جيجز افضل لاعب بالدوري ...!! - صفحة رقم 3 - نادي الهلال السعودي - شبكة الزعيم

A B B O D · #1 27/04/2009, 04:16 AM

نقاشنا ما خلص .. بكرا ان شاء الله نكمل .. خاصة بعض اللي ينكتون

Berba 9 · #2 27/04/2009, 04:17 AM

مشكلة الاتحاد حقنا .. هي الشماعه الوحيده لاخفاء الواقع المانشستراوي

وصلنا لنص 2009 والى الحين ماقدروا يصدقون اللي يسويه اليونايتد

عادي هذا واقع صدقوني .. يعني ماالومكم هاتريك الدوري قرب ، والارتقاء فوق الجميع شيء اصبح معتاد من الكيان الاحمر

الجوائز صارت امر عادي ، كيان كبير تعود على هالامور وصارت بالنسبه لنا بهارات بسيطه :Smilie47:

ABO GIGGS · #3 27/04/2009, 04:22 AM

^ ^
عبود لا تكون حساس بزيادة
قرأت الردود مرة ومتين ما رأيت سبا ولا شتما !

لا تحمل الآراء أكثر مما تحتمل ..
فالحب والود يغلفان نقاشنا مهما كان ساخنا ..

Carlitos 32 · #4 27/04/2009, 04:31 AM

ها فيه آحد ثاني يقول الإتحاد الإنجليزي مانشستراوي ؟!

Berba 9 · #5 27/04/2009, 04:31 AM

^^

اسير الزعيم

لامبارد ولامبارد ولامبارد !!

معليش فرانكي هالموسم يعتبر الأقل من مواسمه الاخيره

وياخي وين مكانه بالتشكيله ؟ مكان افضل لاعب بالكرة الانجليزيه واسطورة البريمير ليج والا مكان اللي انت اكدت احقيتهم جيرارد واشلي ورونالدو

انا بس ابي شغلة تنفهم .. ترا العبرة بالكيف وليس بالكم

يعني العب مباريات تنعد بالاصابع ولا العب موسم كامل ولا اؤدي غرضي

على فكرة بمنطقكم اساسي ومدري ايش ،، ترا جيمس له ثلاث مواسم اساسي ماتغيب عن ولا مباراة .. شرايكم نحطه

من جديد

العبره بالكيف وليس بالكم

LIVER 4 EVER · #6 27/04/2009, 04:45 AM

إقتباس


	العبره بالكيف وليس بالكم

ياسلام عليك

جت على الكيف وصارت هي القاعده

يعني جيرارد لعب بالكم وماقدم بالكيف ...!!

لامبارد قدم بالكم والكيف كايف ...

فيدتش كم من الكم جاء بالكيف

اقووولكـ شيء الكل يقدر يصف كلام ويحط عبارات لكن

الشمس ماتغطى بغربال ......

لاعب مبدع اكثر من الدقائق اللي لعبها جيجز ويصير جيجز افضل

على كذا لاعب قدم اداء خيالي بموسم افضل من مسيرة نجم .....؟؟!! << كلام غير منطقي

Berba 9 · #7 27/04/2009, 04:53 AM

إقتباس

الرسالة الأصلية كتبت بواسطة LIVER 4 EVER


	ياسلام عليك جت على الكيف وصارت هي القاعده يعني جيرارد لعب بالكم وماقدم بالكيف ...!! لامبارد قدم بالكم والكيف كايف ... فيدتش كم من الكم جاء بالكيف اقووولكـ شيء الكل يقدر يصف كلام ويحط عبارات لكن الشمس ماتغطى بغربال ...... لاعب مبدع اكثر من الدقائق اللي لعبها جيجز ويصير جيجز افضل على كذا لاعب قدم اداء خيالي بموسم افضل من مسيرة نجم .....؟؟!! << كلام غير منطقي

خخخخخ ايه اكيد هي القاعده وغلطان اللي يقولك لا

اوكي جيرارد ولامبارد لعبوا بالكم والكيف .. لكن ياخي اسطورة بالـ 36 اعطى كم اكثر من الكم اللي عطاه هالاثنين

ونمبر 1 اللي جابه اليونايتد بترتيب الدوري

يبين بين الكم اللي قدمه جيجز والكم اللي قدموه الاثنين اللي ذكرتهم آنفاً

اسطورة يالراين

Q.Abdullah · #8 27/04/2009, 04:43 AM

معليش شباب نقاشكم ماراح يجيب نتيجه...
للاسف ان الواحد مايقدر يناقش ناس متعصبه..
انا اقدر اضمن لكم ..ان اللي يقول جييز مايستاهل..
ذا مايتابع المان ابد..متابعته محصوره لفريقه..

إقتباس


	بالنسبة لي أشوفها تكريمية .. بس انها غبية ..

اذا على قولتك انها تكريمه ..كان خذاها جيجز او سكولز الموسم اللي فات..

مفرح انا يوم اني اقول رونالدو صفر عالشمال..
انا مايهمني انه هداف ولا لا اللي يهمني المستوى..
واللاعب حتى لو كان هداف دون مستوى مايسوى..

عموما ..انا انسحب من هالنقااش..اللي مايجيب فايده..

......

LIVER 4 EVER · #9 27/04/2009, 04:48 AM

إقتباس

الرسالة الأصلية كتبت بواسطة >AbDuLlAh<


	معليش شباب نقاشكم ماراح يجيب نتيجه... للاسف ان الواحد مايقدر يناقش ناس متعصبه.. انا اقدر اضمن لكم ..ان اللي يقول جييز مايستاهل.. ذا مايتابع المان ابد..متابعته محصوره لفريقه.. اذا على قولتك انها تكريمه ..كان خذاها جيجز او سكولز الموسم اللي فات.. مفرح انا يوم اني اقول رونالدو صفر عالشمال.. انا مايهمني انه هداف ولا لا اللي يهمني المستوى.. واللاعب حتى لو كان هداف دون مستوى مايسوى.. عموما ..انا انسحب من هالنقااش..اللي مايجيب فايده.. ......

اخوي انا رديت عليك

وماشفتك عقبت .....

تدري ليش انت انسحبت لان الحقيقه ان جيجز مجامل

وزي ماقلتلك جيجز اسطوره لكن هذا الموسم مالعب (بالنسبه لغيره ) عشان يستحقه

ريـ الهلال ـم · #10 27/04/2009, 04:45 AM

يا الله هذا اللاعب مره كيوت

يالبى كلش

آخر طموحآتي · #11 27/04/2009, 07:00 AM

إقتباس

الرسالة الأصلية كتبت بواسطة ريـ الهلال ـم


	يا الله هذا اللاعب مره كيوت يالبى كلش

ياليل الفهاوه بس

حنا الحين وش جالسين نناقش

ابوووك خطمه

هههههههههههههههههههههههههه

قسم بطني يوجعن من الضحك .. عشانتس نبي نعطيه جائزه افضل لاعب كيوت هذا الموسم

واللي بعده سانيا حق الارسنال

ياجماااعه شوي عقليه نبي

أسيــ الزعيم ــر · #12 27/04/2009, 04:49 AM

للآسف فيه ردود ترفع الضغط و الحمدلله تم التعامل معها

اخوي بيرباتوف .. أتمنى بس على ما يقولون انك ما تناقش عشان جيجز كتاريخ .. الجائزة ما هي على أفضل لاعب في آخر 10 أو 15 سنة بالبريمر .. الجائزة لهذا الموسم فقط !

ان كنت بتتكلم عن الكيف .. جيجز نزعته الهجومية عالية جداً .. و مع ذلك هذا الموسم مثل ما ذكرت ساهم في 9 أهداف للمانيو .. هذا شيء جميل جداً .. لكن لا يصل إلى الأفضلية !

فرانكي قلت كلامي على أنه يستحقها من خلالي متابعتي له و قلة متابعتي للبريمير .. ممكن يكون رأيي خطأ إيه نعم و شيء عادي .. لكن اللي أعرفه اني مقتنع فيه و مقتنع انه لا يستحق الافضلية المطلقة لأنه فيه أكثر من لاعب يستحقها أيضاً مثل جيرارد و رونالدو

لكن أن يكون هذا الموسم هو أقل موسم لـ فرانكي .. معليش اخالفك في هالنقطة و بقوة .. هذا الموسم لامبارد قدم فيه أداء رائع جداً و يعتبر من أفضل مواسمه على الاطلاق

أما الكيف و الكم .. فـ أتمنى انك تستنتج من كلامي السابق ردي على هالكلمة .. او خلني اختصرها لك .. جيجز قدم مستوى ممتاز قياساً بـ عمره .. لكن لم يُقدم ما يشفع له بالافضلية .. نقطة الخلاف مهيب على أداء جيجز هل هو جيد أو لا .. نقطة الخلاف على أحقيته للأفضلية

بالنسبة لجيمس ايه نعم لعب مباريات كثيرة الثلاث مواسم الماضية .. هو لعب 38 مباراة .. و رينا لعب 33 مباراة .. و رينا مستواه أفضل أعطيها جيمس كذا يعني ! .. لكن المشكلة اللي ما لعب فعلياً أكثر من نصف مباريات فريقه بينما فيه من يستحقها من فريقه نفسه !

Berba 9 · #13 27/04/2009, 05:01 AM

إقتباس


	اخوي بيرباتوف .. أتمنى بس على ما يقولون انك ما تناقش عشان جيجز كتاريخ .. الجائزة ما هي على أفضل لاعب في آخر 10 أو 15 سنة بالبريمر .. الجائزة لهذا الموسم فقط !

