|
في ما مضى ... من خواطري ... ايام الشباب ؟ خطبة + ملكة + دخلة بليلة واحدة ...؟ حدث ذلك لأحدالمعارف مع أحد أصدقائي ألأعزاء---هذه القصة حدثت له منذ عدة سنوات واليكم ماقال لي :- في ليله من الليالي الماضية كنت عند أحد أصدقائي الأعزاء جدا...وكنت ساعتها في حالة غضب شديد مع أم العيال العزيزة ؟ وسألني الملقوف وقتها وش فيك وراك زعلان ؟ قلت :- أنا أنا ما فيني شيء أبي أتزوج ثانيه حتى إذا ضاق صدري من وحدة رحت للثانية (مسوي عنترة هو ووجهه ). قال :- لا يضيق خاطرك ابد عندي زوجتك المطلوبة ...ولا يضيق صدرك ابد وأنا أخوك... أختي فدوه لك والله ما تغلى عليك يا عشرة العمر. قلت له :- والله ونعم النسب وأنا أخوك وأنت تنشرى وأهلك بعد . ما دريت إلا والرجال طمر من حيله وغاب عني نصف ساعة تقريبا ورجع . قعدنا نسو لف إلا وربعه جابين تباعا واحد ورى الثاني ...بس واحد منهم جاء ومعه واحد وقور وذو لحية بيضاء ومعه دفتر ؟؟؟ ما أمداهم يدخلون إلا وصاحبي بادره على طول ... :- هلا والله بالضيوف ياهلا ومرحبا بك يالمطوع ملك يا الشيخ ملك ؟؟؟؟ مسكت صاحبي على جنب وقلت له :- وش السالفة عندكم ملكه الليلة ؟ قال :- نعم بأعلى صوتة ( يعني أسمعو يالربع ) ملكتك على أختي ...وأنا شاورتها وهي موافقة ...؟ والله النكبة...أنا ويني وين الزواج ...عندي خمسة عيال الله يحفظهم والله الورطة؟ المهم أعطاني هالكلمتين ورفع صوته ...يا لربع الليلة ملكت فلان ( يعني أنا ) على أختي فلانة ؟ المهم الشيخ قعد يقراء ...وأخوكم راح بهواجيس ...ماصحيت منها إلا والشيخ يقول لي :- وقع هنا ؟؟؟؟ طالعت يمين ويسار إلا والربع يطالعون فيني ...ونط الملقوف صاحبي يقول :- وقع ألف مبروك ...منك المال ومنها العيال؟ عيال يفرقعون بطنك يا لبعيد أي عيال .... أنا عندي كوم لحم ( على قولت المصارية ) يا لخبل أنا متورط الحين ( أخ ياللسان لساني ذا ملقوف مثل خويي ) ؟ المهم وقعت وأنا محرج من صاحبي ومن أخوياه ( كل واحد يطالع فيني ويتبسم ) واستحيت أكثر بعد من الشيخ اللي مادآ دفترة للتوقيع ؟ طمر الشيخ بعد توقيعي وراح بالداخل مع صاحبي وخذوا توقيع العروس وأمها ... بعدين دخل علينا الشيخ وصاحبي ...وبلسان واحد مبروك ألف مبروك ياأبوفلان منك المال ومنها العيال ؟؟؟ شوي إلا وصاحبي يقول تفضلوعلى العشاء .يا هلا ومرحبا تفضلو يا لربع وأسفين على القصور . مفطح وعليه تسعة رجاجيل بس ( وأسفين على القصور ) ... ؟ تعشينا وشوي شوي كلا بداء يسري ...فقمت أنا بأسري إلا وصاحبي مسكني :- وين خذ حرمتك معك؟ قلت له :- أنت صاحي وإلا مهبول ...بعدين بعدين.... على الدخلة ياأخي . قال :- أنا اصحي منك ...ما عندنا دخلة وكلام فاضي خذ زوجتك بس وتوكل على الله ...الله يوفقكم؟ والله الورطة وين أوديها بس ... تدري هذى فرصة قلت له :- أنت عارف ما عندي استعداد لهذا الشيء خلها عندكم وبعدين أعود أخذها لما أجهز لها مسكن ....مسوي ذكي ... قال :- لا تخاف مجهزين لكم غرفة بطرف البيت تنامون ليلتكم فيها والصباح رباح . يا ورطتي ورطاه ....يا لربع ما أبي ...ماودي ...وليه وش وداني ذي الليلة عنده ...و.و.و؟ دخلني عليها ولد الأجاويد ( النذل ) ...وخلاني في حيره ؟؟؟؟؟ المهم دخلت عليها وشفتها ...؟ تبونا نكمل القصة كملناها ...... وأذا ماودكم ... يكفي هذا الجزء منها وكل واحد فيكم يكملها على خاطرة .... وأنا تعبت من الكتابة ....أرجوكم أسمحو لي بالراحة شوي ولنا لقاء يوم غدآ أذا تبون نكملها لكم .:D |
