون عند عمك نقلا من زوجتك :bigeek: -الامراض الوراثيه وهي سلبيه مهمه جدا وعلى العموم تبي نصيحة محب اذا اعجبتك وحده سواء بنت عمك والا خالك والا بنت الجيران والا بنت الخدامه:d توكل على الله ولا يهمك كلام العالم انت الي تبي تعرس مو هم والعالم ما غير تصرح وتنصح على هواها :d والي يبي يأكلها انت مو هم |
مثل ماقالو الاخوان له سلبيات وايجابيات اذا كنت ناوي على الاقارب ابتعد عن ابناء العم والخال من وجهة نظري اقارب من بعيد شي جميل بحكم معرفتك باهلها وبها واذا كان خارج العائله افضل وبالتوفيق |
الزين في زواج الاقارب انك تكون عارفها وعارف اخلاقها .... الشين الامراض والورثية ولو حصلت مشكلة بينك وبينها بتصير مشكلة بين عايلتك وعيلتها ... ..... تشكراتي |
إقتباس:
صح لسانك بارك الله فيك |
| الوقت المعتمد في المنتدى بتوقيت جرينتش +3.
الوقت الان » 01:51 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd