السلام عليكم ورحمة الله وبركاته

أخواني أخواتي فلذات أكبادي ..

من فترة ليست بالقصيرة وركز على ليست لأني قررت اصير مثقف وتربوي ..

نرجع لنفس الجملة السابقة .. من فترة ليست بالقصيرة ماكتبت موضوع في شبكة الزعيم ..


عاد اليوم استانسوا لأني بكتب موضوع ..


قبل كم يوم كنت متكئاً على المركى في أحد المقاهي ..

وارعّص برموت التلفزيون باحثا عن قناة تستاهل إني اشوفه <- تكفى عاد يرحم والديك خل القنوات يستاهلن


وفجأة .. قفز الاسد على الزرافة .. أمزح .. فجأة لقيت قناة ابوظبي الرياضية ..

بس اني التفت بسرعة وتفلت عن يساري وتعوذت من ابليس .. همانا مقاطعين القناة !! ..

بس سمعتهم يتكلمون عن الهلال .. وقلبت عيني شوي عليهم ..


وألفى عدنان ولينا .. اقصد عدنان جستنيه يتكلم بالشرف .. والشجاعة

واطلقت ضحكة مدوية هزّت لها أركان القهوة ..

وش ياعدنان .. وش يرحم والديك .. وش خفة الدم هذي .. مبطي ماضحكت ..


انا بترك سكسوكته على جنب .. وبترك شكل خشته لاصار مسوي فيها فاهم ..

بس يعني وش شجاعته .. وش شرفه انت ووجهك .. امزح قسم .. أمون عليه ترا



عدنان والصتيمة اللي على يساره .. ذولا أساس التعصّب .. والدخول بالذمم .. وأقل من يملك الشجاعة ..


يا أخ العرب ( تخيل أقول لعدنان اخ العرب ) .. معليه نقوله من باب الذرابة والانسانية ..

الحين يومك تعلّق على موضوع صالح الحمادي .. مع اني اعترف ان صالح الحمادي نفسية شوي .. بس ميخالف

يوم تقول عن زاوية صالح الحمادي اللي تكلم فيها عن الرشوة .. ان صالح الحمادي لمّح .. وانه يجب ان يكون شجاع

ياخي طول عمرك تكتب من تحت لتحت .. وتضرب بذمم الخلق .. وماخليت زاوية لك الا جبت طاري سامي ...

واول ماعتزل سامي بديت تقطّع بياسر .. ولا عمرك قلت شي صريح .. ماعمرك صرت شجاع على قولتك



تتكلم بمكارم الاخلاق .. وانت وينك ووين مكارم الاخلاق ..

كتبت لأجل المادة .. وتركت ذمتك على جنب ودخلت بذمم الخلق علشان المادة ..

وانت أبخص بالاساليب هذي ..



مداخله ابن جلوي .. واللي قال فيها ان عضو شرف اتحادي عرض على الجمعان والدعيع ..

قامت قيامة عدنان .. مع ان الامير قال ان معه تسجيل ومستعد يسمعه بشكل خاص ..




الشي الغريب بالحلقة هذيك .. مهب عدنان .. لأن عدنان متعودين عليه .. مخه ملتمس ماعليه شرهة ..



الشي الغريب .. ان نجيب كان محابي الهلال بشكل واضح .. لدرجة إنه هزأ عدنان على الهواء ..

لكن ..

المسرحية كانت واضحة بهالنقطة ... عدنان جستنيه موظف عند محمد نجيب ..

عدنان يهاجم الهلال هو وخويه النصراوي ... ونجيب يسوي نفسه يدافع عن الهلال وزعلان ...

كذا يسوي نفسه محايد .. ويكسب شريحة من الهلاليين ..

ومنه يكسب جماهير الاندية الثانية .. بفتح مواضيع عن الهلال ..


" عدنان ما أسمح لك " كلمة ردده كثير محمد نجيب .. كيف ماتسمح له وانت مخليه يقول الي يبي


وش يضمن لك ان محمد نجيب ما بخشش عدنان وقاله ترى بهزئك على الهواء

عدنان متعود .. ويحتاج الدراهم .. ومحمد نجيب وده بنسبة مشاهدين ويبي يكسب قضية الحياد ..


كل الموجودين بهذاك البرنامج مايهمهم لا هلال ولا نصر ولا غيره ..

كله مسرحية من أجل المادة .. باعوا ولاءهم للمادة .. واتوقع لو عرض عليهم الجنسية لباعو وطنيتهم بعد لأجل المادة


والا كيف برجل يتهزأ على الهواء .. وينقاله لا تتكلم لمين تعتذر .. ويبقى بمكانه !! ..


كنت اتمنى اني اقدر أسوي مداخلة في ذاك البرنامج .. او اقل شي كنت اتمنى اني جنب ابن جلوي

علشان اعلم عدنان الشجاعة .. واعلمه انه مناقض لنفسه ..

واعلشان اثبت لمحمد نجيب ان برنامجه مايختلف عن ( مدرسة المشاغبين ) .. اللهم ان برنامجه مرات يصير كوميدي أكثر


وأتوقع خدمتهم راح تنتهي مع نهاية الموسم .. بعد ماحققت القناة اللي تبيه منهم ...



بالتوفيق للهلال