نكمل القصة :D ~~~~~~~~~~~~~~ قال صاحبنا في تكملة قصته يا سادة ياكرام :- هي شينه بجد...وعععععععع ؟ وجع ... وش ذا الصداقة اللي تخليك تسوي فيني كذا ؟ وش مزوجني وحدة شينه مرة ؟ المهم سولفت معها شوي دردشة مجاملة وش اسوي ومن السوالف معها تبين لي أنها ( بنت عمته ) مهيب أخته؟؟؟ وأن ابوه الله يرحمة موصيه عليها ...وتحسب ان ملكتها عليه هو مهوب واحد ثاني حسب الوصية؟؟؟؟ أخس يالسمرمدي أخس يالخاين طلعت روحك ونشبتها فيني ؟؟؟ طيب يالخسيس طيب. المهم جاملته... ومن سمعت الأذان على طول طمرت ...توضيت ومانمت الين طلع الفجر ... للصلاة وطلعت من البيت ......لوين لبيتي الله يخليه لي يارب. رحت لبيتي ... ال...ا وأم العيال جالسة المسكينة تنتظرني مانامت طول الليل ( عساك انبسطت مع ربعك ) قالت لي ؟ قلت الحمدالله وعلى طول أروح للغرفة وأنسدح على الفراش ...وعظامي تطقطق ونفسي كله يروح ويجي ....أف أف أف...بأنام نومة ... بأسوي نفسي بحلم ؟ المهم غطيت بنومه عميقة ووقضتني من النوم أم العيال ....يالله ماعاد الا خير قم للدوام الله يهديك ؟ قمت من النوم وأفرك عيوني هذي من هي ...لا لا هذي أم عيالي الله يخليها لي ...مولمة القهوة والفطور والعلوم الطيبة ... لا بعد ...وبوسه على الجبين ......ياحلوها...من زوجة ؟ أبو فلان ....عاجبك الفطور والا تبي شيء معين ...... ياليل ماله ليل ...وتدلعني بعد ؟ أقول لا والله عاجبني ياغالية وكل مايجي منك يعجبني يالغاليه ؟ المهم طلعت للدوام وانا مهوب انا مسرح وقاعد افكرفي اللي حصل البارحة ... رن التلفون في المكتب والا هذا ثقيل الدم النسيب الجديد ؟؟؟ ترى الغداء عندنا ....لاتنسى لازم تحظر فيه ربع من الجماعة ودهم يشوفونك ...؟ قلت له :- زين انا جاي .... يالنشبة ( قلتها في نفسي ). رحت له على الغداء .. وكان أمسكه على جنب ...يالخبيث نجيت نفسك وورطتني ؟ ضحك من كل قلبه وقال :- مبروك ياعريس؟؟؟؟؟ تغدينا وعينا خير وعلى طول اكرمك الله في امان الله . مسكني بيدي وقال الخبيث :- والعروس ؟ قلت له :- بارجع بعد العشاء واخذها. قال :- ماأنت طالع من هنا الا وهي معك . والله النشبة شين وقوي عين بعد. أقول فك يدي يالخبيث احسن لك.... تراك دابلآ كبدي من البارحة فك يدي عاد. قال :- والله ماتروح الا وهي معك؟؟؟؟؟؟ وانا فعلآ متكدر منه ومن تصرفه معي واللي سواه لي ........ كان أخمه بذاك الكف اللي يسمعه في أقصى الشارع ؟؟؟؟ والا أم العيال تصحيني... ويدها على خدها ...اثر الكف فيها المسكينة ...وذاك صار حلم ... الحمدالله صار حلم ... الحمدالله والشكر لك يارب ؟؟؟ |
إقتباس:
إقتباس:
إقتباس:
إقتباس:
:cry: إقتباس:
وانشاء الله تحقق احلامك تحياتي الملاك |
ودي اعلمها بس لو اعرف رقمها ... ده بعدك:D |
الله يوفقه |
<br><br><font size=4><div style=" width:100%;filter:glow(color=#C8B676,strength=6);c<br /> <br> <br /> olor:#535736"><font face="Simplified Arabic Backslanted"><br><br>على بالي أن عندك سالفه ؟؟؟ أهم شيء صار حلم لو أنه حقيقه كان رحت وطي <br><br> |
متى الجزء الثالث.... (واحد غاوي تسحيب) مشكوووور وياقلب لاتحزن:sad: تحياتي |
<p align="center"><b><font color="#FF0000" size="7" face="Tahoma"><marquee direction="up" scrolldelay="100" align="bottom" scro15amount="5" width="657" height="301"> اقول ترا بعض الاحلام تتحقق بس انتبه لاتطري لاحد انك تبي تزوج وتقبل تحياتي اخوك ســـــ SMN2002 ـليمان </marquee></span></font><BR> <BR> </b> <br> |
لوووووووووووووووووول حلووووووة هالقصة...... بس حسافة اطلعت حلم..... وبعدين وش لك بالحيرة والتحسف خذلك بس زوجة وحدة... والله انكم يااالرجاجيل اعيونكم زايغة...ومايمليها شي..... بس يالله اطلعت حلم والا ناوي بعد تحقق هالحلم...ياويلك من ام العيال.. |
هلا جاج خلنا من الحلم .. وعطنى المهم .. هي راحت معه والا لا .. :D وتسلم يا غالي .. ;) |
| الوقت المعتمد في المنتدى بتوقيت جرينتش +3.
الوقت الان » 11:59 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd