ليكنز ... احترم نفسك .. إنه الهلال ! - نادي الهلال السعودي - شبكة الزعيم

متكي بشبكة الزعيم · #1 27/04/2009, 01:57 AM

ماذا يريد ليكنز بالضبط ؟!

في البدايه انتقد خطه لعب الهلال وقال انه سوف يحرر الهجوم

أمتعنا الفريق في مباراه الأهلي .. وأنا شخصيا امتدحت تكتيك المدرب وتفائلت به خيرا

لكنه في هذه المباراه ارتكب خطأ كبير في حق الهلال وتاريخه وجمهوره

ماكنت أتوقع إنه يجي اليوم اللي اشوف الهلال يلعب بهالتكتيك الانهزامي .. حتى لو فزنا

من يوم عرفت الهلال وفتحت عيني على الكوره قبل 25 سنه وحنا نشوف كل الفرق قدامنا ( وخاصه النصر ) تجيب هدف ثم تقلب التشكيله دفاع
.. أو أحيانا بدون هدف تلقاها تلعب دفاع وتصطاد الهجمات المرتده

الهلال فقط كان دائما هو الهلال وهو الزعيم الشجاع الذي يتقدم ولا يتقهقر

حتى وإن نزل مستواه .. فائزا أو مهزوما أو متعادلا .. كاملا أو مطرود منه واحد

ماعمري توقعت اني أشوف الهلال يقصقص جنحانه مدرب بهالشكل
ويطلع قوته الهجوميه وينزل بمدافعين عشان يحافظ على النتيجه

بغض النظر عن أنه الهلال .. من أبسط أبجديات الكره : الهجوم خير وسيله للدفاع

ومن أبسط أبجدياتها : إن كنت تبغا التعادل .. إلعب للفوز

من المخجل أن أشاهد الهلال يطلع منه ويلي وسول وينزل الخثران والغامدي .. ثم الغنام !

ماقال العنبر ... ما التفت على الدكه وشاف الشلهوب ...

اليوم وأنا أشاهد انفرادات الزوري وحطات التايب له ...
تذكرت حطاته للعنبر يوم رفعه لقائمه الهدافين في 3 او 4 مباريات

الشاهد ..

هذه ليست نكهة الهلال ... وليست روحه .. ولا خطه

وهذا إنتصار نحمد لله عليه ولكني غير راضي على طريقته لأنه يسيء للزعيم

وأرجو من السيد ليكنز انه ينتبه لهالنقطه إذا رجع شاف المباراه ...
وقارنها بمباريات سابقه للهلال في المواسم الماضيه

وعلى ذكر كوزمين ..

اتضح تأثر الفريق الكبير يغيابه في تكتيك الدفاع واليس في خط الدفاع

المسأله ليست مسأله انخفاض مستوى المرشد ابداً

المسأله ان كوزمين كان ممشي قلوب الدفاع على تكتيك مراقبه رأس الحربه مراقبه لصيقه وليس محاوله اللحاق بالكره

كنت تشوف المرشدي يمشي مع رأس الحربه كأنه ظله حتى عمق الملعب ويرجع معه وهوساوي معه يغطي ...

والأظهره تدخل تغطي إذا شافوا القلوب تعمقوا في نص الملعب

من بعد ماراح كوزمين تغير الحال

أتمنى من رجالات الهلاليين انهم يجلسون مع ليكنز ويتناقشون معه ...
مدرب شكله قدير ويجي منه ...
لكن بهالشكل أتوقع ان حالتنا بتصير صعبه قدام الشباب ..
وإن حالفنا التوفيق وتجاوزناه ..
فإن وقع هزيمه ثانيه من الاتحاد وإخراج من بطوله ثانيه بيكون مؤلم جدا وبتكون كبيره في حق الزعيم

أما الآسيويه فهذي سالفه بلحالها

دمــتـم بحـب الكـيان الهـلالـي ../

Mr SAW · #2 27/04/2009, 02:20 AM

كلامك في السليم وصدقت متعادلين ويزج بالمحاور الخثران و الغامدي و إظهار ويلي وسول من المفترض على بداية الشوط الثاني نزل في مكان سول العنبر لإن وضع الهلال بتعادل غير مطمئن يعني ممكن في أي لحظة يدخل هدف لنصر في وقت محرج على الهلال

مشكور على طرحك ويعجبني أسلوبك صريح

متكي بشبكة الزعيم · #3 27/04/2009, 02:30 AM

إقتباس

الرسالة الأصلية كتبت بواسطة Mr SAW


	كلامك في السليم وصدقت متعادلين ويزج بالمحاور الخثران و الغامدي و إظهار ويلي وسول من المفترض على بداية الشوط الثاني نزل في مكان سول العنبر لإن وضع الهلال بتعادل غير مطمئن يعني ممكن في أي لحظة يدخل هدف لنصر في وقت محرج على الهلال مشكور على طرحك ويعجبني أسلوبك صريح

لاهنـت يالغـلا عـلى المـرور

وإن شـاء الله حـال الزعـيم يتـبدل إلى أفضل
من كذا بكـثييييـر

مخاوي اسمي · #4 27/04/2009, 02:28 AM

صراحه انا اخالفكم الراي واتمنى الفقراويه ينهون عقد مدربهم ويجلبه الهلال ليكنز تحسه مهوب اللي يغير عندي سوال بسيط ... وين فهد المبارك وين الدوسري صراحه المدرب حرام يعتمد على المفرج والخثران لانهم كبروا بالسن وصراحه عمر الغامدي يجي منه ظهير ايمن .. ولكن المدرب عليه ملاحظات كثير جدا

زعيم..والله زعيم · #5 27/04/2009, 02:36 AM

صادق اليوم تغييراته غريبة

انا معه في إخراج سول وإدخال الخثران

المفروض يدخل الشلهوب بدل ويلهامسون وفي العشر دقايق الاخيرة إراحة ياسر ويكون بداله العنبر

لانه قدم كل اللي عنده بس الحظ ما حالفه

وايضا عشان الجماهير تحييه على الجهد اللي بذله (والضغوط) اللي عاشها في الثلاث مباريات الاخيرة مع المباراة هذي

عموماً

الحمد لله على التأهل

اهم شئ عدينا والاخطاء بإذن الله تتصلح

تحياتي للجميع

الله ينصرك يا هـــــــــــــــــــــــــــــــلال

alsopr · #6 27/04/2009, 02:44 AM

حجز يالغلا

يبي من يتفاهم معك انت

لي عودة اكيـد

خآلد ..!!

...نـــــدى... · #7 27/04/2009, 11:28 AM

إقتباس

الرسالة الأصلية كتبت بواسطة alsopr


	حجز يالغلا يبي من يتفاهم معك انت لي عودة اكيـد خآلد ..!!

الله يعينك ياصاحب الموضوع ان ماتوطى بطنك

<<لاتصدق امزح

تحياتي:ندو الهلاليه

xxfa8adxx · #8 27/04/2009, 02:52 AM

من جد وش تحس فيه يافنقر الرياض

الفريق قدم كل شي اليوم بس ماكان معه حظ
وبالعكس تغييرات المدرب احس انها منطقية وخاصة انها بأخر المباراة والفريق ماشي تمام وبدون مجهود يعني اخذ اللي يبي من المباراة ومابقي الا النهاية وغير للحفاظ على النتيجه وخاصة ان النصر يكفيهم طارق وياسر ومساندة من الخثران والزوري

مشكلتنا بالتنظير الواحد ماهنا مثله بالكلام والنقد وهو من جنبها يعني لو جت الفرص اللي ضاعات كان المدرب احسن واحد بالعالم ... صح !!
يعني تبي المدرب ينزل ويسجل فرص الزوري او رادوي او نامي !!!

تكلم بمنطق شوي
المدرب ماقصر وتكتيكه وقراءته للمباراة من احسن ما يكون واللي تغلب به العب به

<هلاليه> · #9 27/04/2009, 02:55 AM

اعذرني اخوي اني اخالفك الرأي

اول شي ليكنز لو لاحظت كل المباراة اللي قادها

مباراة هامه ولاتقبل انصاف الحلول

ومافي مجال يجرب مبارك ولا غيره

يلعب عالمضمون والاكيد ومافي مجال للتجربه

لشي الثاني تغير سول كان ايجابي للحفاظ عالنتيجه والتاهل

اما تغير ويلي فالواضح انه اجباري لان ويلي مصاب

بس ممكن لو كان التغيير بالشلهوب كان افضل على قولتك لان الشلهوب له نزعه دفاعيه بعاد ممكن يستفيد منها

اما قضية يطلع ياسر ويزج بالعنبر ابدا مااتفق معك

مو عشان تحيي الجماهير ياسر نضيع الفريق

ياسر مسوي لهم قلق وصداع ولو طلعته بيتحرر الدفاع وبيتقدم وبيزيد الضغط علينا

فابقاءه كان افضل شي

والمد لله عالتاهل وعقبال القادم يارب

* نديم الود * · #10 27/04/2009, 03:01 AM

انتقاد في غير محله مع احترامي لك ..

خروج ويلي كان افضل من اننا نخسره باصابة مثل الفريدي ..

ويلي قل عطائه ..

الغامدي اصيب ولذلك تم اخراجه ومن الطبيعي انك تقفل الوسط اخر 10 دقائق ..

ولاتنسى الفريق توه راجع من مباراة قويه ..

وعين العقل الخطه اللي لعب فيها والتغييرات ..

لانه بصراحة لعب الهلال اليوم ومااجهد كثير ..

ومباراة الشباب ستكشف الصح من الخطأ

إي.سي.هلال · #11 27/04/2009, 03:17 AM

انتقاد في غير محله مع احترامي لك ..

خروج ويلي كان افضل من اننا نخسره باصابة مثل الفريدي ..

ويلي قل عطائه ..

الغامدي اصيب ولذلك تم اخراجه ومن الطبيعي انك تقفل الوسط اخر 10 دقائق ..

ولاتنسى الفريق توه راجع من مباراة قويه ..

وعين العقل الخطه اللي لعب فيها والتغييرات ..

لانه بصراحة لعب الهلال اليوم ومااجهد كثير ..

ومباراة الشباب ستكشف الصح من الخطأ

^
^

كــلآمكّ صحيحّ / وآلعبآرهـ آلآخيرهـ هيْ آلليْ عليهآ آلــكلآم ~

"

alkazan · #12 27/04/2009, 03:55 AM

اول شيء ابارك لكم بفوز الهلال واشكر اي سي الهلال علا هذا الموضوع واتمنى انها عقد ليكنز سريعا وجلب مدربا افهم من هذا المدرب المدرب بوكير لويجيبوه افضل من ها المدرب والا لا

! دحـوم الهـلالـي ! · #13 28/04/2009, 08:43 AM

إقتباس

الرسالة الأصلية كتبت بواسطة alkazan


	اول شيء ابارك لكم بفوز الهلال واشكر اي سي الهلال علا هذا الموضوع واتمنى انها عقد ليكنز سريعا وجلب مدربا افهم من هذا المدرب المدرب بوكير لويجيبوه افضل من ها المدرب والا لا

ياحبنيلك لو إنك ساكت ومارديت ..

وش بوكير ؟؟ ناقصين حنا ..

المدرب ماشي تمام مع الهلال علما ان الخطه ليست خطته .. واتى بوقت حسم وصعب جدا يجرب .. لاعبين .. او يغير الخطه بهالوقت ..

اتمنى اعطائه فرصه اكثر ..

وبالنسبه للموضوع والتغييرات اعتقد ان الهلال كان فايز .. بالتعادل ومتاهل ..

وشي طبيعي باخر 15 دقيقه بتقفل وتلعب مرتدات ..

اي فريق راح يسوي كذآ .. ماراح يستمر 90 دقايق مهاجم فيها .. مستحيل فرريق يهاجم 90 دقيقه متواصله ..

والحمدلله طلع ولي .. لا تجيه اصابه واضح ضرب النصراويه لولي المتكرر..

ما ادري حاسدينا عليه يعني وكويس انه يرفع رجله اذا دخل عليه لاعب ولا قد طلع م نالشوط الاول مصاب ..

وباقي التغييرات اعتبرها كويسه مافيه شي علما ان التغيير الاخير اجباري ( الغامدي )

يعني اكيد بيحط بداله محور اجل تبيه باخر دقايق يطلع محور ويهاجم !!؟

ماأبالي دامني هلالي · #14 27/04/2009, 04:01 AM

يعطيك العافيه هذا الكلام اللي بقلب كل مشجع هلالي غيور على ناديه !

تحياتي .

زعيم السـ ع ــوديه · #15 27/04/2009, 06:10 AM

اول شيء ابارك لكم بفوز الهلال واشكر اي سي الهلال علا هذا الموضوع واتمنى انها عقد ليكنز سريعا وجلب مدربا افهم من هذا المدرب المدرب بوكير لويجيبوه افضل من ها المدرب والا لا