..: التجــنيد الاجبـــآري :.. - نادي الهلال السعودي - شبكة الزعيم

مثايل الروح · #1 27/04/2009, 11:21 PM

بسم الله الرحمن الرحيم
السلام عليكم وحرمه الله وبركآته

التجنيد الاجباري :

الكثير من الشباب المراهقين افسدوا انفسهم

وبهذلوا اسرهم وهذا الفساد اشتركت فيه عدة عوامل

منها الفراغ والصحة والنعمة والبذخ ورغد العيش والمحاكاة ...؟

انظروا مثلا: الى كورنيش جدة شارع التحلية وكل المواقع التي فيها تجمع شبابي

شباب يتسكعون في سياراتهم ويلبسون اخس لبس ويضايقون المارة

ويهلكون انفسهم بالسيارات و بالدخان والشمة وغيرها من المنبهات والغازيات

وربما يدور بينهم اعمال غير سوية

وفي ضني ان التجنيد الاجباري
سوف يصقل هولاء الشباب

و يتكفل تعليمهم الحياة على اصولها

رايكم ..؟

الزعيم المشاغب · #2 27/04/2009, 11:49 PM

والله كلام سليم ياليت يطبقونه

مــلــك الاحــســاس · #3 28/04/2009, 12:59 AM

يــــاليت يتطبق

ومشكووووور ع الموضوع الرائع

عاشق السندباد9 · #4 28/04/2009, 02:16 AM

ياخوي وش تجنيده والي يرحم لي امك ..

تجنيد كذا وببلاش والله انك تسمع .. انا طالب بكلية الملك عبدالعزيز الحربيه وماصبرني عليها الا الدراهم

ولا لو هي اقل من 2000 ريال تسان فصلت من اول يوم .. تحسب العسكريه كذا سلام وعليكم السلام .. لعنة جدف .. وهم وغم وضيقة صدر واهانات

وتقولي تجنيد

الله يلعن الزمن الي حدنا على العسكريه وبس

الحياة المدنيه

قف...امامك هلالي · #5 28/04/2009, 02:28 AM

كلام سليم والصراحه فيه عينات من الشباب انتم عارفين مين اقصد ودك تذبحها ماينفع معهم لإلا التجنيد

القيصر رهيب · #6 28/04/2009, 05:29 AM

من ناحيتي ما أؤيد التجنيد الإجباري لأن العسكرية عندنا بالسعودية

خاصة معروفة لمين و معروفين أهلها

وأشوف إنه من الغلط تأخذ من حياة الشاب سنتين عالفاضي

خاصة إن فيه إكتفاء بالعسكر لدرجة إن العسكر صاروا أكثر من
المدنين

تعال نحسبها /

يتخرج الشاب من الجامعه نقول عمره 22 , 23 سنه

يتوظف و يكون نفسه عشان يتزوج قلنا تزوج عمرهـ 25 , 26 سنه

أما لما بتجندهـ إجباريا راح تأخذ منه سنتين عالفاضي يعني بالوقت
اللي المفروض إن الشاب متزوج فيه تحصله توهـ متخرج

بالنسبة للشباب اللي ما أعجبوكـ

مصير الزمن يعلمهم و يخليهم رجال
مرحلة و تعدي

تبقى وجهة نظر وشكرا لكـ أخوي الكاتب على الموزوع

طوق الحمام · #7 28/04/2009, 05:56 AM

ومن قال ان التجنيد هو الحل ابد لا عاد تفكر كذا تدري لية ؟؟

انا اقولك الاسباب :
شباب كثير دخلوا التجنيد وكل واحد فيهم كان يحمل طموح ان يكون يوم من الايام شئي يذكر وكان حاط في بالة ان المجتمع العسكري مجتمع نظيف ومن ها الكلام ......
الصدمة مو هنا الصدمة ان بعضهم اصبحو من اكبر تجار الممنوعات ومن تتوقع زبائنهم !!؟؟
زبائنهم طلاب المعاهد العسكرية والمجندين اللي في الدورات العسكرية ..

اسمحلي على ها الكلمة المجتمع العسكري عندنا يوجد فية الفساد الكثير يعني مو حل ابد ..

انا هنا لا اعمم على جميع المجتمع العسكري ولكن هو ليس حل لان المجتمع العسكري عندنا اللي يدخلة لازام يكون ذيب ومو اي ذيب بعد ..

الحسنة الوحيدة اللي اشوفها في التجنيد الاجباري انهم يمكن يعدلون من مشياة عيالنا ويبطلون يسحبوان في رجولهم بانهم يخلونهم بس يوقفون زاي الاوادم ويعدلون من مشيتهم ويتركون التسحب في الشوارع وكان الواحد ما تعلم كيف يراز نفسة ويمشي مضبوط بدون تسحب وظهره مدري كيف قايل ..

واخير ..
انا لا اقلل من قدر رجال الامن عندنا ومن ضمنهم اناس احبهم منهم من هو ابي و اخي وغيرهم من احبابي ويخدمون في هذا القطاع الشامخ ..
وانا ذكرت بعض السلبيات وهذا لايغني عن وجود الايجابيات الكثيرة ابد اعلم كم فقدنا من ابطال وان هناك النبلاء من رجال الامن ولكن ذكري لتلك السلبيات اللي الكل يحاول يغمض عينه عنها والجميع لا يريد التحدث كيف اذا سنصلح هذا المجتمع من الفساد اذا الكل يتحاشى الكلام عن الفساد الي يصيرا في وسط هذة القطاعات العزيزة علينا ...

لك تحية اخي على الموضوع ..

الله يعطيك الف عافية
با التوفيق

h_s y t_2008 · #8 28/04/2009, 07:40 AM

مرحبا عزيزي

أذكر وضعت نفس الموضوع واذكر رد جميل من الجميل دوماً "الهاوي"

يقول:لماذا لانتحدث عن تدريب مهني إجباري بدلا من التجنيد الإجباري

تروق لي الفكرة كثيراً

واتمنى تطبيقها وتطبيقها سيحد من نسبة البطالة بكل تأكيد

تحياتي....

H_S Y T_2008

عاشق السندباد9 · #9 28/04/2009, 01:12 PM

كود:

زبائنهم طلاب المعاهد العسكرية والمجندين اللي في الدورات العسكرية ..


اسمحلي على ها الكلمة المجتمع العسكري عندنا يوجد فية الفساد الكثير يعني مو حل ابد ..


انا هنا لا اعمم على جميع المجتمع العسكري ولكن هو ليس حل لان المجتمع العسكري عندنا اللي يدخلة لازام يكون ذيب ومو اي ذيب بع

اسمحي لي يامحاميه كلامك مردود عليه ..

تقولين ان المجتمع العسكري في الفساد .. وان اكثر الزبائن من الطلاب ..!؟

انا اقولك كلامك مغلوط .. وشلون فيه اي طالب عسكري بيصير راعي ممنوعات .. سواء طالب ظابط او فرد ..!!

كليتنا بعد كل عطله .. ياخذون مجموعه كبيره من الطلاب ويقومون بفحصهم ..

وشلون واحد يصير راعي ممنوعات ويدري انه في كشف عليه بعد كم يوم !!!

هذا من الغباء المستفحل فيه لو صار راعي ممنوعات .. لانه راح يطرد من الكليه لو اكتشفو ان فيه شي في دمه ..!!!!

المعاهد الي تخرج افراد .. على حد ماسمعت انها ان ماكان كل يوم فيه كشف دم فهو كل ساعه

لان اغلب الي يدخلون معاهد الافراد يكونون من ادج المجتمع بالدراسه ومالقو لهم شي ودخلو معاهد الافراد ..!

هذا الي حبيت اضيفه فقط

وتقبلو مروري

بريماكس · #10 28/04/2009, 01:13 PM

إقتباس

الرسالة الأصلية كتبت بواسطة عاشق السندباد9


	تجنيد كذا وببلاش والله انك تسمع .. انا طالب بكلية الملك عبدالعزيز الحربيه وماصبرني عليها الا الدراهم ولا لو هي اقل من 2000 ريال تسان فصلت من اول يوم .. تحسب العسكريه كذا سلام وعليكم السلام .. لعنة جدف .. وهم وغم وضيقة صدر واهانات وتقولي تجنيد الله يلعن الزمن الي حدنا على العسكريه وبس

كل شئ وله مقابل ... لعنة الجدف شووف مقابله شوو

بعدين وين خدمة الدين ثم المليك والوطن

تصدق عاد معجبتني العسكريه .. اقصد الكليات العسكريه ( زابط ) .. يالبيه يالنجمه

بس فيها شئ كرهني فيها .. مره نسولف مع عميد متقاعد يتكلم فيها يقول من دخلتي فيها وانا كل يوم حاط يدي على قلبي خايف من النقل !!

عددلنا المناطق اللي راحله مافيه ولا مدينه الا راحله خخخخخخخخخخخخخخ

=> مايبالغ ابد

ايضاً التقاعد .. لاتقاعد العسكري راح راتبه

اغلبه بدلات

بعدين ياخي لاتلعن الزمن احمد ربك وربي ناس تتمنى الكليه العسكريه وماحصلتله تراك بنعمه

الله يوفقك وعقبال ماتتخرج وتعلق النجمه

والراتب طاق .........

عاشق السندباد9 · #11 28/04/2009, 01:20 PM

^^

ياخلفهم انت ياابراهيم ..

والله انك صادق ماصبرنا الا هالنجمه ..

وبالنسبه لـ العميد المتقاعد ترى كلامه صحيح بيوم وليله نقلك ترى .. والرجال الي عنده واسطه يزهل اموره ..

الله اكبر يعيش الملك يحيى الوطن

لك ياابراهيم

لصاحب الموضوع

w i t · #12 28/04/2009, 03:00 PM

جميع المجتمعات تحمل الصالح والطالح فالتخصيص ضلم في هذا الموضوع
ولكن التجنيد اعتقد انه يجب اخذ رأي أهل الدين فيه قبل كل شئ لانه كان سيطبق في عهد الملك فهد رحمه الله ولكن منع ذلك الشيخ عبدالعزيز بن باز ولا ادري ما السبب

"-_الهلال_-" · #13 28/04/2009, 03:39 PM

كلام سليم
ويا ليت
يطبقوه

لأنه اصبح الآن مطلبا

طوق الحمام · #14 29/04/2009, 01:33 AM

إقتباس

الرسالة الأصلية كتبت بواسطة عاشق السندباد9


	اسمحي لي يامحاميه كلامك مردود عليه .. تقولين ان المجتمع العسكري في الفساد .. وان اكثر الزبائن من الطلاب ..!؟ انا اقولك كلامك مغلوط .. وشلون فيه اي طالب عسكري بيصير راعي ممنوعات .. سواء طالب ظابط او فرد ..!! كليتنا بعد كل عطله .. ياخذون مجموعه كبيره من الطلاب ويقومون بفحصهم .. وشلون واحد يصير راعي ممنوعات ويدري انه في كشف عليه بعد كم يوم !!! هذا من الغباء المستفحل فيه لو صار راعي ممنوعات .. لانه راح يطرد من الكليه لو اكتشفو ان فيه شي في دمه ..!!!! المعاهد الي تخرج افراد .. على حد ماسمعت انها ان ماكان كل يوم فيه كشف دم فهو كل ساعه لان اغلب الي يدخلون معاهد الافراد يكونون من ادج المجتمع بالدراسه ومالقو لهم شي ودخلو معاهد الافراد ..! هذا الي حبيت اضيفه فقط

يا عزيزي هذا الواقع وانا ما جبت شئي من عندي..

والفحص اللي تقول عنة انت تعيش في بلاد تشتهر با الواسطة وحتى في الامور الدنيئة كثيرا مشوا وضعهم وهم دمهم مليان وعدوا الفحص و اللي توهق هم المبزرة اللي توهم دخلين، واللي يوفر دخل الميدان العسكري ويمول ما احد قدار يوصلة ممكن تقولي ليش ؟؟

يا اخي انا ما ذكرت عشان اقول ان ما فية صلاح ابد ..

بس ذكرت جزء بسيط من السلبيات اللي اتمنى تكون ما هي موجودة وانا ذكرت الفساد اللي يشمل الاعتدات الجسدية وبعض التحرشات على الطلاب اللي يكون المدربين مستضعفينهم...الخ

ولازلت اقول ان المجتمع العسكري عندنلا جداااااا بائس..

وسلامتك ..
وشكر لك اخوي..

وكما يوجد سلبيات هناك الكثير من الايجابيات بس لو نبطل نمجد في اروحنا ونذكر سلبياتنا عشان نعالجة ونخلي الايجابيات لانها هي با غنى عن ان نذكرها ..

وبا التوفيق

عاشق السندباد9 · #15 29/04/2009, 01:45 AM

إقتباس

الرسالة الأصلية كتبت بواسطة محاميه


	يا عزيزي هذا الواقع وانا ما جبت شئي من عندي.. والفحص اللي تقول عنة انت تعيش في بلاد تشتهر با الواسطة وحتى في الامور الدنيئة كثيرا مشوا وضعهم وهم دمهم مليان وعدوا الفحص و اللي توهق هم المبزرة اللي توهم دخلين، واللي يوفر دخل الميدان العسكري ويمول ما احد قدار يوصلة ممكن تقولي ليش ؟؟ يا اخي انا ما ذكرت عشان اقول ان ما فية صلاح ابد .. بس ذكرت جزء بسيط من السلبيات اللي اتمنى تكون ما هي موجودة وانا ذكرت الفساد اللي يشمل الاعتدات الجسدية وبعض التحرشات على الطلاب اللي يكون المدربين مستضعفينهم...الخ ولازلت اقول ان المجتمع العسكري عندنلا جداااااا بائس.. وسلامتك .. وشكر لك اخوي.. وكما يوجد سلبيات هناك الكثير من الايجابيات بس لو نبطل نمجد في اروحنا ونذكر سلبياتنا عشان نعالجة ونخلي الايجابيات لانها هي با غنى عن ان نذكرها .. وبا التوفيق

الحين انا اتكلم عن الفحص واحنا طلبه في الكليه .. ودي اعرف وش دخل الواسطه !!!

مشكلتنا مع العالم قالو كلش واسطه قلنا واسطه .. لو الواحد توظف عامل نظافه كان قلتو واسطه

مادري وش مفهوم الواسطه .. يعني كل الدنيا واسطه .. مستحيل .. !!؟

الكشف الي يصير داخل الكليه تحت يد ظباط ودكاتره كبااار .. الواسطه مالها دخل ..!؟

إقتباس


	اللي يوفر دخل الميدان العسكري ويمول ما احد قدار يوصلة ممكن تقولي ليش ؟؟

ماعليش يمكن عندي بظئ استيعاب بس ياليت تشرحين لي ذي الكلمه لاني مافهمت منها شي

إقتباس


	ولازلت اقول ان المجتمع العسكري عندنلا جداااااا بائس..

جداً بائس ليه ..!!؟

انا ودي افهم ليه بنيتي النقطه هذي على انه بائس ؟؟

عشان شفتي واحد ولااثنين من حثالات المجتمع قلتي بائس ..!؟

ماعليش انا ماراح اسمح انك تقولين بائس لين تجيبين لي أدله وبراهين تثبت كلامك هذا .. !!

إقتباس


	اللي يشمل الاعتدات الجسدية وبعض التحرشات على الطلاب اللي يكون المدربين مستضعفينهم

مدربين وطلاب الكليات العسكريه تقصدين ؟؟؟

ياليت توضحين هالنقطه بعد

لان فيها كلام كبير ان كانت النقطه الي في بالي

وأخيراً .. من حقي ادافع عن قطاعي العسكري .. وخصوصا بعض الناس الي في مخيلتهم ان السلك العسكري دنيئ !!

تقبلي تحياتي

..