هين لو حنا نناقش على اللاعب كـ تاريخ واسطورة بنوقف على طول .. لأنه يمكن يتعدى تاريخ انديه بكبره

إقتباس


	ان كنت بتتكلم عن الكيف .. جيجز نزعته الهجومية عالية جداً .. و مع ذلك هذا الموسم مثل ما ذكرت ساهم في 9 أهداف للمانيو .. هذا شيء جميل جداً .. لكن لا يصل إلى الأفضلية !

ترا كذا انت تحرج نفسه بالأسيست ياقلبي

اذا على كلامك جيجز مالعب نص الموسم ونصه موب أساسي بعد ، وفرانكي خويك لاعب شبه موسم كامل

وترجع جيجز 9 آسيست ، لامبارد 10 اسيست

الفرق آسيست واحد

إقتباس


	فرانكي قلت كلامي على أنه يستحقها من خلالي متابعتي له و قلة متابعتي للبريمير .. ممكن يكون رأيي خطأ إيه نعم و شيء عادي .. لكن اللي أعرفه اني مقتنع فيه و مقتنع انه لا يستحق الافضلية المطلقة لأنه فيه أكثر من لاعب يستحقها أيضاً مثل جيرارد و رونالدو

رايك ونحترمه اكيد .. انت مقتنع بلامبارد لانك ماتابعة غيره بشكل كبير مثل ماقلت

صعب تحكم على الراين بهالحاله

إقتباس


	لكن أن يكون هذا الموسم هو أقل موسم لـ فرانكي .. معليش اخالفك في هالنقطة و بقوة .. هذا الموسم لامبارد قدم فيه أداء رائع جداً و يعتبر من أفضل مواسمه على الاطلاق

لا والله معليش

فرانكي من 2004 الى الموسم الماضي كل موسم افضل من الثاني ويمكن موسمه هذا يتفوق على احد مواسمه السابقه لكن تقولي افضل لا معليش !

إقتباس


	أما الكيف و الكم .. فـ أتمنى انك تستنتج من كلامي السابق ردي على هالكلمة .. او خلني اختصرها لك .. جيجز قدم مستوى ممتاز قياساً بـ عمره .. لكن لم يُقدم ما يشفع له بالافضلية .. نقطة الخلاف مهيب على أداء جيجز هل هو جيد أو لا .. نقطة الخلاف على أحقيته للأفضلية

الا قدم مايشفع له بالافضليه وزيادة

بالـ 36 من عمره ويلعب بمركز جديد ( خلف المهاجمين ) ويقدم افضل من ماقدموه الاصغر منه بعشر سنوات

بحق اسطورة يالراين

إقتباس


	بالنسبة لجيمس ايه نعم لعب مباريات كثيرة الثلاث مواسم الماضية .. هو لعب 38 مباراة .. و رينا لعب 33 مباراة .. و رينا مستواه أفضل أعطيها جيمس كذا يعني ! .. لكن المشكلة اللي ما لعب فعلياً أكثر من نصف مباريات فريقه بينما فيه من يستحقها من فريقه نفسه !

هذا منطقكم انتم .. فلان احسن لانه لعب الموسم كامل ولاعبكم فاشل لانه لعب نص الموسم

قلته من جديد وماعندي مانع اعيدها ، العبره بالكم وليس بالكيف

عطني جيجز عشر مباريات ولاتعطيني لاعب ثاني بالبريمير موسم كامل

أسيــ الزعيم ــر · #14 27/04/2009, 04:54 AM

إقتباس

إقتباس


	اذا على قولتك انها تكريمه ..كان خذاها جيجز او سكولز الموسم اللي فات..

كان شب عليهم فيرجسون بكبره

ياخذها على رونالدو والله يا هي اليمة

اخوي .. اتمنى بس تكمل النقاش مع الشباب .. الوضع ما فيه اي اساءة الى اي احد و يترك .. ناقش و استمتع .. هنا ما نبي نفرض راي .. لكن نبي يكون فيه نقاش ودي و جميل يوصل إلى نتيجة و هذا متأكد منه اذا تخلينا عن قناعاتنا في حال اقتنعنا بالراي الاخر !

شكراً لك و للجميع

أسيــ الزعيم ــر · #15 27/04/2009, 04:56 AM

إقتباس


	خخخخخ ايه اكيد هي القاعده وغلطان اللي يقولك لا اوكي جيرارد ولامبارد لعبوا بالكم والكيف .. لكن ياخي اسطورة بالـ 36 اعطى كم اكثر من الكم اللي عطاه هالاثنين ونمبر 1 اللي جابه اليونايتد بترتيب الدوري يبين بين الكم اللي قدمه جيجز والكم اللي قدموه الاثنين اللي ذكرتهم آنفاً اسطورة يالراين

جيجز يلعب لحاله بالفريق !

انجاز يُحسب له .. لكن أبسألك و بإختصار .. هالموسم من كان أفضل و كان مؤثر بشكل أكبر ما بين رونالدو و جيجز !